İlham Zəkiyev

Vikipediya, açıq ensiklopediya
Keçid et: naviqasiya, axtar
Judo pictogram.svg İlham Zəkiyev Judo pictogram.svg
Ilham Zakiyev at 2008 Paralympics.jpg
İlham Zəkiyev 2008 Yay Paralimpiya Oyunlarında
9 sentyabr 2008 (Pekin, Çin Xalq Respublikası)
Şəxsi məlumat
Tam adı İlham Əzizağa oğlu Zəkiyev
Milliyəti Azərbaycanlı
Doğum tarixi 3 mart 1980 (1980-03-03) (37 yaş)
Doğum yeri Sumqayıt, Azərbaycan SSR, SSRİ
Boyu 190 sm.
Çəкisi 148 kq.
Vətəndaşlıq Flag of Azerbaijan.svg Azərbaycan
Ölkə Flag of Azerbaijan.svg Azərbaycan
İdman növü Judo pictogram.svg Cüdo
28 may 2016 tarixində yenilənib.

İlham Zəkiyev (tam adı: İlham Əzizağa oğlu Zəkiyev; d. 3 mart 1980, Sumqayıt, Azərbaycan SSR, SSRİ) – Azərbaycanlı paraolimpiyalı cüdoçu, ikiqat Paralimpiya Oyunları çempionu (2004, 2008), ikiqat dünya çempionu (2007, 2010) və yeddiqat Avropa çempionu (2005, 2007, 2009, 2011, 2013, 2015, 2017), 2015 Avropa Oyunları çempionu, Azərbaycanın Əməkdar İdman Ustası, 6-cı dan sahibi, Qarabağ müharibəsi əlili və qazisi.

"Şöhrət" ordeni"Tərəqqi" medalı ilə mükafatlandırılmışdır. 2008, 20122016 Yay Paralimpiya Oyunlarında Azərbaycanın bayraqdarı olub. 1999-cu ildə cəbhə bölgəsində İlham Zəkiyev snayperlə başından vuruluduqdan sonra görmə qabilliyətini itirmiş, və bundan sonra cüdo ilə ciddi məşğul olmuşdur.

Həyatı[redaktə | əsas redaktə]

Uşaqlıq və yeniyetməlik illəri[redaktə | əsas redaktə]

Əhməddin Rəcəblinin başçılığı altında İlham Zəkiyev ikiqat Paralimpiya çempionu, ikiqat dünya və beşqat Avropa çempionu olmuşdur.

İlham Zəkiyev 3 mart 1980-ci ildə Sumqayıt şəhərində sıravi zavod işçisi olan Əzizağa Zəkiyevin ailəsində anadan olub. Ailədə özündən başqa 3 qardaşı və 1 bacısı var. Sumqayıt şəhərinin 5 saylı orta məktəbinin məzunudur. Məktəblik dövründə ən çox sevdiyi fənlər coğrafiya, tarixriyaziyyat olub.[1] İlhamın özündən üç yaş böyük qardaşı Fikrət Zəkiyev güləş ilə məşğul olurdu. Onun sayəsində İlhamın da idmana həvəsi yaranmışdı.[2]

1995-ci ildən Azərbaycanın əməkdar məşqçisi Əhməddin Rəcəblinin başçılığı altında, Mehdi Hüseynzadə adına Sumqayıt şəhər stadionunda cüdo ilə məşğul olmağa başlayıb. İlham çox qısa bir müddət ərzində uğurlara imza atır, Sumqayıt şəhərində keçirilən yarışmada qalib gəlir, gənclər arasında keçirilən cüdo üzrə Azərbaycan birinciliyində qaliblər arasında yer tutur və sambo üzrə yeniyetmələr arasında Respublika çempionu olur.

1998-ci ilin iyun ayında Azərbaycan kubokunun qalibi oldu. Həmin qalibiyyət ona yeniyetmələrin Moskvada keçiriləcək olimpiadasına vəsiqə qazandırdı.[2] Lakin Moskvadakı olimpiadaya getmək ona müyəssər olmadı. O, düz bir ay sonra həqiqi hərbi xidmətə çağırıldı və 2 iyul 1998-ci ildən Azərbaycan Silahlı Qüvvələrində xidmət etməyə başladı.[2]

Hərbi xidmət və görmə qabilliyətinin itirilməsi[redaktə | əsas redaktə]

Beyləqan rayonunun Daşburun stansiyasında əsgərləri mövqelərə bölüşdürəndə, onun komandiri Zəkiyevi fiziki görünüşümə və idman göstəricilərinə görə öz yaşıdlarından seçildiyim üçün "N" saylı kəşfiyyat taburuna göndərdi.[2] O, yeddi ay orduda nümunəvi xidmət eləyib, fəxri fərmanlar aldı.[2][3]

1999-cu ilin fevralında Füzuli rayonunun Aşağı Əbdürrəhmanlı kəndi istiqamətində döyüş tapşırığını yerinə yetirən zaman Ermənistan tərəfdən atılan snayper gülləsinə tuş gəlib.[4][5] Güllə onun sağ gicgahından girib, sol gicgahımdan çıxmışdı.[6] O, beş gün koma vəziyyətində qalır və həkimlər onun öləcəyini bildirirlər.[6] Beşinci gün İlham rayon xəstəxanasında, anasının səsini eşidib özünə gəlir.[3] Lakin gözlərini açanda, heç nə görmür.[6] O, kor olmuşdu.[6][7] İlhamın anası xatırlayır:

" Biz onu rayon hərbi hospitalında tapdıq. Vəziyyəti çox ağır idi. Həkimlər ümidlərini itirmişdilər. "İdmançı olduğu üçün ürəyi hələ də mübarizə aparır", - onlar deyirdilər. Mən onu çağırdım, "Oğlum, İlham" dedim. İlham çox zəif bir səslə mənə cavab verdi, "Mənə soyuqdur" dedi. Onda hamı başa düşdü ki, İlham ölümə qalib gəldi. Mən öz jaketimi çıxarıb onun üstünə sərdim. Yanında əyləşdim, isti çay verdim.[3] "

O, evinə I qrup Qarabağ əlili kimi döndü.[2]

Dörd illik fasilə[redaktə | əsas redaktə]

O, 19 yaşında görmə qabiliyyətini itirməsi nəticəsində çətin vəziyyətə düşür.[3] Ailəsinin və yaxın dostlarının bu müddət ərzində ona dəstək olması İlhama belə çətin dövrü arxada qoymağa kömək edir.[3] Belə bir vəziyyətdə onun böyük idmana qayıtması böyük bir fantaziya kimi qəbul edilə bilərdi.[2] Buna baxmayaraq İlham idmana yenidən qayıtmaq üçün yollar arayırdı:[3]

" Bir dəfə məndən soruşdular ki, sən necə görmürsən? Mən də cavab verdim ki, sizin gördüyünüzü mən hiss edirəm. Amma mən hiss etdiyimi siz görmürsünüz.[8]
İlham Zəkiyev
"

2002-ci ildə o, Gənclər və İdman Naziri Əbülfəz Qarayev ilə görüşür, nazir İlhamın Moskvaya gedərək orada müalicə almasına köməklik edir.[2] Lakin rusiyalı həkimlər belə ağır zədə almış insanlara görmə qabiliyyətini qaytarmağa müasir elmin hələlik qadir olmadığını bildirirlər. Moskvadan Azərbaycana qayıdan İlham yenidən Gənclər və İdman Nazirliyinə müraciət edərək hansı idman növü ilə məşğul olaraq yarışmalara çıxa biləcəyi barədə sorğu göndərir. Burada ona paralimpiya üzrə cüdo yarışlarında iştirak etməyi təklif edirlər.[3]

Böyük idmana qayıdışı və sonrakı karyerası[redaktə | əsas redaktə]

2000-ci illər[redaktə | əsas redaktə]

O, 2002-ci il noyabr ayının 1-dən məşqlərə başlamışdır.[2] 2003-cü ilin avqust ayında Kanadanın Kvebek şəhərində keçirilən Görmə Əlilliyi olan İnsanların ikinci Dünya Çempionatında ilk dəfə tatamiyə çıxmışdır. O, püşkatmanın dərəcəsinə görə kubalı dünya çempionu Rafael Torres Pompe ilə yarışdı və çox gərgin keçən mübarizədə xal fərqi ilə ona məğlub oldu. Buna baxmayaraq, İlham Zəkiyev bürünc medala sahib oldu və 2004-cü ildə Afinada keçiriləcək Paralimpiya Oyunlarına vəsiqə qazandı.[2]

O, Azərbaycandan Paralimpiya Oyunlarında iştirak edən yeganə cüdoçu idi. Onnun Afinada ilk qarşılaşdığı idmançı, Kvebekdəki yarışmada məğlub olduğu kubalı dünya çempionu oldu. Bir dəqiqə qırx saniyə çəkən döyüşdə rəqibini üstələyib yarımfinala qalxdı. Yarımfinalda İspaniyadan olan idmançını otuz yeddi saniyə ərzində məğlub etdi. Finalda isə Böyük Britaniyadan olan rəqibimə ippon fəndi ilə bir dəqiqə iki saniyə müddətində üstün gələrək Paralimpiya Oyunları Çempionu adını qazandı.[2]

Bir ildən sonra isə Niderlandda keçən Avropa Çempionatının final yarışmasında Fransanı təmsil edən Julien Torini məğlub edərək Avropa çempionu oldu. 2006-cı ildə Fransada keçirilən Dünya Çempionatında bürünc medal qazandı. 2007-ci ildə Bakıda keçirilən Dünya Çempionatında yenə də qalib oldu.[6] Həmin ildə Braziliyada keçirilən Ümumdünya yarışmasında qızıl medala layiq görülüb.[2]

2008-ci ildə ikinci Paralimpiya Oyunlarında iştirakı zamanı Çinin paytaxtı Pekində fransalı idmançı Julyen Turini beş saniyəyə məğlub etdi.[6]

2010-cu illər[redaktə | əsas redaktə]

2012-ci ildə Almaniyanın Heydelberq şəhərində keçirilən paralimpiyaçı cüdoçular arasında Dünya Kubokunda gümüş medala sahib olub.[9] 2013-cü ildə altıncı dan qara kəmərə sahib olub.[10] Həmin il Londonda keçirilən Paralimpiya oyunlarında ilk görüşündə Heydər Heydərovla qarşılaşıb və ona heç bir şans verməyib.[11] Növbəti - 1/4 finalda Zəkiyevin rəqibi yaponiyalı Kento Masaki olub.[11] Çətin keçən qarşılaşmadan rəqib qalib ayrılıb.[11] Nəticədə Zəkiyev təsəlliverici görüşlərə qatılıb və burada braziliyalı Vilians Silvaya qalib gələrək, bürünc medalla kifayətlənib.[11]

2015 Avropa Oyunlarının açılış mərasimində məşəli yandırmışdı.[12] 2015-ci ildə birinci Avropa Oyunlarında Azərbaycan komandasının aktivinə 18-ci qızıl medalı yazdı.[13] O, finalda Ukrayna təmsilçisi Aleksandr Pominovu məğlub edərək çempion olub. Azərbaycan İdman Jurnalistləri Assosiasiyası (AİJA) 2015-ci ilin idman laureatları arasında "İlin idmançısı" arasında ikinci yerə layiq görülüb.[14]

Braziliyanın Rio-de-Janeyro şəhərində XVII Yay Paralimpiya Oyunlarının açılış mərasimində Azərbaycan bayrağını yığmanın kapitanı İlham Zəkiyev aparıb.[15] O, həmin vaxt milli geyimdən istifadə edib.[15] Geyimin müəllifi Milli Geyim Mərkəzinin rəhbəri, sənətşünaslıq üzrə fəlsəfə doktoru Gülnarə Xəlilovadır.[15] O, 2016 Yay Paralimpiya Oyunlarında cüdo yarışlarında kişilərin +100 kq çəki dərəcəsində beşinci nəticə göstərmişdir.[16]

Təhsili[redaktə | əsas redaktə]

İlham Zəkiyev 2016-cı ildə Azərbaycan Dövlət Bədən Tərbiyəsi və İdman Akademiyasından məzun olaraq, bədən tərbiyəsi və idman ixtisası üzrə bakalavr ali peşə-ixtisas dərəcəsinə yiyələnmişdir[17].

Şəxsi həyatı[redaktə | əsas redaktə]

2005-ci ildə ailə həyatı qurub.[1] Toy ərəfəsində ölkə prezidenti İlham Əliyev ona məktub göndərmişdi və toydan sonra Zəkiyevə avtomobil də hədiyyə etmişdi.[1] Üç övladı var: iki oğul, bir qız.[1]

Bakının "Neftçi" klubunun sadiq azarkeşidir.[18] 2011-ci ildə rejissor Məhsim Məhsimov tərəfindən İlham Zəkiyevin həyatından bəhs edən qısametrajlı "İşıqlı Zülmət" filmini çəkilmişdir.[19] İlham Zəkiyev dindar müsəlmandır və gündəlik namaz ibadətini yerinə yetirir. 2015-ci ildə Məkkədə Həcc ziyarətində olub.[20] 2015-ci ildən BP-nin idman elçisidir.[21][22]

Beynəlxalq müsabiqələrdə finala yolu[redaktə | əsas redaktə]

Müsabiqə Yer və vaxt İlkin round 1/4 1/2 Final
Rəqib
Nəticə
Rəqib
Nəticə
Rəqib
Nəticə
Rəqib
Nəticə
2004 Yay Paralimpiya Oyunları Afina
17-28 sentyabr
Flag of Cuba.svg Rafael Torres Pompa
qal. 1001 / 0001 (1:20)
Flag of Spain.svg Fermin Kampos Arisa
qal. 0010 / 0000 (0:32)
Flag of the United Kingdom.svg Yan Rouz
qal. 1000 / 0000 (1:02)
2005 Avropa Çempionatı Vladringen
2-3 aprel
Flag of France.svg Julien Torin
qal.
2007 Avropa Çempionatı Bakı
17-21 may
Flag of Russia.svg Aleksandr Parasyuk
qal. 1000 / 0000
Flag of Hungary.svg Qabor Papp
qal. 0200 / 0000
Flag of France.svg Julien Torin
qal. 0200 / 0000
2007 Dünya oyunları San Paolo
28 iyul — 8 avqust
Flag of the People's Republic of China.svg Van Sun
qal.
Flag of France.svg Julien Torin
qal.
Flag of the United States.svg Greg Düval
qal.
Flag of Cuba.svg Yanqolini Ximenes
qal.
2008 Yay Paralimpiya Oyunları Pekin
7-9 sentyabr
Flag of France.svg Julien Torin
qal. 1000 / 0000
Flag of South Korea.svg Pak Cun Min
qal. 1000 / 0001
Flag of the People's Republic of China.svg Van Sun
qal. 1000 / 0000
2009 Avropa Çempionatı Debreçen
3-4 iyul
Flag of Russia.svg Aleksandr Parasyuk
qal. 1110 / 0010
Flag of Hungary.svg Tibor Veq
qal. 1000 / 0000
Flag of Russia.svg Konstantin Kapitonov
qal. 1000 / 0000
2010 Dünya Cüdo Çempionatı Antalya
25-29 mart
Flag of Canada.svg Uilyam Morqan
qal. 1000 / 0000
Flag of Cuba.svg Yanqolini Ximenes
qal. 1000 / 0000
Flag of Hungary.svg Qabor Papp
qal. 1000 / 0000
Flag of Iran.svg Həmzə Hadri
qal. 1000 / 0010
2011 Dünya oyunları Antalya
1-10 aprel
Flag of Russia.svg Heydər Heydərov
qal. 1000 / 0000
Flag of Canada.svg Toni Uolbi
qal. 1000 / 0000
Flag of Algeria.svg Həmzə Hərkat
qal. 1000 / 0000
Flag of Japan.svg Kento Masaki
məğ. 0000 / 1000
2011 Avropa Çempionatı Krouli
18-20 noyabr
Flag of Russia.svg Heydər Heydərov
qal. 101.3 / 010.2
Flag of Hungary.svg Qabor Papp
qal. 100.0 / 000.0
Flag of France.svg Julien Torin
qal. 100.0 / 000.
2013 Avropa Çempionatı Eger
4-5 dekabr
Flag of Russia.svg Heydər Heydərov
qal. 100 / 00
Flag of Russia.svg Aleksandr Parasyuk
qal. 20.0 / 00.1
2015 Dünya Cüdo Çempionatı Eger
20-22 fevral
Flag of Iraq.svg Qarrax Əl-Budr
qal. 100 / 000
Flag of Russia.svg Aleksandr Parasyuk
поб. 100 / 000
Flag of Japan.svg Kento Masaki
qal. 100 / 000
2015 Avropa Oyunları Bakı
26 iyun
Flag of Greece.svg Klimis Papaxristos
qal. 100 / 000
Flag of Ukraine.svg Aleksandr Pominov
qal. 100 / 000
2015 Avropa Çempionatı Odivelaş
27-28 noyabr
Flag of the United Kingdom.svg Cek Conson
qal. 100 / 000
Flag of Russia.svg Heydər Heydərov
qal. 111 / 000
Finalda qələbə
Finalda məğlubiyyət

Təltif və mükafatları[redaktə | əsas redaktə]

İlham Zəkiyev 2008-ci il dekabr ayının 26-da "Şöhrət" ordeninə; 2009-cu ilin mart ayının 5-də "Əməkdar idman ustası" adına; 2012-ci ildə "Tərəqqi" medalına layiq görülüb.[2] 2012-ci il may ayının 10-da Heydər Əliyev Mərkəzinin açılışı zamanı Heydər Əliyev Fondunun təsis etdiyi "Qızıl çinar" beynəlxalq mükafatına layiq görülüb.[23][2] 2016-cı ildə İlham Zəkiyev "Azərbaycan Respublikası Prezidentinin fəxri diplomu" ilə təltif edilib.[24]

Uğurları[redaktə | əsas redaktə]

2008 Yay Paralimpiya Oyunlarında İlham Zəkiyev rəqibinə ipponla qalib gəlir
  • Flag of Azerbaijan.svg Cüdo üzrə Sumqayıt çempionu
  • Flag of Azerbaijan.svg Cüdo üzrə Gənclər arasında Azərbaycan çempionatının mükafatçısı
  • Flag of Azerbaijan.svg Sambo üzrə Gənclər arasında Azərbaycan çempionu
  • 1998 — Flag of Azerbaijan.svg Azərbaycan kubokunun qalibi
  • 2003 — Flag of Canada.svg Gözdən Əlillərin Dünya Oyunlarında bürünc medalçısı
  • 2004 — Flag of Greece.svg XII Yay Paralimpiya Oyunlarının Çempionu
  • 2005 — Flag of the Netherlands.svg Avropa Çempionu
  • 2006 — Flag of France.svg Dünya Çempionatında komanda bürünc mükafatçı
  • 2007 — Flag of Azerbaijan.svg Avropa Çempionu
  • 2007 — Flag of Brazil.svg Gözdən Əlillərin Dünya Oyunlarının qalibi
  • 2008 — Flag of the People's Republic of China.svg XIII Yay Paralimpiya Oyunlarının Çempionu
  • 2009 — Flag of Hungary.svg Avropa Çempionu
  • 2010 — Flag of Turkey.svg Dünya Çempionu
  • 2011 — Flag of Turkey.svg Gözdən Əlillərin Dünya Oyunlarının gümüş mükafatçısı
  • 2011 — Flag of the United Kingdom.svg Avropa Çempionu
  • 2012 — Flag of the United Kingdom.svg XIV Yay Paralimpiya Oyunlarının Bürünc mükafatçısı
  • 2013 — Flag of Hungary.svg Avropa Çempionu
  • 2015 — Flag of Hungary.svg Dünya Çempionu
  • 2015 — Flag of Azerbaijan.svg 2015 Avropa Oyunları Çempionu
  • 2015 — Flag of Portugal.svg Avropa Çempionu
  • 2017 — Flag of the United Kingdom.svg Avropa Çempionu

Şəxsi[redaktə | əsas redaktə]

Fəxri vətəndaşlıq[redaktə | əsas redaktə]

Qalereya[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 1,3 "İLHAM ZƏKİYEV: “ANAMIN SƏSİNƏ KOMADAN AYILDIM”". gencaile.az. Arxivləşdirilib: [1] saytından 15 sentyabr 2016 tarixində. http://gencaile.az/ilham-zekiyev-anamin-sesine-komadan-ayildim/. İstifadə tarixi: 15 sentyabr 2016.
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 "İkiqat Paralimpiya çempionu İlham Zəkiyevlə söhbət". www.muallim.edu.az. Arxivləşdirilib: [2] saytından 15 sentyabr 2016 tarixində. http://www.muallim.edu.az/www.old/arxiv/2013/17/28.htm. İstifadə tarixi: 15 sentyabr 2016.
  3. 3,0 3,1 3,2 3,3 3,4 3,5 3,6 "“Qızıl oğlan“ İlham Zəkiyevin həyat hekayəsi". www.femida.az. Arxivləşdirilib: [3] saytından 15 sentyabr 2016 tarixində. http://www.femida.az/news.php?id=3075. İstifadə tarixi: 15 sentyabr 2016.
  4. "Ильхам Закиев: обмануть смерть, чтобы стать национальным героем" (Rus). www.vestikavkaza.ru. Arxivləşdirilib: [4] saytından 15 sentyabr 2016 tarixində. http://www.vestikavkaza.ru/articles/Ilkham-Zakiev-obmanut-smert-chtoby-stat-natsionalnym-geroem.html. İstifadə tarixi: 15 sentyabr 2016.
  5. Conelly, Andrew. "The games are over — now back to war". www.politico.eu. Arxivləşdirilib: [5] saytından 15 sentyabr 2016 tarixində. http://www.politico.eu/article/european-games-war-baku-azerbaijan-armenia-conflict/. İstifadə tarixi: 15 sentyabr 2016.
  6. 6,0 6,1 6,2 6,3 6,4 6,5 Suleymanov, Mehman. "MEET ILHAM ZAKIYEV: Azerbaijan’s Double Paralympic Champion". www.visions.az. Arxivləşdirilib: [6] saytından 15 sentyabr 2016 tarixində. http://www.visions.az/en/news/764/b51efe30/. İstifadə tarixi: 15 sentyabr 2016.
  7. "Advertising Feature: Meet Paralympian Ilham Zakiyev, the man who cheated death to become a national hero". talksport.com. Arxivləşdirilib: [7] saytından 15 sentyabr 2016 tarixində. http://talksport.com/bp/advertising-feature-meet-paralympian-ilham-zakiyev-man-who-cheated-death-become-national. İstifadə tarixi: 15 sentyabr 2016.
  8. Qaraca, Bəxtiyar. "İLHAM ZƏKİYEV - cəsarət və ləyaqət simvolu". www.anl.az. Arxivləşdirilib: [8] saytından 15 sentyabr 2016 tarixində. http://www.anl.az/down/meqale/azerbaycan/2015/iyul/448406.htm. İstifadə tarixi: 15 sentyabr 2016.
  9. "İlham Zəkiyevdən növbəti çempionluq". www.apasport.az. Arxivləşdirilib: [9] saytından 15 sentyabr 2016 tarixində. http://www.apasport.az/xeber_%C4%B0lham_Z%C9%99kiyevd%C9%99n_n%C3%B6vb%C9%99ti_%C3%A7empionluq_57540.html. İstifadə tarixi: 15 sentyabr 2016.
  10. "İlham Zəkiyev "Böyük dəbilqə"ni dəyərləndirdi". olimpiya.az. Arxivləşdirilib: [10] saytından 15 sentyabr 2016 tarixində. http://olimpiya.az/?page=content&lang=1&content=46406&smenu=11. İstifadə tarixi: 15 sentyabr 2016.
  11. 11,0 11,1 11,2 11,3 "Zəkiyev Londonda Azərbaycana daha bir medal qazandırdı". www.apasport.az. Arxivləşdirilib: [11] saytından 15 sentyabr 2016 tarixində. http://www.apasport.az/xeber_Z%C9%99kiyev_Londonda_Az%C9%99rbaycana_daha_bir_medal_qazand%C4%B1rd%C4%B1_63489.html. İstifadə tarixi: 15 sentyabr 2016.
  12. ""Məşəli yandırmağımı prezident və xanımı istəyirdi..." - İlham Zəkiyev". savash.org. Arxivləşdirilib: [12] saytından 15 sentyabr 2016 tarixində. http://savash.org/index.php?newsid=5106. İstifadə tarixi: 15 sentyabr 2016.
  13. "İlham Zəkiyev çempion oldu". az.azvision.az. Arxivləşdirilib: [13] saytından 15 sentyabr 2016 tarixində. http://az.azvision.az/Ilham_Zekiyev_chempion_oldu_-64349-xeber.html. İstifadə tarixi: 15 sentyabr 2016.
  14. "“Apasport” 3-cü dəfə ilin ən yaxşısı seçildi". www.apasport.az. Arxivləşdirilib: [14] saytından 15 sentyabr 2016 tarixində. http://www.apasport.az/news/112819. İstifadə tarixi: 15 sentyabr 2016.
  15. 15,0 15,1 15,2 "İlham Zəkiyev milli geyimdə". axsam.az. Arxivləşdirilib: [15] saytından 15 sentyabr 2016 tarixində. http://axsam.az/?name=xeber&news_id=57352. İstifadə tarixi: 15 sentyabr 2016.
  16. "İlham Zəkiyev məğlubiyyətinin səbəbini açıqladı". oxu.az. Arxivləşdirilib: [16] saytından 15 sentyabr 2016 tarixində. http://oxu.az/sport/148780. İstifadə tarixi: 15 sentyabr 2016.
  17. İlham Zəkiyev Azərbaycan Dövlət Bədən Tərbiyəsi və İdman Akademiyasından məzun olub. azertag.az, 28.10.2016  (azərb.)
  18. "Вражеская пуля попала ему прямо в висок… И только мать верила в чудо!". armud.az. Arxivləşdirilib: [17] saytından 15 sentyabr 2016 tarixində. http://armud.az/news/3/904.html. İstifadə tarixi: 15 sentyabr 2016.
  19. "BAYRAĞIMIZI UCALDAN GƏNCLİYİMİZ". supersport.az. Arxivləşdirilib: [18] saytından 15 sentyabr 2016 tarixində. http://supersport.az/?p=41815. İstifadə tarixi: 15 sentyabr 2016.
  20. "İlham Zəkiyev Həcc ziyarətində - Fotolar". show.az. Arxivləşdirilib: [19] saytından 15 sentyabr 2016 tarixində. http://show.az/az/news/ilham-zekiyev-hecc-ziyaretinde. İstifadə tarixi: 15 sentyabr 2016.
  21. "BP-nin idman elçisi İlham Zəkiyev Rioya gedən yolda". www.bp.com. Arxivləşdirilib: [20] saytından 15 sentyabr 2016 tarixində. http://www.bp.com/az_az/caspian/press/features/Ilham-Zakiyev-video.html. İstifadə tarixi: 15 sentyabr 2016.
  22. "Athlete ambassadors". www.bp.com. Arxivləşdirilib: [21] saytından 15 sentyabr 2016 tarixində. http://www.bp.com/en_az/caspian/baku2015/athleteambassadors.html. İstifadə tarixi: 15 sentyabr 2016.
  23. "Heydər Əliyev Mərkəzinin açilişi, ulu öndərin anadan olmasinin 89-cu ildönümü və Heydər Əliyev Fondunun fəaliyyətə başlamasinin 8 illiyi münasibətilə təntənəli mərasim keçirilib" (az). leyla-aliyeva.az. 10/05/2012. http://www.leyla-aliyeva.az/activity/335/heyder-eliyev-merkezinin-acilisi-ulu-onderin-anadan-olmasinin-89-cu-ildonumu-ve-heyder-eliyev-fondunun-fealiyyete-baslamasinin-8-illiyi-munasibetile-tenteneli-merasim-kecirilib. İstifadə tarixi: 2015-05-18.
  24. 24,0 24,1 "Prezidentdən İlham Zəkiyevlə bağlı sərəncam". fanat.az. Arxivləşdirilib: [22] saytından 22 sentyabr 2016 tarixində. http://fanat.az/xeber-prezidentdn-lham-zkiyevl-bal-srncam-t52756.html. İstifadə tarixi: 22 sentyabr 2016.
  25. Əlioğlu, Əsgər. "İlham Zəkiyev: Gözüm işığı görmür, amma... (FOTO)". www.anspress.com. Arxivləşdirilib: [23] saytından 15 sentyabr 2016 tarixində. http://www.anspress.com/heyat-terzi/27-07-2015/ilham-zekiyev-gozum-isigi-gormur-amma-foto. İstifadə tarixi: 15 sentyabr 2016.

Xarici keçidlər[redaktə | əsas redaktə]

Vikianbarda İlham Zəkiyev ilə əlaqəli mediafayllar var.

Vikisitatda İlham Zəkiyev ilə əlaqəli məlumatlar var.