Mürsəl Qarayev

Mürsəl Qarayev
Doğum tarixi	4 noyabr 1919(1919-11-04)
Doğum yeri	Fatmayı, Bakı qəzası, Bakı quberniyası, AXC
Vəfat tarixi	26 sentyabr 1975(1975-09-26) (55 yaşında)
Vəfat yeri	Bakı, Azərbaycan SSR, SSRİ
Uşaqları	Əbülfəs Qarayev, Cahangir Qarayev
Atası	Əbülfəz Qarayev
Anası	Sona xanım Axundova
Elm sahələri	tibb, cərrahiyyə
Elmi dərəcəsi	tibb elmləri doktoru
Təhsili	Azərbaycan Tibb Universiteti
Mükafatları
Vikianbarda əlaqəli mediafayllar

Mürsəl Əbülfəz oğlu Qarayev (4 noyabr 1919, Fatmayı, Bakı qəzası – 26 sentyabr 1975, Bakı) — Azərbaycan cərrahı. Azərbaycan SSR Səhiyyə Nazirliyinin baş cərrahı. Qara Qarayevin qardaşı.

Həyatı

Mürsəl Qarayev 4 noyabr 1919-cu ildə Bakıda məşhur həkim-pediatr, Azərbaycan Tibb İnstitutunun pediatriya kafedrasının müdiri, Əməkdar elm xadimi, professor Əbülfəz Qarayevin ailəsində anadan olmuşdur. 1938-ci ildə Bakı şəhəri 23 nömrəli orta məktəbi bitirdikdən sonra Azərbaycan Tibb İnstitutuna daxil olmuş və 1942-ci ildə İnstitutun müalicə-profilaktika fakültəsini bitirmişdir.

1919-ci il Noyabrın 4-də Bakı şəhərində məşhur həkim-pediatr Əbülfəz Qarayevin və Sona xanım İskəndər qızının ailəsində anadan olmuşdur.1927-ci ildə Yasamal rayonu 23 saylı orta təhsil məktəbinə daxil olur. 1938-ci ildə isə Azərbaycan Dövlət Tibb İnstitutununmüalicə-profilaktika fakultəsinə daxil olur.1942-ci il avqustun 10-da institutun məzunu olur və avqustun 25-də Sovet ordusu sıralarına həqiqi hərbi xidmətə çağırılır.1943-ci il avqust ayından müharibənin sonuna qədər döyüşən orduda 482-ci Tibb-Sanitar Batalyonunda cərrah kimi xidmət edir, Kursk dairəsi döyüşlərində hərbi eşalonun baş həkimi olur; Budapeşt ətrafındakı döyüşlərdə daha bir dəfə yaralanlr.("Döyüşdə casurluğa görə","Qafqazın müdafiəsinə görə","Almaniya üzərində qələbəyə görə" medallarıyla təltif olunur.1953-ci ildə "Uzun müddət vakkum-terapiya tətbiq edilməklə irinli plevritin kompleksli müalicəsi" mövzusunda namizədlik dissertasiyasını müdafiə edir.1959-cı il iyulun 28-də "Cərrahiyyə kafedrası üzrə" dosent elmi adı təsdiq olunur.1960-1964-ci illərdə Az.respublikası Səhiyyə Nazirliyinin baş cərrahı vəzifəsində işləyir.1972-ci ildə SSRİ Nazirlər Soveti yanında Ali Attestasiya kommisiyasının cərrahiyyə seksiyasında təkrar müdafiə edir.1975-ci il sentyabrın 26-da Bakı şəhərində vəfat edir. Ölümündən az sonra Ali Attestasiya Komissiyası Mürsəl Əbülfəz oğlu Qarayev üçün nəzərdə tutulmuş "Tibb elmləri doktoru" diplomunu yoldaşına təqdim edir.

Həmçinin bax

• Qarayevlər