Talış (Ağdərə)
| Kənd | |
| Talış kənd | |
|---|---|
| 40°22′53″ şm. e. 46°44′27″ ş. u. | |
| Ölkə |
 Azərbaycan |
| Rayon | Tərtər rayonu |
| Tarixi və coğrafiyası | |
| Saat qurşağı | |
| Əhalisi | |
| Əhalisi | 0 nəfər (2016) |
| Milli tərkibi | Azərbaycanlı |
| Rəsmi dili | Azərbaycan dili|Azərbaycan |
| Rəqəmsal identifikatorlar | |
| Telefon kodu | +994 |
| Poçt indeksi | AZ5900 |
| Nəqliyyat kodu | 59 |
|
| |
 Vikianbarda əlaqəli mediafayllar | |
Talış — Azərbaycan Respublikasının Tərtər rayonunun inzibati ərazi vahidində kənd. Talış kəndi cəbhə xəttinə çox yaxın ərazidə yerləşir.
Tarixi
Talış kəndi XVIII-XIX əsrlərdə mövcud olmuş Gülüstan məlikliyinin mərkəzi olub.[1] Talış kəndi əvvəllər Dağlıq Qarabağ Muxtar Vilayətində Ağdərə rayonu inzibati ərazisinə aid idi, lakin 1992-ci ildə Ağdərə rayonu ləğv edilərək ərazisi qonşu Ağdam, Tərtər və Kəlbəcər rayonları arasında bölüşdürüldü. Talış kəndi də Tərtər rayonuna birləşdirilən kəndlərdən biridir.
Talış kəndi Qarabağ müharibəsinin əvvəlində Ermənistan ordusu tərəfindən işğal olunub, lakin 1992-ci ilin Ağdərə əməliyyatı zamanı iyunun 16-ı Azərbaycanın Milli Qəhrəmanı Məhəmməd Həsənovun 1-ci Goranboy batalyonu və komandir Nazim Bayramovun tank batalyonu (ümumilikdə 8 tank) tərəfindən Tapqaraqoyunlu istiqamətindən birgə sürətli hücum nəticəsində kənd erməni işğalçılarından azad edilib. Hücum zamanı Azərbaycan Ordusunun cəmi 1 əsgəri yaralanmışdı. Lakin 1994-cü ilin aprel ayında hücum edən erməni qüvvələri kəndi yenidən nəzarət altına alıblar.[2]
2 aprel 2016-cı il tarixdə Talış kəndinin ətrafındakı strateji yüksəkliklər Azərbaycan Ordusunun erməni işğalçılarına qarşı keçirdiyi əməliyyat zamanı ermənilərdən tam geri alınıb.[3][4][5][6] Sonrakı günlərdə Talış kəndində yaşayan 90 erməni ailəsi kəndi tərk edərək Ermənistana qaçıb. Məlumata görə, atəşkəs elan olunandan sonra 370 erməni Talış kəndindən gedib.[7].
2017-ci il fevralın 24-25-nə keçən gecə Ermənistan silahlı qüvvələri Talış kəndinin ətrafındakı strateji yüksəklikləri ələ keçirmək məqsədilə təxribat törədiblər. Lakin Azərbaycan silahlı qüvvələri keçirdiyi əməliyyat zamanı onların qarşısını alaraq pilotsuz uçuş aparatı olan PUA-nı məhv ediblər. Talış kəndində qalan 10-15 ailə isə oranı tərk edib.[8]
Əhalisi
Erməni mənbələrinin verdiyi məlumata görə kənddə 2005-ci ildə 581 nəfər yaşayırdı.[9] 2016-cı il aprel döyüşlərindən sonra kənddə əhali yaşamır.[10] 2016-cı ilin sonunda erməni rəhbərliyi kənddən qaçaraq Dağlıq Qarabağın və Ermənistanın müxtəlif yerlərində məskunlaşmış erməni ailələrinin kəndə qaytarılması üçün tədbirlər görməyə başlayıb. Talış kəndinin Azərbaycan ordusu ilə təmas xətti istiqamətində atəşdən qorunmaq üçün sədlər çəkilməyə başlanıb.[11]
Görməli yerlər
Talış kəndi ərazisində iki tarix-memarlıq abidəsi qeydiyyata alınmışdır:
- Ürəkvəng monastırı (4036) - XII əsrə aid Alban monastırı.
- Talış yaşayış yeri (5909) - arxeoloji abidədir, orta əsrlərə aid edilir.
İstinadlar
- ↑ Azərbaycanın Tarixi-Siyasi Coğrafiyası səh. 44, Vaqif Piriyev
- ↑ “Ağdərənin Talış kəndinə 8 tankla girmişdik…” - MÜSAHİBƏ
- ↑ ARMN. "Cəbhədə vəziyyətlə bağlı son məlumat, 2 aprel 2016 il" (az.). www.mod.gov.az. 2016-04-02. 2016-04-02 tarixində arxivləşdirilib. İstifadə tarixi: 2016-04-07.
- ↑ ARMN. "Məlumat, 6 aprel 2016 il" (az.). www.mod.gov.az. 2016-04-06. 2016-04-06 tarixində arxivləşdirilib. İstifadə tarixi: 2016-04-06.
- ↑ "Nagorno-Karabakh: Talysh residents flee despite ceasefire deal" — YouTube
- ↑ MN: Talış kəndi ətrafındakı yüksəkliklər və Seysulan məntəqəsi düşməndən tam təmizlənib
- ↑ "Talış kəndində yaşayan 90 erməni ailəsi Ermənistana qaçıb" (az.). 2016-05-03 tarixində arxivləşdirilib.
- ↑ http://news.milli.az/politics/521188.html
- ↑ Dağlıq Qarabağın əhalisi
- ↑ "Mövqeləri itirdiyimiz üçün əhali Talış kəndinə qayıda bilmir"
- ↑ Ermənilər Talış kəndinə qaytarılır
Həmçinin bax
Xarici keçidlər
 | ||
|---|---|---|
| Şəhərlər |  | |
| Kəndlər | Aşağı Qapanlı • Ağkənd • Alışarlı • Azad Qaraqoyunlu • Bala Kəngərli • Bayandur • Bayandurlu • Bəyimsarov • Bildirçinli • Borsunlu • Buruc • Cəmilli • Çıraqlı • Dəmirçilər • Düyərli • Dostagir • Evoğlu • Ələsgərli • Əskipara • Güləbatlı • Hacallı • Hacıqərvənd • Hüsənli • Xoruzlu • İlxıçılar • İrəvanlı • İsmayılbəyli • Kəbirli • Kəngərli • Köçərli • Kövdadıq • Qapanlı • Qaraağacı • Qaradağlı • Qaynaq • Qazaxlar • Qazyan • Qırmızı-Saqqallar • Qırmızıkənd • Mamırlı • Poladlı • Ortakənd • Rəcəbli • Sarıcalı • Sarov • Seydimli • Səhləbad • Soyulan • Təzəkənd • Yenikənd • Yuxarı Qaradağlı • Yuxarı Qapanlı • Yuxarı Sarıcalı • Zolgəran | |
| Ləğv olunmuş kəndlər | ||
|
Tərtər rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
|
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |