Vikipediya:İnzibatçı müzakirəsi

Bu səhifə idarəçilərin fəaliyyətini koordinə etmək üçün nəzərdə tutulmuşdur.

Baskervill-dən idarəçi statusunun alınması ilə bağlı səsvermə

Bu müzakirə bağlıdır. Xahiş olunur, heç bir dəyişiklik etməyin.

Müddət: 5 iyul — 20 iyul 2021

Salam hörmətli idarəçilər. Bundan öncə Baskervillin statusunun alınması ilə bağlı səsvermə açılmışdı amma Baskervill facebookdakı bütün tanışlarına dəvətnamə göndərdiyi (özü şəffaf səsvermə olmasını istəmişdi ) üçün bu baş tutmamışdı. Unudanlar üçün xatırladım. Keçən ilki müzakirə 9 ildir idarəçi olan Baskervillin kukla hesab yaradıb səsvermələrdə iştirak etməsi, istifadəçilərə kobud davranması haqqında idi. İdarəçi bu səsvermədən dərs çıxarıb fəaliyyətinə düzəliş etmək yerinə artıq özbaşınalıq etməyə başlayıb. Beləki SNS-da vikicəmiyyətin qərarına əsasən silinmiş məqalələri (böyük ehtimalla facebookdan edilən xahişlərdən sonra) bərpa edir: [1], [2], [3], [4], [5], [6]. Baskervilldən bunun səbəbini soruşduqda isə onun yox mənim çirkin əməllərlə məşğul olduğumu deyir və şəxsi ensiklopedik etməyə çalışır. Daha sonra facebookdan yazır ki "mən özbaşınalıq etməmişəm. Yenə torbamı tikməyə çalışırsınız zad." Daha sonra isə çox güman ki yenə özbaşınalıq etmək istəyib məni bloklamaq istəyir amma idarəçi olduğum yadına düşür və yazır ki "kaş idarəçi olmamışdan əvvəl də belə danışardın".

Məşhur Nicat Manafov məqaləsi haqqında danışmaq istəyirəm. Belə ki yenə SNS qərarı nəticəsində silinmiş məqaləni (əvvəl özü neçə dəfə silsədə) heç nə olmamış kimi yaradır. Mən sildikdən sonra isə facebookdan yazır ki bəs "bu məqaləni silmə, Fəriddən heç də geri qalan oğlan deyil. Fərid söhbətində 180 dərəcə dönən kimi zəhmət çəkin bunda da geri dönün". 9 ildir idarəçi olan birinin dediyi sözləri görürsünüz? Elə danışır ki sanki heç məqalənin bərpa edilmə prosesindən xəbəri yoxdur. Mən prosesi izah etsəm də yenə öz bildiyini edir və deyir ki: "orasını bilmirəm daha. Sadəcə sizə xəbər verdim ki mən məqaləni yenidən yaratdım) bu qədər".

Keçək Zaur Qəriboğlu məqaləsinə. Bu məqalə də SNS qərarı əsasında silinməsinə baxmayaraq idarəçi tərəfindən özbaşına bərpa edilib. Mən məqaləni sildikdən sonra isə səhərisi gün həmin şəxs öz YouTube kanalında mənim adımı və soyadımı deyərək məni "tənqid edir" və nə üçün ermənilər haqqında olan məqalələri silmədiyimi soruşur. Mənim ad-soyadım Vikipediyada yoxdur. Şəxs bunu burdan öyrənə bilməz. Çox gümanki Baskervill mən məqaləni sildikdən sonra adımı həmin şəxsə verib. Bu sadəcə bir iddiadır və sübutum yoxdur. Türklər demiş, "yemin edebilirim ama kanıtlayamam"

Gördünüyüz kimi idarəçi hüquqlarından sui-istifadə edərək çox sayda qayda pozub Vikipediyanın işini pozmuşdur. Bu qədər özbaşınalıq edən və qaydaları görməzdən gələn bir istifadəçi idarəçi olmamalıdır.

Son olaraq hörmətli Baskervilli VP:SƏSTAYA qaydasıyla tanış etmək istəyirəm. Bu qaydaya sizi dəstəkləyəcək şəxslərə dəvət göndərməməlisiniz. Göndərsəniz bu pozduğunuz qaydalara daha birini əlavə edəcək.

Bütün bu səbəblərə görə bütün idarəçilərdən (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Qolcomaq, Turkmen, Toghrul R, Baskervill, NMW03, Drabdullayev17) səsvermədə iştirak etməsini xahiş edirəm. — NMW03 (müzakirə) 14:54, 5 iyul 2021 (UTC)

Lehinə

1.  Lehinə: — NMW03 (müzakirə) 14:54, 5 iyul 2021 (UTC)
2.  Lehinə: — Son bir ayda işimlə əlaqədar olaraq, vikipediyaya əvvəlki kimi vaxt ayıra bilmirəm, məsələnin kökü haqqında müfəssəl bilgilərim yoxdur. Amma Baskervillin istifadəçilərlə müzakirələr zamanı eqolu, yuxarıdan aşağı tərzli ifadələri onun idarəçi olması üçün bir maneədir.— Q🅾⚓Ç🅾Ⓜ🅰Q ^✉ 19:59, 5 iyul 2021 (UTC)
3.  Lehinə:— 127-ci yapon imperatoru 21:35, 5 iyul 2021 (UTC)
4.  Lehinə: — Araz Yaquboglu (müzakirə) 12:25, 6 iyul 2021 (UTC)
5.  Lehinə: 2 il əvvəl qeyd etdiyim qayda pozuntuları, keçən il kukla hesabdan istifadə, indi də idarəçini təhqir edir və özbaşına məqalə bərpa edir. Üstəgəl fb-da Vago ilə bağlı paylaşımı (paylaşım silindi).— Turkmen ^müzakirə 12:57, 6 iyul 2021 (UTC)
6.  Lehinə: irəli sürülən arqumentlər əsasında. İştirak etməyəcəyimi qeyd etmişdim, lakin fikrimi dəyişdirdim. --► Hörmətlə: SolaVirum 04:59, 10 iyul 2021 (UTC)

Əleyhinə

1.  Əleyhinə: Belə kiçik qayda pozuntularına görə statusunun alınmasının tərəftarı deyiləm. Təcrübəli idarəçilərə ehtiyacımız var. Hörmətlə — eldarado ^✉ 11:56, 6 iyul 2021 (UTC)
2.  Əleyhinə: — Azerifactory (müzakirə) 01:19, 16 iyul 2021 (UTC)

Müzakirə

Baskervill, zəhmətə olmasa, məqalələri müzakirəsiz yenidən bərpa etməyinizin səbəbini öyrənə bilərəm?— 127-ci yapon imperatoru 17:27, 5 iyul 2021 (UTC)

Salam NMW03 Kukla hesablarla bağlı fikirləriniz sadəcə təxmindir? Yoxsa ortada sübut var? Varsa yerləşdirin zəhmət olmasa. Vikipediyadan kənarda olanların isə buraya daşınması qeyri peşəkar və şəxsi zəmndə atılmış addım olduğunu düşünürəm. Ortada qalan tək qayda pozuntusu silinmiş məqalələri yaratmasıdı. Bunu da bütün idarəçilər dəfələrlə edib. Hətta müzakirəsiz də dəfələrlə məqalə silənlər olub. Ümumiyyətlə belə görürəm ki, ortada vikipediyaya qarşı təhlükə yoxdur və sadəcə şəxsi məsələyə oxşayır. Hər iki tərəfdən açıqlama gəlsə çox yaxşı olar. Hörmətlə — eldarado ^✉ 19:41, 5 iyul 2021 (UTC)

Eldarado, kukla hesablar keçən il olan məsələdir. Ortada şəxsi heç nə yoxdur. İdarəçinin özbaşınalığını görən mən olduğum üçün mənə yazılıb bunlar. Ortada Vikipediyaya qarşı təhlükə var. İdarəçinin məqaləsi silinən şəxslərlə yaxınlığı ortadadır. Müzakirəsiz məqalə silməklə müzakirə nəticəsində silinmiş məqaləni heç nə olmamış kimi bərpa etmək fərqli şeylərdir. NMW03 (müzakirə) 19:57, 5 iyul 2021 (UTC)

Eldarado, mən real həyatda da sizləri tanımışam, hörmətim sonsuzdur və Vikipediya üçün gördüyünüz işləri yüksək qiymətləndirirəm. Amma ortada müəyyən qayda pozuntuları var ki, mən bunu görməzdən gələ bilmirəm bir istifadəçi və idarəçi olaraq. Bu yaxınlarda Azerifactory-un idarəçiliyinin alınmasında və Solavirum-un idarəçilik seçkisində nəzakətsiz davrandıqlarını dilə gətirib idarəçiliyə layiq olmadıqlarını bildirdiyiniz halda niyə bu cür və bu cür kobud danışıq tərzini görməzdən gəlirsiz, anlamıram. İstər şəxsi məsələ olsun, istər yox, qayda pozuntusu qayda pozuntusudur və bir idarəçi kimi yox, adi istifadəçi olaraq Vikipediyada hamının nəzakətlə bir-birinə xitab etdikləri mühit görməyi arzulayıram sadəcə.— 127-ci yapon imperatoru 21:50, 5 iyul 2021 (UTC)

3 il bundan əvvəl aparılan müzakirələrin bu gün burada soyuq silah kimi istifadə olunması bir daha bütün bunların əvvəlcədən hazırlanmış növbəti bir təxribat olduğunu deməyə əsas verir. Səhv etmirəmsə, bu əlimdəki idarəçi və bürokrat hüquqların alınması üçün edilən sayca beşinci cəhddir. Faktiki olaraq eyni adamlar gəlir və eyni mövqeydən çıxış edir və bu yoldaşların fəaliyyətləri mənim tam formada zərərsizləşdirilməyim baş tutana qədər də davam edəcəkdir. NMW03 nəzərnizə çatdırım ki, Zaur Qəriboğlunun onlarla jurnalist dostu və tanışı var və bundan əlavə AMEA-da Vikipediya sahəsində çalışmış onlarla adamı şəxsən tanıyır. Onun üçün sizin şəxsiyyətinizi təyin etmək uzağı 1 saatlıq bir işdir. Digər tərəfdən sizin facebook hesabınız mövcuddur və orada onlarla vikipediyaçı ilə virtual formada dostluq edirsiz. İddia edirsiniz ki, güya bütün bu işləri mən düzüb qoşmuşam və sairə. Sonra özünüzdə deyirsiz ki, bunları sübut edəcək faktınız yoxdur, ancaq sizcə elədir.. Bu qədər həvəskər formada etməyin məncə.. Sizdən əvvəlki yoldaşlar daha peşəkar formada yanaşırdı bu işə. Ötən il baş vermiş müzakirələrin yenidən hallanıdırlmasının səbəbi nədir ? İcma məgər həmin hadisələrlə bağlı yekun qiymət verməyibmi ? Bir digər məqam ondan ibarətdir ki, sizə kim ixtiyar verib ki, mənim real ad və soyadım olan screenləri bu formada icma ilə bölüşürsüz ? Facebookda baş verən danışıq tərzi əsasında, şəxsin idarəçilik statusu əlindən alına bilərmi ? Cənab 127-ci yapon imperatoru təqdim etdiyiniz linklərin 3 il bundan əvvələ aid olduğunu yəgin ki, gördünüz. Bütün keçmişdə onları xatırlatmaqda tam olaraq nə etməyə çalışdığınızı anlamıram. — Baskervill (müzakirə) 22:20, 5 iyul 2021 (UTC)

Baskervill, atdığım linklərdən biri bir neçə gündən öncəsinə aiddir, 3 ilin deyil. İkincisi, məqalələri niyə müzakirəsiz bərpa etdiyinizlə bağlı sualımı cavablandırmadınız. Məqalələr həqiqətən də ensiklopedik ola bilər, amma burda yazdığınız arqumentləri əvvəlcə Bərpa üçün namizədlər üçün göstərməyiniz qaydalar çərçivəsində deyil ki?— 127-ci yapon imperatoru 23:57, 5 iyul 2021 (UTC)

White Demon, Təşəkkür edirəm hörmətiniz artıq olsun. Qarşılıqlıdır. Yuxarıda qeyd etdiyim kimi hüququn alınması səviyyədə qayda pozuntusu olduğunu düşünmürəm. Kiçik pozuntulardı və Baskervill təcrübəli istifadəçidir, təkrarlayacağına inanmıram. Solavirum isə dəfələrlə istifadəçilərlə kobud davranıb və səsverməsi dövründə də bunu edib. Bu o deməkdir ki, istifadəçi bu cür rəftara meyillidir və hisslərini cilovlamağı bacarmır. Buna görə də mövqeyimi dəyişmişdir. Hörmətlə — eldarado ^✉ 11:54, 6 iyul 2021 (UTC)

Eldarado, keçən ildə belə "kiçik pozuntular" olmuşdu da? Təkrarlanmayıb indi? NMW03 (müzakirə) 12:54, 6 iyul 2021 (UTC)

Eldarado burada yerləşdirdiyim bu qədər qayda pozuntusu, kukla hesabdan istifadə, indi də idarəçini təhqir edir və özbaşına məqalə bərpa edir. Bu davamlı deyil? Üstəgəl fb-da Vago ilə bağlı paylaşımı. Bu müzakirədə tərəfsiz olduğunuzu düşünmürəm. Hörmətlə, Turkmen ^müzakirə 13:06, 6 iyul 2021 (UTC)

Turkmen Tərəfli olduğumu düşünərək yanılırsız. Solavirumun səsverməsində nə qədər tərəfli istifadəçilər olduğunu gördünüz yəqin. Mən də ilk öncə lehinə səs versəmdə fikrimi dəyişdim. Orada əksər tərəfli istifadəçilər öz fikirlərinə əsasən lehinə səs verib problemli istifadəçini idarəçi seçiblərsə, Baskervillin o qədər zərərli olduğunu düşünmürəm. Solavirum, siz də yanlış anlamayın hər müzakirəmdə adınızı çəkdiyim üçün. Sadəcə ən uyğun müqayisə və yaxın səsvermə sizinkidir. Ümid edirəm ki, gələcəkdə fəaliyyətiniz ilə məni yanıldarsız. Hörmətlə — eldarado ^✉ 14:02, 6 iyul 2021 (UTC)

NMW03, qayda pozuntularının böyük əksəriyyəti vikipediyanın işini pozmur. Əsasən bəzi idarəçilərlə bir qədər sərt danışdığının şahidiyəm. Bu da bir qədər şəxsi məsələyə bənzəyir. Sosial şəbəkədə mübahisə edib bura daşımaq isə doğru deyil fikrimcə. İstifadəçilərlə kodub rəftar isə daha ağır qayda pozuntusu sayılır. Bu həmin istifadəçiləri idarəçilərdən fərqli olaraq vikipediyadan soyudur. — eldarado ^✉ 14:06, 6 iyul 2021 (UTC)

Eldarado, mən vallah Solavirum-un seçki gedən zaman digər istifadəçi ilə yazışmasında ciddi qayda pozuntusu görmədim və bunu "tərəf tutmaq" kimi qələm verilməsinin də tərəfdarı deyiləm. Amma bu qədər pozuntunu görməzdən gəlib "ciddi qayda pozuntusu deyil" demək də düzgün deyil. Mənim heç kimlə düşmənçiliyim, prinsipiallığım və ya kiməsə tərəfkeşliyim yoxdur. Heç Facebook-da ya da hansısa sosial şəbəkədə hansısa aktiv istifadəçi və ya hansısa idarəçi ilə aktiv yazışmam yoxdur, əmin ola bilərsiz. Maraqlıdır ki, mənə ən son mesaj yazan aktiv istifadəçi və ya idarəçi elə Nihad olub ki, o da düz 43 həftə olub (indi baxdım). Mənim bütün yazdığım müzakirələr sırf Vikipediyada gördüklərimlə və Facebook qrupundakı postlarla məhdudlaşır.— 127-ci yapon imperatoru 14:52, 6 iyul 2021 (UTC)

Eldarado, mənim şəxsimlə və ya davranışımla olan probleminiz ayrı məsələ. Bilirsiniz də, 18 ayrı istifadəçini tərəfli olmaqla günahlandırırsınız. --► Hörmətlə: SolaVirum 19:36, 6 iyul 2021 (UTC)

Eyni dəsti-xətt və eyni ssenari üzrə gedir proseslər. 2020-ci ilin yanvar ayında icma tərəfindən müzakirə edilmiş məsələlər məqsədli formada yenidən gündəmə gətirilir. Cənab Turkmen 1 il bundan əvvəl Vago haqqında edilmiş paylaşımda hansı təhqir edici ifadə mövcuddur ? Az əvvəl yoldaş NMW03 mənə inbox-da yazır ki, nə həyasız adamsan. Məgər mən kiminsə haqqında belə bir ifadə işlətmişəm ? Yoldaşın özü etiraf etdi ki, bu sistemli bir gedişatdır və əsas məqsəd mənim idarəçi və bürokrat hüquqlarımın əlimdən alınmasından sonra qeyri-müəyyən müddətə bloklanmağımdır. Doğrusu mən çox təəssüf edirəm ki, 1 il - 1.6 ildən bir mənim statuslarımın alınması üçün bu qədər ciddi formada çalışırsız. Halbuki mən mövcud idarəçilərdən heç birinin (mövcud müzakirəsi gedən yoldaş xaric) statusunun alınmasında maraqlı deyiləm. Mənə yazılan mesajın özü hər şeyi ifadə edir: Qurduğunuz tanış bazarını dağıdacayıq narahat olmayın - dağıdacayıq ?! Soruşmaq ayıb olmasın necə nəfərsiz ki ? — Baskervill (müzakirə) 23:34, 7 iyul 2021 (UTC)

Cənab White Demon mənim real həyatda olan adımı niyə yuxardakı şərhinizdə çəkmisiniz ? Mənim adım istifadəçi hesabımda qeyd olunub ? Yoldaş NMW03 yuxarda paylaşmış olduğu screenlər bir başa Şəxsi həyatın toxunulmazlığı və fərdi məlumatların istifadəsinə dair müvafiq qanunların tələblərinə ziddir, ancaq görünür ki, yoldaş etmiş olduğu hərəkətin ona yarada biləcək hüquqi nəticələrindən xəbərsizdir. Əlimdə olan statusların alınması üçün ortada ciddi əsas yoxdur. 2 ədəd məqalənin bərpa edilməsinə görə idarəçinin statusu əlindən alınmalıdır ? İcma ötən il statusların saxlanılması haqqında qərar qəbul edib, götürüb yazıblar ki, bəs ötən il belə olmuşdu.. — Baskervill (müzakirə) 23:41, 7 iyul 2021 (UTC)

İstifadəçi səhifənizdə IMDb profilinizə keçid qoymusuz, keçidə basanda ad və soyadınız yazılır. Hörmətlə, — 127-ci yapon imperatoru 00:21, 8 iyul 2021 (UTC)

İşin gülməli tərəfi bilirsiniz nədir? Baskervill hələ də ona verilən suallara cavab verməyib. Eləcə deyirki mənim torbamı tikməyə çalışırsız. Siz qaydalara əməl etməyib özbaşına davrandıqdan sonra statusunuz alınırsa bu o demək deyil ki kimsə sizin torbanızı tikir ya da tikməyə çalışır. "İcma", "icma qərarını verib" deyib durursunuz. Bərpa etdiyiniz məqalələrdə icma qərar verməyib bəs? Yoxsa sizə sərf etməyən qərarları saymırsınız? Cənab Baskervill, istifadəçi səhifənizdə adınızdan şəklinizə qədər hər cür məlumat var. Hətta səhifənin əvvəlki versiyalarında oxuduğunuz universiteti və ixtisası da yazmısınız. "Nə həyasız adamsız" sözünü digər idarəçi həmkarlarımızı təhqir etdiyinizə görə yazmışdım. Onu yazdıqdan sonra bloklamışam sizi . Bu arada, bəli dağıdacayıq. Xəbəriniz yoxdur çox güman ki. Son 1-2 aydır bir qrup istifadəçi olaraq qaydalar üzərində işləyirik. Arada Kənd meydanına göz gəzdirin. Burda söhbət tək sizdən yox bu cür fəaliyyətlə məşğul olan digər (yeni istifadəçilər də) istifadəçilərdən gedir. Qısaca müzakirəni başqa tərəfə yönəltməyə çalışmayın və sizə verilən suallara cavab verin zəhmət olmasa. NMW03 (müzakirə) 09:58, 8 iyul 2021 (UTC)

Mənim Baskervill-ə münasibətim birmənalı deyil, bunu da həmişə bildirmişəm, idarəçi özü də, vikicəmiyyət də bu münasibəti bilir. Amma mən bu cür müzakirələrdə heç vaxt münasibəti əsas almıram, müzakirənin mahiyyətinə fikir verirəm. Bu müzakirə ilə bağlı mövqeyimi bənd-bənd yazacam.

1. SNS-dəki müzakirə nəticəsində silinən məqalənin təkbaşına verilən qərarla bərpası səhv addımdır. İdarəçinin bu addımını yanlış sayıram. Əvvəlcə məqalənin bərpası üçün müraciət olunmalı, müzakirə açılmalı idi. Mənim özümə məqaləsi silinən 100 adam müraciət edir sosial şəbəkələrdə, hamısını yönləndirirəm məqalələrin bərpası üçün müraciət səhifəsinə. İdarəçi olaraq hamıdan əvvəl biz özümüz azvikidə qayda-qanunlara əməl etməliyik. Bunu etməsək istifadəçilərdən də tələb edə bilmərik.

2. İdarəçinin kukla hesabından istifadə etməsi məsələsi keçən il müzakirə olundu. Kukla hesabının mövcudluğunu və ondan səsvermələrdə, müzakirələrdə aktiv istifadəni mən çox böyük qəbahət hesab edirəm, xüsusilə də idarəçi üçün. Amma bu məsələ ilə bağlı keçən il idarəçilər arasında keçirilən müzakirədən sonra etimad səsverməsi təşkil olundu və çox təəssüf edirəm ki, vikicəmiyyət idarəçiyə etimad göstərdi. Çünki mənim fikrimcə idarəçinin kukla hesabından istifadəsi, silinən 2-3 məqaləni müzakirəsiz bərpa etməsindən qat-qat böyük səhvdir. Ancaq etimad səsverməsi keçirildiyi üçün indiki müzakirədə idarəçini "kukla hesabına" görə təkrar ittiham etməyi düzgün hesab etmirəm. Bu məsələ artıq qapanıb.

3. Mənim Baskervill-ə həmişə ən böyük iradım qruplaşma yaratmaqda və onu idarə etməkdə olub. Hətta həmişə deyirdim ki, azvikinin 3 bürokratından 2-nin fikrinin bütün məsələlərdə 100% üst-üstə düşməsi də ciddi problemdir. Baskervill-in o vaxt Cekli ilə mübahisə nəticəsində idarəçi statusunun əlindən alınmasından dərhal sonra da tələm-tələsik yeni seçki təşkil edib idarəçi statusunu bərpa etməsi, ardınca tez-bazar seçki yoluyla bürokrat statusu alması düzgün deyildi, mübahisəli idi və bu gün də o məsələdə yanlış olduğunu düşündüyüm xeyli məqamlar var. O seçkidən bir müddət sonra bir-neçə tanımadığım adam mənə facebook-a həmin seçkilər zamanı Baskervill-in vatsap qrupunda onlara səhər-axşam müraciət edib səsvermədə iştiraka dəvət etdiyini yazmışdılar. Sonra Baskervill o istifadəçilərdən 1-2-sinin yazdığı məqaləni silmişdi, ara dəymişdi və onlar Baskervill-ə qarşı mövqe almışdılar. Əslində, bu həmişə belə olur - bu cür qruplaşmalar tez də dağılır. Azvikidə 13 ildə idarəçi olduğum müddətdə bunun dəfələrlə şahidi olmuşam. Ən azı 10 belə kütləvi qruplaşmanın yaranıb səsvermələrə müdaxilə etdiyinin, sonra isə dağıldığını görmüşəm. Ona görə də xüsusilə idarəçilərimizə həmişə məsləhət görürəm ki, qruplaşma içərisində olmasınlar. Amma son səsvermələrə baxıram, mənimlə yanaşı bürokrat statusu olan digər 2 idarəçimizin mövqelərinin səsvermələrdə artıq 100% deyil, 70-75% üst-üstə düşdüyünü görürəm ki, bu sevindirici haldır. Ümumiyyətlə, son 1 ildə azvikidə olan müəyyən səsvermələri təftiş edəndən sonra belə bir qərara gəlmişəm ki, Baskervill ətrafında olan qruplaşma artıq mövcud deyil. Hətta məndə belə bir təəssürat yaranır ki, Baskervill-ə qarşı müəyyən qruplaşma formalaşmaqdadır. Bu qruplaşma içində bəzi idarəçilərin də ola biləcəyini düşünürəm. Bu bir ehtimaldır, amma yenə də idarəçilərimizdən xahiş edirəm ki, qruplaşma içində olmasınlar. Bu sonra onların özlərinə qarşı çevriləcək, necə ki, böyük ehtimal ki, hazırda Baskervill o problemi yaşayır.

4. Baskervill-in kobudluğu ilə bağlı məsələyə gəldikdə - bəli, şərhlərində müəyyən kobudluq elementlərini görürəm. Amma mövcud idarəçilərimiz arasında Baskervill-i heç də ən "kobud" idarəçi adlandırmazdım. Yəni "kobudluq" Baskervill-in fəaliyyətinin əsas cizgisi deyil və kobudluğun onun statusunun alınması üçün səsvermənin təşkilinə əsas olduğunu düşünmürəm.

5. Ümumilikdə bir idarəçi kimi Baskervill-in fəaliyyətini azviki üçün faydalı hesab edirəm.

P.S. Yuxarıda yazdıqlarımı özüm də bir daha oxuyandan sonra bu məsələdə də "Azerifactory" ilə bağlı məsələdə olduğu kimi qərarsız qaldığımı bildirməliyəm. Ona görə idarəçilərin ümumi qərarı nə olacaqsa, onu dəstəkləyəcəm, amma özüm səsverməklə münasibət bildirməyəcəm. — Sortilegus (müzakirə) 17:45, 8 iyul 2021 (UTC)

NMW03 özündən yaşca böyük bir şəxsə "Nə həyasız adamsız" kimi bir ifadəni işlətməyiniz sahib olduğunuz ailə tərbiyənizdən xəbər verir. Nə zaman ? Harada ? Kimi təhqir etmişəm ?! Zəhmət olmasa screen edib, burada paylaşın və qoy vikicəmiyyət qərar versin ki, orada təhqir var ya yox. Utanmadan böhtan atırsız, təhqir edirsiz və elə zənn edirsiniz ki, bütün bunlarla nələrəsə nail olmaq mümkündür. Sözügedən məqalələrin Bərpa üçün namizəd səhifələr bölməsinə təqdim edilmədən tərəfimdən bərpa edilməsi yalnış addım idi və bu hərəkətimdən hansısa vikicəmiyyət mənsubu pis olubsa şəxsən həmin adamdan üzr istəyirəm. Zaur Qəriboğlu və Mətin Quliyev haqqında olan məqalələr müzakirəsiz bərpa edilməməli idi. Cənab Sortilegus maraqlı şərhiniz üçün təşəkkür edirəm. 2021-ci ildə səhətimdə yaranan problemlərdən dolayı demək olar ki, Vikipediyada aktiv fəaliyyət göstərə bilməmişəm. Mart ayının 1-dən etibarən 3 aylıq vikitətildə olmuşam və indidə haqqımda başladılmış növbəti yalan-böhtan kampaniyası ilə mübarizə aparıram. Sortilegus çox dəqiq formada ifadə etdi ki, 2020-ci ilin yanvar ayında icma kukla hesablarla bağlı qərar verdiyi halda, eyni şəxslərin bu söhbəti yenidən gündəmə gətirməsi planlı hərəkət kimi görünür. Son olaraq fikirlərini öyrənmək istədiyim Babək Akifoğlu, Wertuose, Nicat49, Toghrul R, Drabdullayev17, Solavirum və Eminn-də müzakirədə iştirak etsəydi gözəl olardı. Sizlərə bircə sualım var; SNS-in qərarı ilə silinmiş 2 məqalənin bərpa edilməsinə görə idarəçidən statusu alınmalıdırmı ?— Baskervill (müzakirə) 06:54, 9 iyul 2021 (UTC)

Bu arada Turkmen 2020-ci ilin yanvar ayında, haqqımda bu səsverməni başladan zaman məni facebookdan bloka atmışdı. Sonradan kələk baş tutmadı və blokdan çıxardı, üstəgəl dostluqda göndərdi :)) İndi eyni şeyi NMW03 edib. Yoldaşlar lütfən bir-birinizi bu qədər təkrar etməyin. Bax, aradan 1 il 6 ay vaxt keçib, bir balaca işə yaradıcı yanaşın ki, gələcəkdə müzakirələri oxuyan vikipediyaçılar üçün maraqlı olsun. — Baskervill (müzakirə) 07:10, 9 iyul 2021 (UTC)

Həqiqətəndə çox gülməli davranırsınız. Düzəməlli cavab verə bilmirsiniz ancaq deyirsiniz ki mənə oyun qurublar, torbamı tikirlər. İndidə gedib Azerifactory-nin səsverməsinə yazmısınız ki bəs hədəf taxtasında 2 idarəçi var biri Azerifactorydir. Bir idarəçi olaraq Azerifactory-nin burdakı müzakirəsində iştirak etmisiniz? Hansı yalan-böhtan kampaniyası? Yuxarıda yazdıqlarım böhtandır? Bu arada üzr istəyirəm təhqir yazmışam. Digər idarəçi həmkarlara qarşı kobudluq etdiyinizi nəzərdə tuturdum. Hansı ki əvvəlki (və indiki) səsvermədə lehinə səs (sizə qarşı) veriblər. Əvvəlki müzakirəni bura qatmamışam. Yazdığıma baxsanız görərsinizki əvvəlki müzakirədə olanları xatırlatmışam sadəcə. Bərpa etdiyiniz məqalələr təkcə Zaur Qəriboğlu və Mətin Quliyev deyil. Tam 6 dənə belə məqalə bərpa etmisiniz. Hamısı ilə də Facebookda dostsunuz. Yuxarıda hamısının linkini yerləşdirmişəm. Nicat Manafov haqqında dedikləriniz bəs? Bəs məqaləni yaradırdız day sonrası sizlik deyildi? İndi nə oldu? Bunada üzr istəyəcəksiniz? Əminəm ki başqa bir nəfər bunları etsəydi utancından bunları yazmazdı hətta statusundan imtina edərdi. NMW03 (müzakirə) 11:42, 9 iyul 2021 (UTC)

Salam. Bir idarəçi kimi müzakirədə iştirak etməyə dəvət olundum deyə burada fikirlərimi qeyd edəcəyəm. İlk öncə müzakirədə iştirak edən hər tərəfdən, xüsusilə də müraciəti edən və sözügedən müraciətin əsas mövzusu olan şəxslərdən xahiş edirəm ki, nəzakət qaydalarını pozmasınlar və bir-birlərinin qəlbini qırmasınlar (baxmayaraq ki, hər iki tərəfin bu xahişi veclərinə almayacaqlarını bilirəm). İndi keçək müraciətə və davam edən müzakirəyə; burada mübahisəli aspektlər var:

1. "Baskervill"in Qəriboğlu ilə əlaqədə olub hansısa həmkarının adını verməsi iddiasının qaldırılmasını düzgün hesab etmirəm, xoş niyyət qaydalarına da ziddir. Başa düşürəm, müəyyən bir "travma" var. Hər hansısa şəxs 200 minlik bir kanalda adı çəkilərək təhlükəli formada ittiham edilirsə, özündən çıxar.
2. Şəxsi mesajların internetdə yayımlanması, səhv etmirəmsə, Azərbaycan qanunvericiliyinə görə inzibati xəta hesab edilir.
3. Kukla hesabdan istifadə etmək qırmızı bayraqdır.
4. Qəriboğlu daxil olmaqla bir neçə şəxs haqqında olan məqalələr BNS nəticəsi olmadan bərpa edilməməliydi. Şəxsin özünün ensiklopedik olduğunu düşünürəm, lakin mənəvi aspektlərə görə bir müddət əvvəl həmin səsvermədəki iştirakımdan əl çəkdim.
5. Şəxs özü öz istifadəçi səhifəsində ad və soyad kimi şəxsi detallarını yayımlayırsa, kiminsə onun adını çəkməsindən şikayətlənməməlidir. Lakin təməl amillər (məsələn, kiminsə şəxsi həyatındakı və ya Vikipediyadan kənar iş fəaliyyətindəki hadisələri burada müzakirə etmək) var ki, onlara burada toxunmaq olmaz.
6. Ümumiyyətlə, hər iki tərəfdə təmək olaraq VP:N pozuntuları müşahidə edirəm.

Uzun sözün qısası, müraciətin edilməsinə səbəb olan hadisələr və müzakirənin gedişatı narahatedicidir. Hər iki istifadəçini tanıyıram, hər iki istifadəçinin fəaliyyəti dəyərlidir, hər iki istifadəçinin tapdaladığı qaydalar var. Fikrimi bildirirəm, lakin müraciətin nə lehinə, nə də ki əleyhinə səs verəcəyəm. Hamınıza uğurlar! --► Hörmətlə: SolaVirum 12:40, 9 iyul 2021 (UTC)

Hörmətli Baskervill niyə adımı tez-tez teq edib məni narahat edirsiz? Ümumiyyətlə sizi anlamıram, niyə sizi dəstəkləməyən istifadəçilərə qarşı aqressiv davranırsız? Mən və digərləri sizi dəstəkləyəndə yaxşı idik, indi pis? Mən fəaliyyətinizi bəyənmirəm və bunu əsaslandırıram. Çox sayda qayda pozuntularınızın olduğunu düşünürəm və buna aid arqument irəli sürürəm, müvafiq keçidləri səs verərkən qeyd etdim. Özünüz deyirsiz ki, blokunuzu açmışam (bu arada əlavə olaraq qeyd etmisiz ki, sizə dostluq atmışam bu artıq yalan söhbətdir). Bloku açmışamsa deməli sizinlə şəxsi problemim yoxdur. Əvvəllər necə dəstəkləmişəmsə düz hərəkət edəndə yenə də dəstəkləyərəm. Burda nə problem varki? Zəhmət olmasa adımı tez-tez teq etməyin, yaxud müzakirələrdə mənə söz vurmayın. Onsuzda fikir verirsinizsə demək olarki şərhlərinizə cavab vermirəm, çünki arqument irəli sürmürsüz. Fəaliyyətinizdə uğurlar.— Turkmen ^müzakirə 18:38, 9 iyul 2021 (UTC)

Baskervill, bu arada keçən səsvermələrdə sizi dəstəkləyən bəzi qeyri-aktiv istifadəçilərin fəaliyyətində hal-hazırda aktivlik müşahidə olunur. Nəzərinizə çatdırım ki həmin istifadəçilər səsvermədə iştirak etsələr Vikipediya:Səs ovçuluğu qaydasına əsasən bloklana bilərlər. NMW03 (müzakirə) 01:06, 12 iyul 2021 (UTC)

NMW03, söhbət kimlərdən gedir ? Mən heç kimdən girib mənə səsverməsi üçün xahiş etməmişəm. İnsanları niyə töhmət altında buraxırsız ? Sizin məqsədiniz bu səfər məni idarəçilikdən tamamilə uzaqlaşdırmaqdır. Əziyyətinizin yerdə qalmasını istəmirsiz və ona görə də, var gücünüzlə çalışırsız. Konkret başımıza kül olub. Kül olub ki, bir idarəçi bütün fəaliyyətini digər bir idarəçinin statusunun alınmasına yönəldib və əmin olmaq istəyir ki, etimad səsverməsində heç kim ona dəstək olmayacaq. Bu qədər rəzil və rüsvayçı bir günə salmayın özünüzü. Əlinizdə heç bir konkret fakt yoxdur. 3 məqalənin bərpa olunmasına görə 10 illik idarəçi tərcübəsi olan bir adamın statusunun əlindən zorla almaq olmaz. Cənab Sortilegus, lütfən bu yoldaşın canfəşanlığına fikir verin. Adam sanki dünya çempionatının final oyununa hazırlaşır. — Baskervill (müzakirə) 03:41, 12 iyul 2021 (UTC)

Solavirum kukla hesabdan istifadə edilməsi ilə bağlı vikicəmiyyətin 2020-ci ilin yanvar ayında verdiyi qərar yetərli deyilmi ? Belə çıxır ki, bəzi yoldaşlara lazım olan nəticə əldə edilməyənə qədər bu arqument əldə bayraq ediləcək ? — Baskervill (müzakirə) 03:43, 12 iyul 2021 (UTC)

Fikrimcə NMW03-ün bu bildirişi: bu arada keçən səsvermələrdə sizi dəstəkləyən bəzi qeyri-aktiv istifadəçilərin fəaliyyətində hal-hazırda aktivlik müşahidə olunur. Nəzərinizə çatdırım ki həmin istifadəçilər səsvermədə iştirak etsələr Vikipediya:Səs ovçuluğu qaydasına əsasən bloklana bilərlər. fəaliyyətini bərpa etmiş istifadəçiləri blokla hədələmək anlamına gəlir. Doğru anladım yoxsa yanılıram? Fəaliyyətini bərpa etmiş istifadəçilər səsvermədə iştirak edə bilməzlər? Etsələr bloklnacaqlar? Hansı qaydaya əsasən? Yaxşı olar ki, həmin istifadəçiləri bir başlıq açaraq teq edin və fikirlərini öyrənək nə üçün fəaliyyətlərini bərpa ediblər :) — eldarado ^✉ 05:49, 12 iyul 2021 (UTC)

Sortilegus, fəaliyyətimi illərə bölsək, heç vaxt heç bir bürokrat ilə fikirlərim il ərzində 100% üst üstə düşməyib :) Bu mövzuda çox danışmışıq deyə yenidən qayıtmaq istəmirəm. Hörmətlə — eldarado ^✉ 05:53, 12 iyul 2021 (UTC)

Baskervill, hələ də 3 məqalə deyib durursunuz. Suallarıma cavab verməkdən boyun qaçırırsınız. Səsvermədə görəcəyik həmin istifadəçiləri . Eldarado, bloklanacaqlar yox bloklana bilərlər yazmışam. Hansı qaydaya əsasən olduğunu da qeyd etmişəm. NMW03 (müzakirə) 13:03, 12 iyul 2021 (UTC)

NMW03 konkret olaraq hansı sualı cavabsız qoymuşam ? — Baskervill (müzakirə) 02:53, 15 iyul 2021 (UTC)

Turkmen yuxarıda yazmısınız ki, mən güya idarəçiləri təhqir etmişəm. Nə zaman olub bu hadisə ? Necə utanmadan şər ata bilirsiniz. Sübut edin və bizlərə təhqir olan hissəni göstərin. Gözləyirəm.— Baskervill (müzakirə) 04:12, 16 iyul 2021 (UTC)

Baskervill elə də uzağa getmək lazım deyil, bu nə danışıq tərzidir ? Vikipediya:Nəzakət qaydalarına əməl edin. Bu artıq idarəçiyə qarşı ikinci pozuntudur. Bu tərzdə davam etsəz sizə blok təyin etməli olacam. Vikipediya:Xoş niyyətli olduğunuzu göstərin. Nümunə istəyirsinizsə buyrun :

• "...məqalələri məqsədli formada silməklə bir daha bu çirkin niyyətini ifadə etmiş olursan".
• "Çox təəssüf edirəm ki, hal-hazırda başım işə və dərsə qarışıb, məni bir az noqalay yerdə yaxalamısan".

— Turkmen ^müzakirə 07:28, 16 iyul 2021 (UTC)

Baskervill, məqalələri niyə müzakirəsiz bərpa etmisiz? NMW03 (müzakirə) 06:11, 18 iyul 2021 (UTC)

Hələ bu da var, "Kimlərsə köhnə idarəçiləri yola salır və əvəzinə yeni idarəçiləri namizəd edirlər. Bütün bunları görməmək mümkün deyil". --► Hörmətlə: SolaVirum 08:31, 16 iyul 2021 (UTC)

Turkmen, noqalay və çirkin niyyət sözləri nə zamandan təhqir hesab olunur ? NMW03 öz ailə tərbiyəsini ifadə edərək mənə həyəsız adam deyir, ancaq siz bunu görməzdən gəlirsiniz. Çünkü indiki vəziyyətdə sizə bütün bunlar sərf edir.

Solavirum, bəlkə dediklərimdə yalnış nəsə var ? Faktiki olaraq idarəçilik statusunu itirmək istəməyən iki təcrübəli idarəçidən bu status sökə-sökə alınır və əvəzində iki yeni sima idarəçi seçilir. Sizcə bu hal Azviki kimi kiçik bir vikipediya üçün yetərincə qəribə deyilmi ?

NMW03, Zaur Qəriboğlunun ensiklopedik şəxs olmasına icma qərar verdi. İnanıram ki, oxşar qərarlar digər şəxslər haqqında da veriləcək. Konkret olaraq sizin sualınızın cavabı budur ki, həmin məqalələr siz tərəfdən edilmiş müvafiq təhriklərə görə tərəfimdən bərpa edilmişdir və bu addıma görə icmadan üzr istəmişəm. — Baskervill (müzakirə) 18:20, 18 iyul 2021 (UTC)

Mən deyəndəki "həyasız adamsız" deyirsiniz ki sən mənə nəzakətsizlik etmisən. İndi də böhtan atıb özünüzü haqlı çıxarmağa çalışırsınız. Təhrik sözünün mənasını bilirsiniz? Bilmirsinizsə deyim: "Hər hansı bir işi görməyə həvəsləndirmək, sövq etmək". Nə vaxt təhrik etmişəm sizi? Harda? Necə? Üzr istədiz vəssalam qurtardı? Mən sizdən soruşanda niyə üzr istəməmişdiniz ki bəs səhv etmişəm zad? Oxşar qərarların digər məqalələr haqqında veriləcəyinə inanırdınızsa niyə müzakirəsiz bərpa edirdiniz? İndi deyin görək həmin məqalələri "həqiqətən" niyə bərpa etmisiniz? NMW03 (müzakirə) 05:09, 20 iyul 2021 (UTC)

Yanlış çox şey var. Əlinizdə konkret dəlil olmadan böhtan atmaöa haqqınız yoxdur. Özü də bir adama yox haa, bir neçə şəxsə. --► Hörmətlə: SolaVirum 15:58, 19 iyul 2021 (UTC)

Yekun: Qəbul edildi və ümumi səsverməyə çıxarıldı. — eldarado ^✉ 08:09, 23 iyul 2021 (UTC)

Uzun vikitətil :)

Salam hörmətli idarəçilər. Hərbi xidmətə yola düşdüyüm üçün idarəçi statusumdan imtina etmək qərarı aldım. Yaddaşlarda qeyri-aktiv idarəçi olaraq qalmaq istəmədiyim üçün bunu edirəm. Gedib-gəldikdən sonra yenidən səsvermə açıb icmanın qərarını gözləyəcəm. Özünüzə yaxşı baxın.

P.S VP:ŞİRKƏT qaydasını hazırlamışam amma müzakirəyə çıxaracaq qədər vaxtım yoxdur. Ona görə də sizdən (digər istifadəçilər də daxil olmaqla) xahiş edirəm ki müzakirəyə (əgər müzakirə uğurlu alınarsa səsverməyə təbii ki) çıxarın.— NMW03 (müzakirə) 20:41, 1 oktyabr 2021 (UTC)

Sura Shukurlu-nun idarəçi səsverməsi

Salam. Vikipediya:İdarəçilər səsverməsində Sura Shukurlu-nun səsverməsində lehinə səslərin sayı 100 faiz olsa da, minimum 15 səs gəlmədiyi üçün hal-hazırda seçilməmiş sayılır. Daha əvvəlki səsvermələrdə belə halla rastlaşdığımızı xatırlamıram. Vikipediya:İdarəçilərin və bürokratların seçilməsi qaydalarında "Əvvəlcədən elan olunmuş müddət sonunda lazımi miqdarda səslərin toplana bilməməsi halında səsvermə baş tutmamış sayılır və hər hansı istifadəçinin istəyinə bağlı olaraq, həmin və ya başqa müddətdə olmaq üzrə təkrarlana bilər." belə bir bənd var. Burda səsvermənin uzadılması qeyd olunmayıb, bu təcrübədən istifadə edilməyib heç. Amma bu halda səsvermənin yenilənməsi yeni namizədlik kimi başa düşülmür, məncə. Bu barədə fikirlərinizi gözləyirəm. Eminn (müzakirə) 16:45, 16 dekabr 2021 (UTC)

Bir də Vikipediya:İdarəçilərin və bürokratların seçilməsi qaydaları səhifələrində bir-birinə zidd 2 bənd var: "Səsvermə o zaman baş tutmuş hesab olunur ki, etibarlı səslərin sayı 15-dən, lehinə səslərin sayı isə 10-dan az olmasın". Sonra da yazılır ki, "İdarəçiliyə namizəd ən azı 10 səs alarsa və onun seçilməsinə qarşı səs verənlərin sayı etibarlı səslərin sayının 1/3-ni keçməzsə, o seçilmiş, əks halda isə seçilməmiş sayılır". Sura Shukurlu ilə bağlı vəziyyət belədir ki, namizəd 10 səs lehinə alıb (14 səs), əleyhinə səs verən sayı 1/3-i keçməyib (0 səs), amma 15 etibarlı səs yoxdur. — Sortilegus (müzakirə) 17:26, 17 dekabr 2021 (UTC)

Deməli qaydaya dəyişiklik lazımdı. Get-gedə təkmilləşdirmək lazımdı. — Araz Yaquboglu (müzakirə) 06:06, 18 dekabr 2021 (UTC)

Elshad Iman (Elşad İman)-ın yanlış olaraq bloklanması

Salam, həmkarlar. Elshad Iman (Elşad İman) envikidə yanlış anlama səbəbindən əsassız şəkildə qlobal blok edilmişdir. Halbuki azviki və başqa vikilərdə heç bir problem mövcud deyildi. Meta-da blokun götürülməsi barədə müzakirə açıldı, idarəçilər də dəstək oldu, lakin müzakirə bağlanılaraq ombudsmana müraciət etmək təklif edildi. O da olundu, lakin nəticəsiz qaldı. Əgər problem deyilsə, istifadəçinin E.Imanoff hesabında itirdiyi hüquqları bərpa etmək istərdim — Toghrul R (m) 10:02, 16 yanvar 2022 (UTC)

Müzakirədə mən də fikir bildirmişdim. Problemsiz və dəyərli istifadəçidi. Fikrim müsbətdir. — Araz Yaquboglu (müzakirə) 10:59, 16 yanvar 2022 (UTC)

İndiki halda atılacaq ən doğru addım budur. Dəstəkləyirəm. — Surə ^🗯 11:17, 16 yanvar 2022 (UTC)

Doğru qərar olar məncə. — Drabdullayev17 (müzakirə) 09:22, 17 yanvar 2022 (UTC)

Y istifadəçinin hüquqları bərpa edildi — Toghrul R (m) 06:18, 21 yanvar 2022 (UTC)

İdarəçi qeydləri

• Vikipediya:İdarəçi müzakirəsi/Qeydlər — son yenilənmə tarixi: 16.08.2019

Həmçinin bax

• Vikipediya:İdarəçilər
• Arxiv
• Vikipediya:İdarəçilərə müraciət
• Silinəcək səhifələr