Səbinə İlyasova
| Səbinə İlyasova | |
|---|---|
| Fayl:Səbinə İlyasova. jpg (1).jpg | |
| Ümumi məlumatlar | |
| Doğum tarixi | |
| Doğum yeri | Siyəzən şəhəri |
| Vətəndaşlığı |
 SSRİ→ Azərbaycan |
| Musiqiçi məlumatları | |
| Fəaliyyəti | müğənni |
| Janrlar | xalq musiqisi, estrada |
| Təhsili | ali orta |
| Mükafatları |
 |
.jpg){kind=link}
Səbinə Babaverdi qızı İlyasova — Azərbaycan müğənnisi, Azərbaycan Respublikasının əməkdar artisti 2012.[1]İfa etdiyi mahnıların lent yazıları AzTV-nin Qızıl fondunda qorunub saxlanılır.
Həyatı
İlyasova Şəbinə Babaverdi qızı 1959-cu il 12 oktyabrda Azərbaycan Respublikası Siyəzən şəhərində anadan olub. Respublikamızın bütün füsunkar guşələrində qastrol səfərlərində olmuş, hərbi hissələrdə, didərgin düşmüş soydaşlarımızın məskunlaşdığı bölgələrdə, bu cəhətdən uşaq evlərində geniş konsert proqramları ilə iştirak etmişdir. Yeni Azərbaycan Partiyasının üzvüdür. 1986-cı ildə ailə qurmuş və 1 övladı var.
Təhsili
- 1979–1984-cü ildə Asəf Zeynallı adına orta ixtisas musiqi məktəbinin "Muğam" sinifini bitirmişdir.
- 1984-cü ildə isə ustad sənətkar Nəriman Əliyevin sinfini bitirmişdir.
Fəaliyyəti
- 1982–1989-cu ilə qədər dünya şöhrətli müğənni, görkəmli sənətkar Rəşid Behbudovun dəvəti ilə Azərbaycan Dövlət mahnı teatrında çalışmışdır.[2]
- 1980–1991-ci illərdə mərhum sənətkar Gülarə Əliyevanın rəhbərlik etdiyi "Dan ulduzu" instrumental ansamblında fəaliyyət göstərmişdir.[3]
- 1989–2002 Azərbaycan Dövlət Muğam Teatrının solisti olaraq Azərbaycanın milli musiqisini dünyanın müxtəlif ölkələrində ((Almaniya, Türkiyə, Ruminiya, Belçika, Hollandiya, Rusiya və s.) uğurla təmsil etmişdir.
.jpg){kind=link}
Mükafatları
- 1979-cu ildə "Oxu Tar" Respublika müsabiqəsinin qalibi kimi birinci dərəcəli diploma layiq görülmüşdür.
- 1983-cü ildə Xankəndində düzənlənən Respublika üzrə "Muğam" müsabiqəsinin qalibi kimi "Birinci dərəcəli" diploma layiq görülmüşdür.
- 1999-cu ildə sənətdəki uğurlarına görə "Məhsəti Gəncəvi" mükafatı laureatı adına layiq görülmüşdür.
- "Siyasi mahnı ifaçılığa görə" Azərbaycan Respublikası Prezidenti yanında Dövlət İdarəçilik Akademiyası tərəfindən Fəxri Fərmana layiq görülmüşdür.
- Moskva şəhəri "Ostankino teleqülləsi", "Korolevski" konsert zalının diplomuna və bir çox diplom — Fəxri Fərmanlarla təltif edilmişdir.
- Ulu Öndər Heydər Əliyevin doğum gününün 82 və 83-cü ildönümünə həsr olunmuş təntənəli tədbirlərdə fəal iştirakına görə Fəxri Fərmanlarla təltif edilmişdir.
- 2012-ci ildə əməyinə yüksək qiymət verilərək, Azərbaycan Respublikasının Konstitusiyasının 109-cu maddəsinin 23-cü bəndinə əsasən Azərbaycan mədəniyyətinin inkişafındakı xidmətlərinə görə Azərbaycan Respublikasının "Əməkdar artisti" Fəxri adına layiq görülmüşdür.[4]
Filmoqrafiya
- "2008-ci ildə "Oyunçu" serial
- "2014- "Boyunbağı" serial.
İstinadlar
- ↑ "Azərbaycan Respublikasının fəxri adları". president.az. İstifadə tarixi: 18 iyun 2021.
- ↑ "Səbinə İlyasova: Rəşid Behbudovun xatirələri". olke.az. İstifadə tarixi: 18 iyun 2021.
- ↑ "Səbinə İlyasova - Eşqinlə Odlandım (Dan Ulduzu Ansamblı 1989)". www.youtube.com. İstifadə tarixi: 18 iyun 2021.
- ↑ "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". anl.az. İstifadə tarixi: 18 iyun 2021.
Xarici keçidlər
- "Prezident İlham Əliyev Azərbaycan Respublikasının mədəniyyət xadimlərinə fəxri adların verilməsi haqqında sərəncam imzalayıb". www.xezerxeber.az. İstifadə tarixi: 18 iyun 2021.
- "Əməkdar Artist Fəxri adı". modern.az. İstifadə tarixi: 18 iyun 2021.
- "Azərbaycan mədəniyyətinin inkişafındakı xidmətlərinə görə Azərbaycan Respublikasının fəxri adları". big.az. İstifadə tarixi: 18 iyun 2021.