Səbinə İlyasova

Səbinə İlyasova
Ümumi məlumatlar
Doğum tarixi	12 oktyabr 1959
Doğum yeri	Siyəzən şəhəri
Vətəndaşlığı	SSRİ→ Azərbaycan
Musiqiçi məlumatları
Fəaliyyəti	müğənni
Janrlar	xalq musiqisi, estrada
Təhsili	ali orta
Mükafatları

Səbinə Babaverdi qızı İlyasova — Azərbaycan müğənnisi, Azərbaycan Respublikasının əməkdar artisti 2012.İfa etdiyi mahnıların lent yazıları AzTV-nin Qızıl fondunda qorunub saxlanılır.

Həyatı

İlyasova Səbinə Babaverdi qızı 1959-cu il 12 oktyabrda Azərbaycan Respublikası Siyəzən şəhərində ziyalı ailəsində anadan olub. Respublikamızın bütün füsunkar guşələrində qastrol səfərlərində olmuş, hərbi hissələrdə, didərgin düşmüş soydaşlarımızın məskunlaşdığı bölgələrdə, bu cəhətdən uşaq evlərində geniş konsert proqramları ilə iştirak etmişdir. 1986-cı ildə ailə qurmuş və 1 övladı var.

Təhsili

• 1979–1984-cü ildə Asəf Zeynallı adına orta ixtisas musiqi məktəbinin "Muğam" sinifini bitirmişdir.
• Muğam dərslərini əməkdar müəllim, ustad xanəndə Nəriman Əliyevdən almışdır.

Fəaliyyəti

• 1982–1989-cu ilə qədər dünya şöhrətli müğənni, görkəmli sənətkar Rəşid Behbudovun dəvəti ilə Azərbaycan Dövlət mahnı teatrında çalışmışdır.
• 1980–1991-ci illərdə mərhum sənətkar Gülarə Əliyevanın rəhbərlik etdiyi "Dan ulduzu" instrumental ansamblında fəaliyyət göstərmişdir.
• 1989–2013-cü illərdə Azərbaycan Dövlət Muğam Teatrının solisti olaraq Azərbaycanın milli musiqisini dünyanın müxtəlif ölkələrində (Almaniya, Türkiyə, Ruminiya, Belçika, Hollandiya, Rusiya, İsveç və s.) uğurla təmsil etmişdir.

Mükafatları

• 1979-cu ildə "Oxu Tar" Respublika müsabiqəsinin qalibi kimi birinci dərəcəli diploma layiq görülmüşdür.
• 1983-cü ildə Xankəndində düzənlənən Respublika üzrə "Muğam" müsabiqəsinin qalibi kimi "Birinci dərəcəli" diploma layiq görülmüşdür.
• 1999-cu ildə sənətdəki uğurlarına görə "Məhsəti Gəncəvi" mükafatı laureatı adına layiq görülmüşdür.
• 2001-ci ildə Azərbaycan Gənclərinə (tələbə-gənclərə) göstərdiyi diqqət, qayğı habelə mesantlıq fəaliyyətinə görə Fəxri Diplomla təltif edilir.
• Ulu Öndər Heydər Əliyevin doğum gününün 82 və 83-cü il dönümünə həsr olunmuş təntənəli tədbirlərdə fəal iştirakına görə Azərbaycan Respublikası Prezidenti yanında Dövlət İdarəçilik Akademiyası tərəfindən Fəxri Fərmanlarla təltif edilmişdir.
• Moskva Azərbaycan Estrada Teatrı və KIZ Royal of Ostankino Teleqülləsi Azərbaycan incəsənətinin inkişafına töhfə nominasiyasının qalibi kimi mükafatlandırıb.
• 2012-ci ildə əməyinə yüksək qiymət verilərək, Azərbaycan Respublikasının Konstitusiyasının 109-cu maddəsinin 23-cü bəndinə əsasən Azərbaycan mədəniyyətinin inkişafındakı xidmətlərinə görə Azərbaycan Respublikasının "Əməkdar artisti" Fəxri adına layiq görülmüşdür.

Filmoqrafiya

• "2008-ci ildə "Oyunçu" serial
• "2014- "Boyunbağı" serial.

Xarici keçidlər

• Sabina İlyasova Youtube-da
• "Prezident İlham Əliyev Azərbaycan Respublikasının mədəniyyət xadimlərinə fəxri adların verilməsi haqqında sərəncam imzalayıb". www.xezerxeber.az. İstifadə tarixi: 18 iyun 2021.
• "Əməkdar Artist Fəxri adı". modern.az. İstifadə tarixi: 18 iyun 2021.
• "Azərbaycan mədəniyyətinin inkişafındakı xidmətlərinə görə Azərbaycan Respublikasının fəxri adları". big.az. İstifadə tarixi: 18 iyun 2021.
• Рашид Бейбутов (1985)

Həmçinin bax

• Azərbaycan Respublikasının əməkdar artistlərinin siyahısı