Cəmil Quliyev (rejissor)

Vikipediya, azad ensiklopediya
TgrlBot (müzakirə | töhfələr) (→‎top: Bayraqların azaldırması using AWB) tərəfindən edilmiş 05:58, 12 noyabr 2019 tarixli redaktə
Naviqasiyaya keç Axtarışa keç
Cəmil Quliyev
Doğum tarixi 3 iyul 1963(1963-07-03) (60 yaş)
Doğum yeri
Vətəndaşlığı
Atası Elşad Quliyev (professor)
Fəaliyyəti kinorejissor, aktyor, ssenarist, rejissor
Fəaliyyət illəri 1975-ci ildən
Üzvlüyü
Mükafatları Azərbaycan Respublikasının əməkdar incəsənət xadimi
3-cü dərəcəli "Vətənə xidmətə görə" ordeni
Fəxri Mədəniyyət İşçisi
IMDb ID3612227
Vikianbarın loqosu Vikianbarda əlaqəli mediafayllar
Vikipediyada bu ad-soyadlı digər şəxslər haqqında da məqalələr var; bax: Cəmil Quliyev.

Cəmil Quliyev — Azərbaycan kinorejissoru, ssenari müəllifi, "Azərbaycanfilm" kinostudiyasının direktoru (2019-cu ildən), Azərbaycan Dövlət Film Fondunun direktoru, “Mədəniyyət” kanalının sabiq baş direktoru[1] (2011-2013), Azərbaycan Respublikası Kinematoqrafçılar İttifaqının icraçı katibi (2012), İctimai Televiziyanın sabiq baş direktoru[2] (2013-11.5.2018), Mədəniyyət Nazirliyinin Kinematoqrafiya şöbəsinin Filmlərin qeydə alınması, təbliği və yayımı sektorunun mudiri (2018-2019), Azərbaycan Respublikasının Əməkdar İncəsənət Xadimi,[3] 3-cü dərəcəli “Vətənə xidmətə görə” ordeni laureatı (2018), Azərbaycan Dövlət Mədəniyyət və İncəsənət Universitetinin professoru.[4]

Həyatı

Cəmil Elşad oğlu Quliyev 1963-cü ildə Bakı şəhərində anadan olub.

1984-cü ildə Moskva şəhərində Ümumittifaq Kinematoqrafiya İnstitutunu kinorejissor ixtisası üzrə (SSRİ Xalq Artistləri A. Alov və V. Naumovun emalatxanası) bitirib.

1984-cü ildən "Azərbaycanfilm" kinostudiyasında quruluşçu rejissor kimi çalışıb, bir çox sənədli və bədii filmlərə quruluş verib. Cəmil Quliyevin quruluş verdiyi filmlər Fransa, İsveç, Türkiyə, Rusiya, Gürcüstan, Çexiya, Rumıniya və s. ölkələrdə Beynəlxalq festivallarda iştirak edib.

1987-ci ildən Azərbaycan Dövlət Mədəniyyət və İncəsənət Universitetində pedaqoji fəaliyyətə başlayıb. 1998- 2006-cı illərdə həmin Universitetin “Kino və televiziya sənəti” kafedrasının müdiri və dosenti olub. Hal-hazırda həmin universitetin professorudur.

2000-2005-ci illərdə Beynəlxalq Audiovizual Festivalın direktoru vəzifəsində çalışıb.

2006-cı ildən 2013-cü ilə qədər Azərbaycan Dövlət Film Fondunun direktoru,[5] 2011-2013-cü illərdə Mədəniyyət kanalının baş direktoru olub.

- 1990-cı ildən Beynəlxalq Kinematoqrafiya Konfederasiyasının

- 1996-cı ildən Azərbaycan Jurnalistlər İttifaqının

- 2009-cü ildən Beynəlxalq Muzeylər Şurasının

- 2010-cu ildən Beynəlxalq Televiziya və Radio Akademiyasının akademiki və üzvüdür.

Cəmil Quliyev 1998-ci ildə “Humay” mükafatına, 2005-ci ildə Azərbaycanın Əməkdar İncəsənət Xadimi fəxri adına, 2010-cu ildə “Zirvə” mükafatına, 2013-cü ildə Azərbaycan Respublikasının Əməkdar İncəsənət Xadimi adına layiq görülüb.

2009-cu ildə Beynəlxalq Muzeylər Şurasının (İCOM) üzvü seçilmişdir.[6]

Azərbaycan Respublikası Kinematoqrafçılar İttifaqının icraçı katibi, 2013-cü il aprel ayının 23-dən 2018-ci il may ayının 5-nə kimi İctimai Televiziya və Radio Yayımları Şirkətinin Baş direktoru olub[7].

1 avqust 2018-ci ildə Azərbaycan kinematoqrafiyasının inkişafında xidmətlərinə görə 3-cü dərəcəli “Vətənə xidmətə görə” ordeni ilə təltif olunmuşdur.[8]

1 avqust 2018-ci ildən Mədəniyyət Nazirliyinin Kinematoqrafiya şöbəsinin Filmlərin qeydə alınması, təbliği və yayımı sektorunun mudiridir.[9]

10 may 2019-cu ildə Prezident Mükafatına layiq görülmüşdür.[10]

Filmoqrafiya

  1. Alma almaya bənzər (film, 1975)(tammetrajlı bədii film)-rol: Kərimov
  2. Marş (film, 1982)
  3. Balıq günü (film, 1983)
  4. Bayramda yağış (film, 1985)
  5. Köç (film, 1986)
  6. Bu da bir naxışdır (film, 1987)
  7. Cansıxıcı əhvalat (film, 1988)
  8. Murad-Sad (film, 1988)-aktyor
  9. Qarət (film, 1990)
  10. Şirbalanın məhəbbəti (film, 1991)
  11. Ekskursiya (film, 1991)
  12. Subaylarınızdan görəsiniz (film, 1991)-Mozalan
  13. Etiraf (film, 1992)-ssenari
  14. Banqladeş qonaqları (film, 1992)
  15. Həsənbəy Zərdabi (film, 1992)
  16. Qovlar (film, 1992)
  17. Yol (1993)
  18. Qala (1994)
  19. Yarasa (film, 1995)-bədii rəhbər
  20. General de Qol (1995)
  21. Ömər Eldarov (1997)
  22. General Hüseyn Rəsulbəyov (film, 1998)
  23. Kədərimiz... Vüqarımız... (film, 1998)
  24. Otel otağı (film, 1998)-aktyor
  25. Nəsrulla Nəsrullayev (film, 1999)
  26. Nə gözəldir bu dünya... (film, 1999)-aktyor
  27. Kinorejissor Arif Babayev (film, 2000)
  28. Bir Ömrün Sədası (2000)
  29. İzzət Orucova (film, 2000)
  30. Kinorejissor Həsən Seyidbəyli (film, 2002)
  31. Fikrət Əmirov (2004)
  32. Qocalar (film, 2008)-məsləhətçi
  33. Bir addım (film, 2009)-bədii rəhbər
  34. Sahə (film, 2010)-bədii rəhbər
  35. Mayak (film, 2012)

İstinadlar

  1. ↑ “MƏDƏNİYYƏT” KANALININ DİREKTORU BƏLLİ OLDU
  2. ↑ Cəmil Quliyev İctimai Teleradionun yeni baş direktoru seçildi
  3. ↑ Kinofilmlər xalqın mənəvi və maddi dəyərlərini əks etdirir: [Əməkdar incəsənət xadimi, rejissor Cəmil Quliyevlə söhbət] //Səs.- 2008.- 6 avqust.- S. 12.
  4. ↑ APA. "Cəmil Quliyev: "Bəzi kino xadimlərindən fərqli olaraq, arxada danışıb, üzdə tərif deməmişəm"" (az.). Apa.az. 02.08.2016. İstifadə tarixi: 2016-08-03.
  5. ↑ 110 yaşlı Azərbaycan kinosunun dünəni və bu günü: [DFF-nin direktoru, incəsənət xadimi Cəmil Quliyev ilə söhbət] //Ekran efir.- 2008.- 1 avqust.- S. 16.
  6. ↑ AzərTAc. "DÖVLƏT FİLM FONDUNUN DİREKTORU BEYNƏLXALQ MUZEYLƏR ŞURASININ ÜZVÜ SEÇİLMİŞDİR" (az.). azertag.az. 27.08.2009 20:15. İstifadə tarixi: 2015-08-14.
  7. ↑ http://www.itv.az/index.php/az/televiziya/ba-direktor
  8. ↑ President.Az. "Azərbaycanın kino xadimlərinin təltif edilməsi haqqında Azərbaycan Respublikası Prezidentinin Sərəncamı" (az.). President.az. 01.08.2018. İstifadə tarixi: 2018-08-01.
  9. ↑ unikal.org. "Nazir İTV-nin keçmiş rəhbərinə vəzifə verdi" (az.). Unikal.org. 06.08.2018. İstifadə tarixi: 2018-08-06.
  10. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2019. İstifadə tarixi: 2019-05-10.

Mənbə

  • Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 6.
  • “Cəmil Quliyev Minskdə müasir kino ilə bağlı məruzə etdi” //Yeni Azərbaycan.- 2011.- 6 aprel.
Mənbə — "https://az.wikipedia.org/w/index.php?title=Cəmil_Quliyev_(rejissor)&oldid=4930260"