Səftər Cəfərov
Səftər Cəfərov | |
---|---|
Fayl:Səftər Cəfərov.jpg | |
| |
25 noyabr 1959 – 16 noyabr 1961 | |
Əvvəlki | İlyas Abdullayev |
Sonrakı | Məmməd İsgəndərov |
Şəxsi məlumatlar | |
Doğum tarixi | |
Doğum yeri | Pirşağı, Bakı qəzası, Bakı quberniyası, Rusiya İmperiyası |
Vəfat tarixi | (61 yaşında) |
Vəfat yeri | Bakı, Azərbaycan SSR, SSRİ |
Dəfn yeri | Fəxri Xiyaban |
Milliyyəti | azərbaycanlı |
Vətəndaşlığı |
Rusiya imperiyası→ AXC→ SSRİ |
Partiya | Kommunist partiyası |
Təhsili | |
Fəaliyyəti | siyasətçi |
|
|
Təltifləri | |
Vikianbarda əlaqəli mediafayllar |
Səftər Məmməd oğlu Cəfərov (1900, Pirşağı, Bakı qəzası – 16 noyabr 1961, Bakı) — Azərbaycan-sovet dövlət xadimi, Azərbaycan SSR Ali Soveti Rəyasət Heyətinin sədri.
Həyatı
Səftər Cəfərov 1900-cü ilin iyununda Bakı qəzasının Pirşağı kəndində kəndli ailəsində anadan olmuşdur. 15 yaşından işləməyə başlamış, xüsusi sahibkarların yanında fəhləlik etmişdir.[1] Həmin illərdə fəhlə hərəkatına qoşulmuşdur.[2]
1920-ci ilin aprelində Azərbaycanda Sovet hakimiyyəti qurulduqda Səftər Cəfərov Qızıl Orduya daxil olmuş, həmin ilin oktyabrında isə Sov.İKP üzvlüyünə qəbul edilmişdir. O, Qızıl Orduda 1932-ci ilədək xidmət etmiş, sıravi əsgər rütbəsindən siyasi işçiyədək yüksəlmişdir. Batalyon və polk hərbi komissarı, diviziya qərargahı rəisinin siyasi hissə üzrə köməkçisi, sonra isə Styopin adına Azərbaycan ikinci Qafqaz atıcı diviziyasının və Xəzər hərbi donanmasının hərbi prokuroru olmuşdur.[1]
1932-ci ildən 1935-ci ilədək Azərbaycan SSR-in prokuroru, 1933-cü ildən eyni zamanda Azərbaycan SSR xalq ədliyyə komissarı vəzifəsində də işləmişdir. Sonralar Naxçıvan MSSR Mərkəzi İcraiyyə Komitəsinin sədri, Moskvada SSRİ Xalq Komissarları Soveti yanında Azərbaycan SSR-in daimi nümayəndəsi olmuş, 1940-cı ilin oktyabrında isə Azərbaycan SSR xalq torpaq komissarı vəzifəsinə təyin edilmişdir.[1]
Səftər Cəfərov 1947-ci ilin əvvəlində Azərbaycan SSR Ali Soveti Rəyasət Heyətinin katibi, 1957-ci ildə sədr müavini 1959-cu ilin noyabrında isə sədri seçilmişdir. 1959-cu ildən Azərbaycan KP MK siyasi bürosunun üzvü olmuşdur.[1]
Səftər Cəfərov Sov.İKP 22-ci qurultayının, Azərbaycan KP 19–25-ci qurultaylarının nümayəndəsi olmuşdur. Sov.İKP 22-ci qurultayında Sov.İKP mərkəzi təftiş komissiyasının üzvü seçilmişdir. Azərbaycan SSR Ali Sovetinin 1–5 çağırış deputatı olmuşdur.[2]
Səftər Cəfərov 16 noyabr 1961-ci ildə ürək-damar xəstəliyindən vəfat etmiş[1] və 19 noyabrda Fəxri Xiyabanda dəfn edilmişdir.
Təltifləri
- 2 dəfə "Lenin" ordeni — 1943, 7 sentyabr 1960
- 2 dəfə "Qırmızı Əmək Bayrağı" ordeni — biri 27 aprel 1940
İstinadlar
- ↑ 1 2 3 4 5 "Сәфтәр Мәммәд оғлу ҸӘФӘРОВ". № 271 (11830). Коммунист. 18 нојабр 1961-ҹи ил. сәһ. 3.
- ↑ 1 2 Азәрбајҹан Совет Енсиклопедијасы: [10 ҹилддә]. X ҹилд: Фрост—Шүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 432.
Xarici keçidlər
- İyunda doğulanlar
- 1900-cü ildə doğulanlar
- 61 yaşında vəfat edənlər
- 16 noyabrda vəfat edənlər
- 1961-ci ildə vəfat edənlər
- Bakı Dövlət Universitetinin məzunları
- "Lenin" ordeni ilə təltif edilənlər
- SSRİ-nin "Qırmızı əmək bayrağı" ordeni ilə təltif edilənlər
- Əlifba sırasına görə vəzifəli şəxslər
- Pirşağıda doğulanlar
- Bakıda vəfat edənlər
- Azərbaycan SSR Ali Sovetinin I çağırış deputatları
- Azərbaycan SSR Ali Sovetinin II çağırış deputatları
- Azərbaycan SSR Ali Sovetinin III çağırış deputatları
- Azərbaycan SSR Ali Sovetinin IV çağırış deputatları
- Azərbaycan SSR Ali Sovetinin V çağırış deputatları