İlham Zəkiyev

Vikipediya, azad ensiklopediya
Vagobot (müzakirə | töhfələr) (İdmançı şablonu qaydaya salınır) tərəfindən edilmiş 02:30, 22 sentyabr 2020 tarixli redaktə
Naviqasiyaya keç Axtarışa keç
İlham Zəkiyev
İlham Zəkiyev 2008 Yay Paralimpiya Oyunlarında 9 sentyabr 2008 (Pekin, Çin Xalq Respublikası)
İlham Zəkiyev 2008 Yay Paralimpiya Oyunlarında
9 sentyabr 2008 (Pekin, Çin Xalq Respublikası)
Şəxsi məlumatlar
Tam adı İlham Əzizağa oğlu Zəkiyev
Vətəndaşlığı  Azərbaycan
Doğum tarixi (44 yaş)
Doğum yeri Sumqayıt, Azərbaycan SSR, SSRİ
Boyu 190 sm.
Çəkisi 148 kq.
İdman növü Cüdo
Məşqçiləri
Medallar
Yay Paralimpiya Oyunları
Qızıl 2004 Afina +100 kq.
Qızıl 2008 Pekin +100 kq.
Bürünc 2012 London +100 kq.
Dünya çempionatı
Qızıl 2007 San-Paulu +100 kq.
Qızıl 2010 Antalya +100 kq.
Gümüş 2011 Antalya +100 kq.
Bürünc 2006 Brommat +100 kq.
Bürünc 2003 Kvebek +100 kq.
Avropa Oyunları
Qızıl 2015 Bakı +100 kq.
Avropa Çempionatı
Qızıl 2005 Vlaardingen +100 kq.
Qızıl 2007 Bakı +100 kq.
Qızıl 2009 Debretsen +100 kq.
Qızıl 2011 Kravley +100 kq.
Qızıl 2015 Odivelas +100 kq.
Qızıl 2015 Odivelas Komanda
Qızıl 2017 Volsol +100 kq.
İslam Həmrəyliyi Oyunları
Bürünc 2017 Bakı +100 kq.
Dövlət mükafatları

"Şöhrət" ordeni — 2008 "Şöhrət" ordeni — 2015 "Tərəqqi" medalı — 2012
"Qızıl çinar" beynəlxalq mükafatı — 2012

28 may 2016 tarixində yenilənib.


İlham Əzizağa oğlu Zəkiyev (3 mart 1980, Sumqayıt, SSRİ) — Azərbaycan paraolimpiyalı cüdoçu, ikiqat Paralimpiya Oyunları çempionu (2004, 2008), ikiqat dünya çempionu (2007, 2010) və yeddiqat Avropa çempionu (2005, 2007, 2009, 2011, 2013, 2015, 2017), 2015 Avropa Oyunları çempionu, Azərbaycanın Əməkdar İdman Ustası, 6-cı dan sahibi, Qarabağ müharibəsi əlili və qazisi.

"Şöhrət" ordeni və "Tərəqqi" medalı ilə mükafatlandırılmışdır. 2008, 2012 və 2016 Yay Paralimpiya Oyunlarında Azərbaycanın bayraqdarı olub. 1999-cu ildə cəbhə bölgəsində İlham Zəkiyev snayperlə başından vuruluduqdan sonra görmə qabilliyətini itirmiş, və bundan sonra cüdo ilə ciddi məşğul olmuşdur.

Həyatı

Uşaqlıq və yeniyetməlik illəri

Əhməddin Rəcəblinin başçılığı altında İlham Zəkiyev ikiqat Paralimpiya çempionu, ikiqat dünya və beşqat Avropa çempionu olmuşdur.

İlham Zəkiyev 3 mart 1980-ci ildə Sumqayıt şəhərində sıravi zavod işçisi olan Əzizağa Zəkiyevin ailəsində anadan olub. Ailədə özündən başqa 3 qardaşı və 1 bacısı var. Sumqayıt şəhərinin 5 saylı orta məktəbinin məzunudur[1]. Məktəblik dövründə ən çox sevdiyi fənlər coğrafiya, tarix və riyaziyyat olub.[2] İlhamın özündən üç yaş böyük qardaşı Fikrət Zəkiyev güləş ilə məşğul olurdu. Onun sayəsində İlhamın da idmana həvəsi yaranmışdı.[3]

1995-ci ildən Azərbaycanın əməkdar məşqçisi Əhməddin Rəcəblinin başçılığı altında, Mehdi Hüseynzadə adına Sumqayıt şəhər stadionunda cüdo ilə məşğul olmağa başlayıb. İlham çox qısa bir müddət ərzində uğurlara imza atır, Sumqayıt şəhərində keçirilən yarışmada qalib gəlir, gənclər arasında keçirilən cüdo üzrə Azərbaycan birinciliyində qaliblər arasında yer tutur və sambo üzrə yeniyetmələr arasında Respublika çempionu olur[4].

1998-ci ilin iyun ayında Azərbaycan kubokunun qalibi oldu. Həmin qalibiyyət ona yeniyetmələrin Moskvada keçiriləcək olimpiadasına vəsiqə qazandırdı.[3] Lakin Moskvadakı olimpiadaya getmək ona müyəssər olmadı. O, düz bir ay sonra həqiqi hərbi xidmətə çağırıldı və 2 iyul 1998-ci ildən Azərbaycan Silahlı Qüvvələrində xidmət etməyə başladı.[3]

Hərbi xidmət və görmə qabilliyətinin itirilməsi

Beyləqan rayonunun Daşburun stansiyasında əsgərləri mövqelərə bölüşdürəndə, onun komandiri Zəkiyevi fiziki görünüşümə və idman göstəricilərinə görə öz yaşıdlarından seçildiyim üçün "N" saylı kəşfiyyat taburuna göndərdi.[3] O, yeddi ay orduda nümunəvi xidmət eləyib, fəxri fərmanlar aldı.[3][5]

1999-cu ilin fevralında Füzuli rayonunun Aşağı Əbdürrəhmanlı kəndi istiqamətində döyüş tapşırığını yerinə yetirən zaman Ermənistan tərəfdən atılan snayper gülləsinə tuş gəlib.[6][7] Güllə onun sağ gicgahından girib, sol gicgahımdan çıxmışdı.[8] O, beş gün koma vəziyyətində qalır və həkimlər onun öləcəyini bildirirlər.[8] Beşinci gün İlham rayon xəstəxanasında, anasının səsini eşidib özünə gəlir.[5] Lakin gözlərini açanda, heç nə görmür.[8] O, kor olmuşdu.[8][9] İlhamın anası xatırlayır:

" Biz onu rayon hərbi hospitalında tapdıq. Vəziyyəti çox ağır idi. Həkimlər ümidlərini itirmişdilər. "İdmançı olduğu üçün ürəyi hələ də mübarizə aparır", - onlar deyirdilər. Mən onu çağırdım, "Oğlum, İlham" dedim. İlham çox zəif bir səslə mənə cavab verdi, "Mənə soyuqdur" dedi. Onda hamı başa düşdü ki, İlham ölümə qalib gəldi. Mən öz jaketimi çıxarıb onun üstünə sərdim. Yanında əyləşdim, isti çay verdim.[5] "

O, evinə I qrup Qarabağ əlili kimi döndü.[3]

Dörd illik fasilə

O, 19 yaşında görmə qabiliyyətini itirməsi nəticəsində çətin vəziyyətə düşür.[5] Ailəsinin və yaxın dostlarının bu müddət ərzində ona dəstək olması İlhama belə çətin dövrü arxada qoymağa kömək edir.[5] Belə bir vəziyyətdə onun böyük idmana qayıtması böyük bir fantaziya kimi qəbul edilə bilərdi.[3] Buna baxmayaraq İlham idmana yenidən qayıtmaq üçün yollar arayırdı:[5]

" Bir dəfə məndən soruşdular ki, sən necə görmürsən? Mən də cavab verdim ki, sizin gördüyünüzü mən hiss edirəm. Amma mən hiss etdiyimi siz görmürsünüz.[10]
İlham Zəkiyev
 "

2002-ci ildə o, Gənclər və İdman Naziri Əbülfəz Qarayev ilə görüşür, nazir İlhamın Moskvaya gedərək orada müalicə almasına köməklik edir.[3] Lakin rusiyalı həkimlər belə ağır zədə almış insanlara görmə qabiliyyətini qaytarmağa müasir elmin hələlik qadir olmadığını bildirirlər. Moskvadan Azərbaycana qayıdan İlham yenidən Gənclər və İdman Nazirliyinə müraciət edərək hansı idman növü ilə məşğul olaraq yarışmalara çıxa biləcəyi barədə sorğu göndərir. Burada ona paralimpiya üzrə cüdo yarışlarında iştirak etməyi təklif edirlər.[5]

Böyük idmana qayıdışı və sonrakı karyerası

2000-ci illər

İlham Zəkiyev 2004 Yay Paralimpiya Oyunlarında

O, 2002-ci il noyabr ayının 1-dən məşqlərə başlamışdır.[3] 2003-cü ilin avqust ayında Kanadanın Kvebek şəhərində keçirilən Görmə Əlilliyi olan İnsanların ikinci Dünya Çempionatında ilk dəfə tatamiyə çıxmışdır. O, püşkatmanın dərəcəsinə görə kubalı dünya çempionu Rafael Torres Pompe ilə yarışdı və çox gərgin keçən mübarizədə xal fərqi ilə ona məğlub oldu. Buna baxmayaraq, İlham Zəkiyev təsəlliverici görüşlərdə qalib olaraq bürünc medala sahib oldu və 2004-cü ildə Afinada keçiriləcək Paralimpiya Oyunlarına vəsiqə qazandı.[3]

O, Azərbaycandan Paralimpiya Oyunlarında iştirak edən yeganə cüdoçu idi. Onnun Afinada ilk qarşılaşdığı idmançı, Kvebekdəki yarışmada məğlub olduğu kubalı dünya çempionu oldu. Bir dəqiqə qırx saniyə çəkən döyüşdə rəqibini üstələyib yarımfinala qalxdı. Yarımfinalda İspaniyadan olan idmançını otuz yeddi saniyə ərzində məğlub etdi. Finalda isə Böyük Britaniyadan olan rəqibimə ippon fəndi ilə bir dəqiqə iki saniyə müddətində üstün gələrək Paralimpiya Oyunları Çempionu adını qazandı.[3]

Bir ildən sonra isə Niderlandda keçən Avropa Çempionatının final yarışmasında Fransanı təmsil edən Julien Torini məğlub edərək Avropa çempionu oldu. 2006-cı ildə Fransada keçirilən Dünya Çempionatında bürünc medal qazandı. 2007-ci ildə Bakıda keçirilən Dünya Çempionatında yenə də qalib oldu.[8] Həmin ildə Braziliyada keçirilən Ümumdünya yarışmasında qızıl medala layiq görülüb.[3]

2008-ci ildə ikinci Paralimpiya Oyunlarında iştirakı zamanı Çinin paytaxtı Pekində fransalı idmançı Julyen Turini beş saniyəyə məğlub etdi.[8]

2010-cu illər

Zəkiyev Londonda keçirilən Yay Paralimpiya Oyunlarında. 2 sentyabr 2012-ci il

2012-ci ildə Almaniyanın Heydelberq şəhərində keçirilən paralimpiyaçı cüdoçular arasında Dünya Kubokunda gümüş medala sahib olub.[11] 2013-cü ildə altıncı dan qara kəmərə sahib olub.[12] Həmin il Londonda keçirilən Paralimpiya oyunlarında ilk görüşündə Heydər Heydərovla qarşılaşıb və ona heç bir şans verməyib.[13] Növbəti - 1/4 finalda Zəkiyevin rəqibi yaponiyalı Kento Masaki olub.[13] Çətin keçən qarşılaşmadan rəqib qalib ayrılıb.[13] Nəticədə Zəkiyev təsəlliverici görüşlərə qatılıb və burada braziliyalı Vilians Silvaya qalib gələrək, bürünc medalla kifayətlənib.[13]

2015 Avropa Oyunlarının açılış mərasimində məşəli yandırmışdı.[14] 2015-ci ildə birinci Avropa Oyunlarında Azərbaycan komandasının aktivinə 18-ci qızıl medalı yazdı.[15] O, finalda Ukrayna təmsilçisi Aleksandr Pominovu məğlub edərək çempion olub. Azərbaycan İdman Jurnalistləri Assosiasiyası (AİJA) 2015-ci ilin idman laureatları arasında "İlin idmançısı" arasında ikinci yerə layiq görülüb.[16]

Braziliyanın Rio-de-Janeyro şəhərində XVII Yay Paralimpiya Oyunlarının açılış mərasimində Azərbaycan bayrağını yığmanın kapitanı İlham Zəkiyev aparıb.[17] O, həmin vaxt milli geyimdən istifadə edib.[17] Geyimin müəllifi Milli Geyim Mərkəzinin rəhbəri, sənətşünaslıq üzrə fəlsəfə doktoru Gülnarə Xəlilovadır.[17] Mübarizəyə qoşulan Zəkiyev ilk görüşündə özbəkistanlı Adilxan Tuledibayevlə qarşılaşdı.[18] Görüşün son dəqiqələrində İlham Zəkiyev tətbiq etdiyi fəndin əksinə düşərək ipponla gözlənilmədən məğlub oldu.[18] Adilxan Tuledibayev yarımfinalda yaponiyalı Kento Masakini görüşün başlanğıcında ipponla məğlub edib finala yüksəldiyi üçün Zəkiyev təsəlliverici qrupda mübarizə apardı.[18] Qrupun ilk görüşündə ABŞ nümayəndəsi Benjamin Qoodriçi ippon, 2-ci görüşündə isə Birləşmiş Krallıq cüdoçusu Cek Hocsonu yuko xalı tətbiq edərək məğlub etdi və həlledici görüşə adladı.[18] Bürünc medal uğrunda mübarizədə İlham Zəkiyev Yenqalini Ximenez ilə üz-üzə gəlsə də, təzyiqinin aşağı düşməsi, əlinin və dizinin zədəli olması Zəkiyevi bu görüşdə məğlub etdi. Ximenez yuko xalı ilə bürünc medal uğrunda mübarizənin qalibi oldu.[18][19] Nəticədə cüdoçu, 2016 Yay Paralimpiya Oyunlarının cüdo yarışlarında kişilərin +100 kq çəki dərəcəsində beşinci nəticə göstərdi.[20]

Təhsili

İlham Zəkiyev 2016-cı ildə Azərbaycan Dövlət Bədən Tərbiyəsi və İdman Akademiyasından məzun olaraq, bədən tərbiyəsi və idman ixtisası üzrə bakalavr ali peşə-ixtisas dərəcəsinə yiyələnmişdir[21].

Şəxsi həyatı

2005-ci ildə ailə həyatı qurub.[2] Toy ərəfəsində ölkə prezidenti İlham Əliyev ona məktub göndərmişdi və toydan sonra Zəkiyevə avtomobil də hədiyyə etmişdi.[2] Üç övladı var: iki oğul, bir qız.[2]

Bakının "Neftçi" klubunun sadiq azarkeşidir.[22] 2011-ci ildə rejissor Məhsim Məhsimov tərəfindən İlham Zəkiyevin həyatından bəhs edən qısametrajlı "İşıqlı Zülmət" filmini çəkilmişdir.[23] İlham Zəkiyev dindar müsəlmandır və gündəlik namaz ibadətini yerinə yetirir. 2015-ci ildə Məkkədə Həcc ziyarətində olub.[24] 2015-ci ildən BP-nin idman elçisidir.[25][26]

Beynəlxalq müsabiqələrdə finala yolu

Müsabiqə Yer və vaxt İlkin round 1/4 1/2 Final
Rəqib
Nəticə 		Rəqib
Nəticə 		Rəqib
Nəticə 		Rəqib
Nəticə
2004 Yay Paralimpiya Oyunları Afina
17-28 sentyabr 		Kuba Rafael Torres Pompa
qal. 1001 / 0001 (1:20) 		İspaniya Fermin Kampos Arisa
qal. 0010 / 0000 (0:32) 		Böyük Britaniya Yan Rouz
qal. 1000 / 0000 (1:02)
2005 Avropa Çempionatı Vladringen
2-3 aprel 		Fransa Julien Torin
qal.
2007 Avropa Çempionatı Bakı
17-21 may 		Rusiya Aleksandr Parasyuk
qal. 1000 / 0000 		Macarıstan Qabor Papp
qal. 0200 / 0000 		Fransa Julien Torin
qal. 0200 / 0000
2007 Dünya oyunları San Paolo
28 iyul — 8 avqust 		Çin Van Sun
qal. 		Fransa Julien Torin
qal. 		ABŞ Greg Düval
qal. 		Kuba Yanqolini Ximenes
qal.
2008 Yay Paralimpiya Oyunları Pekin
7-9 sentyabr 		Fransa Julien Torin
qal. 1000 / 0000 		Cənubi Koreya Pak Cun Min
qal. 1000 / 0001 		Çin Van Sun
qal. 1000 / 0000
2009 Avropa Çempionatı Debreçen
3-4 iyul 		Rusiya Aleksandr Parasyuk
qal. 1110 / 0010 		Macarıstan Tibor Veq
qal. 1000 / 0000 		Rusiya Konstantin Kapitonov
qal. 1000 / 0000
2010 Dünya Cüdo Çempionatı Antalya
25-29 mart 		Kanada Uilyam Morqan
qal. 1000 / 0000 		Kuba Yanqolini Ximenes
qal. 1000 / 0000 		Macarıstan Qabor Papp
qal. 1000 / 0000 		İran Həmzə Hadri
qal. 1000 / 0010
2011 Dünya oyunları Antalya
1-10 aprel 		Rusiya Heydər Heydərov
qal. 1000 / 0000 		Kanada Toni Uolbi
qal. 1000 / 0000 		Əlcəzair Həmzə Hərkat
qal. 1000 / 0000 		Yaponiya Kento Masaki
məğ. 0000 / 1000
2011 Avropa Çempionatı Krouli
18-20 noyabr 		Rusiya Heydər Heydərov
qal. 101.3 / 010.2 		Macarıstan Qabor Papp
qal. 100.0 / 000.0 		Fransa Julien Torin
qal. 100.0 / 000.
2013 Avropa Çempionatı Eger
4-5 dekabr 		Rusiya Heydər Heydərov
qal. 100 / 00 		Rusiya Aleksandr Parasyuk
qal. 20.0 / 00.1
2015 Dünya Cüdo Çempionatı Eger
20-22 fevral 		İraq Qarrax Əl-Budr
qal. 100 / 000 		Rusiya Aleksandr Parasyuk
поб. 100 / 000 		Yaponiya Kento Masaki
qal. 100 / 000
2015 Avropa Oyunları Bakı
26 iyun 		Yunanıstan Klimis Papaxristos
qal. 100 / 000 		Ukrayna Aleksandr Pominov
qal. 100 / 000
2015 Avropa Çempionatı Odivelaş
27-28 noyabr 		Böyük Britaniya Cek Conson
qal. 100 / 000 		Rusiya Heydər Heydərov
qal. 111 / 000
Finalda qələbə
Finalda məğlubiyyət

Təltif və mükafatları

Azərbaycan Prezidenti İlham Əliyev Zəkiyevi Azərbaycan Respublikası Prezidentinin fəxri diplomu ilə təltif edərkən. 23 sentyabr 2016

İlham Zəkiyev 2008-ci il dekabr ayının 26-da "Şöhrət" ordeninə; 2009-cu ilin mart ayının 5-də "Əməkdar idman ustası" adına; 2012-ci ildə "Tərəqqi" medalına layiq görülüb.[3] 2012-ci il may ayının 10-da Heydər Əliyev Mərkəzinin açılışı zamanı Heydər Əliyev Fondunun təsis etdiyi "Qızıl çinar" beynəlxalq mükafatına layiq görülüb.[3][27] 2016-cı ildə İlham Zəkiyev "Azərbaycan Respublikası Prezidentinin fəxri diplomu" ilə təltif edilib.[28]

Uğurları

  • Azərbaycan Cüdo üzrə Sumqayıt çempionu
  • Azərbaycan Cüdo üzrə Gənclər arasında Azərbaycan çempionatının mükafatçısı
  • Azərbaycan Sambo üzrə Gənclər arasında Azərbaycan çempionu
  • 1998 — Azərbaycan Azərbaycan kubokunun qalibi
  • 2003 — Kanada Gözdən Əlillərin Dünya Oyunlarında bürünc medalçısı
  • 2004 — Yunanıstan XII Yay Paralimpiya Oyunlarının Çempionu
  • 2005 — Niderland Avropa Çempionu
  • 2006 — Fransa Dünya Çempionatında komanda bürünc mükafatçı
  • 2007 — Azərbaycan Avropa Çempionu
  • 2007 — Braziliya Gözdən Əlillərin Dünya Oyunlarının qalibi
  • 2008 Yay Paralimpiya Oyunlarında İlham Zəkiyev rəqibinə ipponla qalib gəlir
  • 2008 — Çin XIII Yay Paralimpiya Oyunlarının Çempionu
  • 2009 — Macarıstan Avropa Çempionu
  • 2010 — Türkiyə Dünya Çempionu
  • 2011 — Türkiyə Gözdən Əlillərin Dünya Oyunlarının gümüş mükafatçısı
  • 2011 — Böyük Britaniya Avropa Çempionu
  • 2012 — Böyük Britaniya XIV Yay Paralimpiya Oyunlarının Bürünc mükafatçısı
  • 2013 — Macarıstan Avropa Çempionu
  • 2015 — Macarıstan Dünya Çempionu
  • 2015 — Azərbaycan 2015 Avropa Oyunları Çempionu
  • 2015 — Portuqaliya Avropa Çempionu
  • 2017 — Böyük Britaniya Avropa Çempionu

Şəxsi

Fəxri vətəndaşlıq

Qalereya

İstinadlar

  1. ↑ Nəsillərə örnək azpress.az.
  2. ↑ 1 2 3 4 "İLHAM ZƏKİYEV: "ANAMIN SƏSİNƏ KOMADAN AYILDIM"". gencaile.az. gencaile.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  3. ↑ 1 2 3 4 5 6 7 8 9 10 11 12 13 14 "İkiqat Paralimpiya çempionu İlham Zəkiyevlə söhbət". www.muallim.edu.az. www.muallim.edu.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  4. ↑ Э. Алиев. Медаль, которая может вернуть зрение : газета. — Эхо, 2004. — № 173.  (rus.)
  5. ↑ 1 2 3 4 5 6 7 ""Qızıl oğlan" İlham Zəkiyevin həyat hekayəsi". www.femida.az. www.femida.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  6. ↑ "Ильхам Закиев: обмануть смерть, чтобы стать национальным героем". www.vestikavkaza.ru (rus). www.vestikavkaza.ru. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  7. ↑ Conelly, Andrew. "The games are over — now back to war". www.politico.eu. www.politico.eu. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  8. ↑ 1 2 3 4 5 6 Suleymanov, Mehman. "MEET ILHAM ZAKIYEV: Azerbaijan's Double Paralympic Champion". www.visions.az. www.visions.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  9. ↑ "Advertising Feature: Meet Paralympian Ilham Zakiyev, the man who cheated death to become a national hero". talksport.com. talksport.com. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  10. ↑ Qaraca, Bəxtiyar. "İLHAM ZƏKİYEV - cəsarət və ləyaqət simvolu". www.anl.az. www.anl.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  11. ↑ "İlham Zəkiyevdən növbəti çempionluq". www.apasport.az. www.apasport.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  12. ↑ "İlham Zəkiyev "Böyük dəbilqə"ni dəyərləndirdi". olimpiya.az. olimpiya.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  13. ↑ 1 2 3 4 "Zəkiyev Londonda Azərbaycana daha bir medal qazandırdı". www.apasport.az. www.apasport.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  14. ↑ ""Məşəli yandırmağımı prezident və xanımı istəyirdi..." - İlham Zəkiyev". savash.org. savash.org. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  15. ↑ "İlham Zəkiyev çempion oldu". az.azvision.az. az.azvision.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  16. ↑ ""Apasport" 3-cü dəfə ilin ən yaxşısı seçildi". www.apasport.az. www.apasport.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  17. ↑ 1 2 3 "İlham Zəkiyev milli geyimdə". axsam.az. axsam.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  18. ↑ 1 2 3 4 5 "Rio-2016 Paralimpiadası: Cüdoçumuz İlham Zəkiyev XV Yay Paralimpiya Oyunlarında mübarizəni medalsız başa vurub" (az.). Azərbaycan Dövlət İnformasiya Agentliyi. 10 sentyabr 2016. 2017-08-30 tarixində arxivləşdirilib. İstifadə tarixi: 28 avqust 2018.
  19. ↑ "İlham Zəkiyev idmandan getməsi barədə danışdı". İdman (az.). xeberdar.net. 15 sentyabr 2016. İstifadə tarixi: 28 avqust 2018.
  20. ↑ "İlham Zəkiyev məğlubiyyətinin səbəbini açıqladı". oxu.az. oxu.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  21. ↑ İlham Zəkiyev Azərbaycan Dövlət Bədən Tərbiyəsi və İdman Akademiyasından məzun olub. azertag.az, 28.10.2016  (az.)
  22. ↑ "Вражеская пуля попала ему прямо в висок… И только мать верила в чудо!". armud.az. armud.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  23. ↑ "BAYRAĞIMIZI UCALDAN GƏNCLİYİMİZ". supersport.az. supersport.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  24. ↑ "İlham Zəkiyev Həcc ziyarətində - Fotolar". show.az. show.az. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  25. ↑ "BP-nin idman elçisi İlham Zəkiyev Rioya gedən yolda". www.bp.com. www.bp.com. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  26. ↑ "Athlete ambassadors". www.bp.com. www.bp.com. 15 sentyabr 2016 tarixində arxivləşdirilib. İstifadə tarixi: 15 sentyabr 2016.
  27. ↑ "Heydər Əliyev Mərkəzinin açilişi, ulu öndərin anadan olmasinin 89-cu ildönümü və Heydər Əliyev Fondunun fəaliyyətə başlamasinin 8 illiyi münasibətilə təntənəli mərasim keçirilib" (az.). leyla-aliyeva.az. 10/05/2012. İstifadə tarixi: 2015-05-18.
  28. ↑ 1 2 "Prezidentdən İlham Zəkiyevlə bağlı sərəncam". fanat.az. fanat.az. 22 sentyabr 2016 tarixində arxivləşdirilib. İstifadə tarixi: 22 sentyabr 2016.
  29. ↑ Əlioğlu, Əsgər. "İlham Zəkiyev: Gözüm işığı görmür, amma... (FOTO)". www.anspress.com. www.anspress.com. 15 sentyabr 2016 tarixində arxivləşdirilib. İstifadə tarixi: 15 sentyabr 2016.

Xarici keçidlər

Mənbə — "https://az.wikipedia.org/w/index.php?title=İlham_Zəkiyev&oldid=5502771"