Zaur Cəfərov (polkovnik-leytenant)
Zaur Cəfərov | |
---|---|
Şəxsi məlumatlar | |
Doğum tarixi | 4 mart 1980 |
Doğum yeri | |
Vəfat tarixi | 10 oktyabr 2020 (40 yaşında) |
Vəfat yeri | |
Vəfat səbəbi | Şəhid olmuşdur |
Dəfn yeri | |
Vətəndaşlığı |
Azərbaycan SSR→ Azərbaycan |
Milliyyəti | Azərbaycan |
Həyat yoldaşı | Gülbəniz Cəfərova |
Uşaqları |
Oğlu:
Səlbi Cəfərli Zəhra Cəfərli |
Atası | Hüseyn Cəfərov |
Anası | Məleykə Cəfərova |
Təhsili | |
Hərbi fəaliyyəti | |
Mənsubiyyəti | Azərbaycan Silahlı Qüvvələri |
Qoşun növü | Fayl:Azərbaycan Respublikası Quru Soşunları.png Azərbaycan Quru Qoşunları |
Xidmət illəri | 1997–2020 |
Rütbəsi | Polkovnik-leytenant |
Vəzifəsi | Qərargah rəisi |
Döyüşlər |
Aprel döyüşləri (2016) Tovuz döyüşləri (2020) İkinci Qarabağ müharibəsi (2020) |
Təltifləri |
Zaur Cəfərov (tam adı: Zaur Hüseyn oğlu Cəfərov; 4 mart 1980, Başlıbel, Kəlbəcər rayonu – 10 oktyabr 2020, Suqovuşan, Tərtər rayonu) — Azərbaycan Milli Ordusunun polkovnik-leytenantı.
Həyatı
Zaur Cəfərov 1980-ci il martın 4-də Kəlbəcər rayonunun Başlıbel kəndində ziyalı bir ailədə dünyaya göz açmışdır. İbtidai təhsilinə 1986-ci il şəhid Namiq Əbdüləliyev adına Başlıbel kənd orta məktəbində başlamışdır. 1993-cü il aprel ayının əvvəlləri erməni silahlı qüvvələri tərəfindən Kəlbəcər rayonunun işğal olunması nəticəsində məcburi olaraq ailəsi ilə birlikdə əvvəlcə Qax rayonuna, sonra isə Bakıya köçmüşdür. Orta təhsilini 1997-ci ildə Qaradağ rayonu Qızıldaş qəsəbəsində şəhid Azər Namazovun adını daşıyan orta məktəbdə başa vurmuşdur.
Hərbi illəri
Orta təhsilini uğurla başa vuran Zaur Ali Hərbi Məktəbə daxil olmuşdur. Hərbi təhsilini 2001-ci ildə leytenant rütbəsi ilə bitirib. 2001-2002-ci illərdə Silahlı Qüvvələrin Təlim və Tədris Mərkəzində təkmilləşdirmə kursu keçib. Rumıniya və Türkiyəyə kurs və təlimlərə göndərilib. Ağır artilleriya üzrə ixtisaslaşmışdır. Xidmətinin böyük bir hissəsi Naxçıvan dağlarında keçmişdir. Burada keçirdiyi xidməti ərzində “qüsursuz xidmətə görə” və bir sıra mükafatlara layiq görülmüşdür. Vətəninin darda olduğunu dərindən dərk edən və işğal altında olan torpaqları azad etmək fikrini ehtiyata buraxılmaqdan üstün tutan Zaur hərbi xidmətini davam etdirmək üçün 2014-cü ildə imtahan verərək yenidən SQ TTM-nə daxil olmuşdur. Təhsilini bitirdikdən sonra polkovnik-leytenant rütbəsinə yüksəlmişdir. Nümunəvi xidmətinə görə qısa bir müddət ərzində diviziya komandiri vəzifəsindən hərbi hissənin qərargah rəisi vəzifəsinə qədər yüksəlib.
Qəhrəmanlığı
2016-ci il Aprel döyüşləri və 2020-ci il Tovuz döyüşlərində öz əsgərləri ilə çiyin-çiyinə vuruşmuşdur. 2020-ci il 25 iyun tarixində Azərbaycan Respublikası Prezidentinin 2127 №-li sərəncamı ilə Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq Azərbaycan Respublikasının müstəqilliyinin, ərazi bütövlüyünün qorunub saxlanılmasında xüsusi xidmətlərinə, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndikləri üçün “İgidliyə görə” medalı ilə təltif edilmişdir.
Bir gün döyüşlərin şiddətli vaxtında xəbər alır ki, qardaşının tələbəsi Ələkbər Ələsgərov şəhid olub. Polkovnik-leytenantımız Zaur Cəfərov 22 yaşlı şəhid Ələkbər Ələsgərovun xatirəsini əbədiləşdirmək üçün ağır döyüşlərin getdiyi bir vaxtda düşməndən ələ keçirilən tankın üzərinə şəhidin adını yazdırır və şəklini şəhidin ailəsinə göndərir.
Şəhadəti
Zaur Cəfərov 27 sentyabr 2020-ci ildə başlayan vətən müharibəsində öz briqadası ilə çiyin-çiyinə vuruşurdu. Tərtər rayonunun Talış və Suqovuşan kəndlərinin və Murov dağ silsiləsinin işğalçılardan azad olunmasında böyük əməyi olmuşdur. Polkovnik-leytenant 2020-ci il oktyabrın 9-dan 10-a keçən gecə Ağdərə istiqamətində gedən şiddətli döyüşlər zamanı Ermənistan Silahlı Qüvvələrinin hücum cəhdinin qarşısını alarkən sərəncamında olan minik avtomobili ilə minaya düşərək qəhrəmancasına şəhid olmuşdur.
Oktyabrın 19-da polkovnik-leytenant Zaur Cəfərovun nəşi əvvəlcə valideynlərinin yaşadığı Bakı şəhəri Yeni Ramana qəsəbəsinə gətirilmişdir. Həmin gün II Fəxri Xiyabanda, general-mayor Polad Həşimov və polkovnik İlqar Mirzəyevin məzarlarının sol tərəfində yaylım atəşi ilə təntənəli şəkildə dəfn olunmuşdur. Vida mərasimində Milli Məclisin deputatı Aqil Məmmədov, Sabunçu rayon İcra Hakimiyyətinin başçısı Adil Vəliyev, Qafqaz Müsəlmanları İdarəsinin nümayəndəsi Şahin Həsənli (Hacı Şahin) və Kəlbəcər rayon İcra Hakimiyyətinin nümayəndəsi iştirak edib.
Şəhidin yas mərasimində qürurlu atası Hüseyn Cəfərovdan götürülən video müsahibə zamanı onun səsləndirdiyi fikirlər ürəkləri daha da dağlayır:
"Zaman keçəcək, analar igid oğullar doğacaq, amma Qarabağ doğulmayacaq. Qarabağı can-qan bahasına geri qaytarmaq lazımdır!"
Şəxsi həyatı
Peyğəmbər nəslinin layiqli davamçısı idi. Bunu şəhid olmazdan bir neçə gün əvvəl öz paylaşımında da qeyd etmişdir:
"Kimdir Azərbaycan şəhidi? Özünü ana torpağa fəda edəndir!!! Bir sözlə, səngərdə gözünü yumub şəhidlik zirvəsinə çataraq bir göz qırpımında İmam Hüseynin yanında gözünü açandır!!!"
"Ağlaya-ağlaya çıxdığım torpaqlara gülə-gülə qayıdıram. Nə yemək yada düşür, nə yatmaq. Allah elə qüvvət verib ki. Şükürlər olsun".
O, ailəli idi. 2 qız, 1 oğul atası idi.
İrsi
Təltif və mükafatları
Qüsursuz xidmətə görə mükafatı
"İgidliyə görə" medalı [1]
İstinadlar
Xarici keçidlər
Həmçinin bax
- 4 martda doğulanlar
- 1980-ci ildə doğulanlar
- Kəlbəcər rayonunda doğulanlar
- 10 oktyabrda vəfat edənlər
- 2020-ci ildə vəfat edənlər
- 40 yaşında vəfat edənlər
- Suqovuşanda (Ağdərə) vəfat edənlər
- II Fəxri Xiyabanda dəfn olunanlar
- II Şəhidlər Xiyabanında dəfn olunanlar
- Heydər Əliyev adına Hərbi İnstitutun məzunları
- Azərbaycan polkovnik-leytenantları
- "Azərbaycan Bayrağı" ordeni ilə təltif edilənlər
- "Vətən uğrunda" medalı ilə təltif edilənlər
- "İgidliyə görə" medalı ilə təltif edilənlər
- "Suqovuşanın azad olunmasına görə" medalı ilə təltif edilənlər
- "Hərbi xidmətlərə görə" medalı ilə təltif edilənlər
- "Azərbaycan Silahlı Qüvvələrinin 10 illiyi" yubiley medalı ilə təltif edilənlər
- "Azərbaycan Silahlı Qüvvələrinin 90 illiyi" yubiley medalı ilə təltif edilənlər
- "Azərbaycan Silahlı Qüvvələrinin 95 illiyi" yubiley medalı ilə təltif edilənlər
- "Azərbaycan Ordusunun 100 illiyi" yubiley medalı ilə təltif edilənlər
- "Qüsursuz xidmətə görə" 1-ci dərəcəli medalı ilə təltif edilənlər
- "Qüsursuz xidmətə görə" 2-ci dərəcəli medalı ilə təltif edilənlər
- "Qüsursuz xidmətə görə" 3-cü dərəcəli medalı ilə təltif edilənlər
- Əlifba sırasına görə hərbi xadimlər