Hüsniyə Məhərrəmova
| Hüsniyyə Məhərrəmova | |
|---|---|
 | |
| Doğum tarixi | |
| Doğum yeri | Azərbaycan SSR, SSRİ |
| Həyat yoldaşı | Samir Cəfaəli (“ColDünya” qrupunun üzvü) |
| Milliyyəti |
 SSRİ→ Azərbaycan |
| Təhsili | |
| Fəaliyyəti | aparıcı |
| Fəaliyyət illəri | 2005-ci ildən |
 Vikianbarda əlaqəli mediafayllar | |
Hüsniyyə Məhərrəmova (30 sentyabr 1981, Bakı) — azərbaycanlı teleaparıcı, Avroviziya Mahnı Müsabiqəsinin Azərbaycan şərhçisi və nümayəndə heyətinin rəhbəri.
Həyatı
Hüsniyyə Məhərrəmova 30 sentyabr 1981-ci ildə anadan olub. 1987-1998-ci illərdə Bakıda yerləşən 252 və 151 saylı orta məktəblərdə təhsil alıb.[1] O, orta məktəblə paralel musiqi məktəbində fortepiano şöbəsində də oxuyub. Daha sonra İncəsənət Universitetinin aktyorluq fakültəsinə qəbul olub. İncəsənət Universitetini bitirəndən sonra Bakı Musiqi Akademiyasının solo opera fakültəsinə daxil olub və ikinci ali təhsilini alıb. Lakin orda oxuyarkən qərara gəlir ki, bu sənət ona uyğun deyil. Artıq 21-22 yaşında televiziyaya müraciət etməyi düşünür. 2005-ci ildə İctimai Televiziya açılarkən burada müsabiqədən keçir və təxminən 1 həftə 10 gün ərzində ilk efirinə çıxır. O vaxtdan uzun müddət həmin kanalda fəaliyyət göstərməyə başlayır.[2]
Fəaliyyəti
2003-cü ildə «Sing Your Song» yarışmasında iştirak etmiş və üçüncü yeri tutmuşdur. Həmin müsabiqədə birinci yerdə Avroviziya yarışmasının ilk iştirakçısı olan Elnur Hüseynov, ikinci yerdə Dilarə Kazımova olmuşdur. Hüsniyyənin həyat yoldaşı da həmin layihədə iştirak etmişdir.[3]
İlk iş yeri olan İctimai Televiziyada Musiqili və Əyləncəli Verilişlər Departamentinin əməkdaşı kimi fəaliyyət göstərərkən ilk verilişi mədəniyyət xəbərlərindən bəhs edən “Müzik ekspress” adlı veriliş olub. Sonralar həmin kanalda “Qaraj” və özünün hazırladığı “Şou N-1” layihəsində aparıcılıq edib.
Hüsniyyə Məhərrəmova 2012-ci ildə AzTV-nin Beynəlxalq Əlaqələr və Protokol Departamentinə rəhbər təyin olunub.[4] 2014-cü ildə öz ərizəsi ilə İTV-dən ayrılıb.[5]
Hazırda Azad Azərbaycan TV-də yayımlanan "V element" verilişinin aparıcılarındandır.
Ailəsi
Hüsniyyə Məhərrəmova 2008-ci ildə ailə həyatı qurmuşdur. Həyat yoldaşı Samir Cəfərov rok musiqiçisidir:[6] “ColDünya” qrupunun üzvüdür.
Biri qız, biri oğlan olmaqla əkiz uşaqları var.[7] Hüsniyyə 12.12.2012 tarixində ana olmuşdur.[8]
Maraqlı faktlar
- Aparıcı kimi Rusiyanın birinci kanalında aparıcılıq edən, eləcə də Rusiyada Avroviziyanın finalını aparan İvan Urqantı və Amerikanın məşhur aparıcısı Opra Uinfri çox bəyənir.
İstinadlar
- ↑ ""DƏCƏL ŞAGİRD" HÜSNİYYƏ MƏHƏRRƏMOVA – FOTOSESSİYA" (az.). primetime.az. 15.09.2011. İstifadə tarixi: 2017-07-22.[ölü keçid]
- ↑ Sədaqət Süleymanova. "İTV-nin aparıcısı Hüsniyə Məhərrəmova: "O mənə evlilik təklifi edəndə, düşündüm ki, belə insanı əldən buraxmaq olmaz"" (az.). modern.az. 08.09.2011. İstifadə tarixi: 2017-07-22.
- ↑ Xatirə Nəsirli. "HÜSNİYYƏ MƏHƏRRƏMOVA: "BİR ŞƏXSİN Kİ İNTELLEKTİ, DÜNYAGÖRÜŞÜ YOXDURSA..." - MÜSAHİBƏ – FOTOSESSİYA" (az.). simsar.az. 08.08.2012. İstifadə tarixi: 2017-07-22.
- ↑ "Hüsniyyə Məhərrəmovaya AzTV-də yüksək vəzifə verildi". baku.ws (az.). 9 iyul 2012. 23 yanvar 2021 tarixində arxivləşdirilib. İstifadə tarixi: 24 yanvar 2021.
- ↑ "Hüsniyyə Məhərrəmova İTV-dən getdi" (az.). oxu.az. 21.05.2014. İstifadə tarixi: 2017-07-22.
- ↑ "Hüsniyyə Məhərrəmova: "Əgər o özünü bir nömrəli aparıcı hesab edirsə..." - MÜSAHİBƏ" (az.). milli.az. 29.07.2011. İstifadə tarixi: 2017-07-22.
- ↑ "Hüsniyyə əkizlərindən danışdı: "Çoxları ana olmağıma inanmır"" (az.). axsam.az. 16.12.2014. İstifadə tarixi: 2017-07-22.
- ↑ "Tanınmış teleaparıcı Hüsniyyə Məhərrəmova ana oldu" (az.). azeri.net. 17.12.2012. İstifadə tarixi: 2017-07-22.