Tural Abbaslı

Vikipediya, azad ensiklopediya
Burocan (müzakirə | töhfələr) tərəfindən edilmiş 15:31, 17 mart 2022 tarixli redaktə
Naviqasiyaya keç Axtarışa keç
Tural Abbaslı
Tural Feyruz oğlu Abbaslı
Şəxsi məlumatlar
Doğum tarixi 13 sentyabr 1982(1982-09-13) (41 yaş)
Doğum yeri
Partiya
Təhsili
Fəaliyyəti siyasətçi

Tural Feyruz oğlu Abbaslı (13 sentyabr 1982, Bakı) — azərbaycanlı populist siyasətçi;[1] jurnalist; Müsavat Partiyasının üzvü və funskionerlərindən biri (2000–2016); Ağ Partiyasının sədri (2016-cı ildən).[2]

Siyasi fəaliyyətə Müsavat Partiyasında başlayan Tural Abbaslı 2000-2016-cı illərdə partiya funksionerlərindən biri olmuşdur. 2014-cü ildə Müsavat Partiyası başqanlığına namizəd olsa da seçilə bilməyib.[3] 2016-cı ildə Ağ Partiyasını təsis edən Abbaslı, müxtəlif dövrlərdə verdiyi açıqlamalarda sədri olduğu partiyanın Türkiyədə fəaliyyət göstərən sağçı və mühafizəkar Ədalət və İnkişaf Partiyası ilə eyni ideoloji xətti tutduğunu bildirmişdir.[4][5][6][7] Həmçinin o, digər müsahibələrində Cənubi Afrika Respublikasının prezidenti, Nobel Sülh mükafatı laureatı Nelson Mandelanı "terrorist" adlandırmış,[8] Ukrayna Respublikasının prezidenti Volodimir Zelenskinin isə "kloun" olduğunu bildirmişdir.[9][10]

Tural Abbaslı Ağ Partiyasını təsis edənə qədər İctimai Palata (2010), Demokratik Qüvvələrin Milli Şurası (2013),[11] "Ağ Blok", sədr olduqdan sonra "Qarabağ Komitəsi"[12] və "Azərbaycan Xalq Hərəkatı" kimi bir sıra müxalif siyasi təşkilat və blokların rəhbərliyində təmsil olunub. 2018-ci ildə keçirilən Prezident seçkilərində namizədliyini irəli sürsə də prosedur nöqsanlarına yol verdiyi üçün namizədliyi qeydə alınmayıb.[13] 2020-ci ildə VI çağırış Azərbaycan Milli Məclisinə seçkilər zamanı 21 saylı Nəsimi Birinci seçki dairəsindən namizəd olmuş, lakin rəqibi Məlahət İbrahimqızına məğlub olmuşdur.[14]

Həyatı

Tural Abbaslı 13 sentyabr 1982-ci ildə Bakı şəhərində anadan olub. 1999-cu ildə 4 nömrəli Humanitar Fənlər gimnaziyasını bitirib. 1999–2003-cü illərdə Müstəqil Azərbaycan Universitetinin Jurnalistika fakültəsində təhsil alıb. 2009-cu ildə BDU-nun Jurnalistika fakültəsinin magistratura pilləsinə daxil olmuş, lakin təhsilini tamamlamamışdır.

Siyasi fəaliyyəti

Tural Abbaslı siyasi fəaliyyətə Müsavat partiyasında başlamış və 2000-2016-cı illərdə burada gənclər təşkilatının sədr müavini, Səbail rayon təşkilatında sədr müavini, gənclər təşkilatının sədri, partiya divan heyətinin üzvü olmuşdur.[15] 2014-cü ildə Müsavat Partiyası başqanlığına namizəd olsa da seçilə bilməyib.[3]

2016-cı ildən Ağ Partiyasının sədri kimi fəaliyyət göstərən Abbaslı,[16] buna qədər İctimai Palata (2010), Demokratik Qüvvələrin Milli Şurası (2013),[11] "Ağ Blok" kimi bir sıra müxalif siyasi qurumlarda da təmsil olunub. Həmçinin, 2018-ci ildə yaradılan "Qarabağ Komitəsi"nin[12] və 2019-cu ildə siyasi partiyaların birliyi olan "Azərbaycan Xalq Hərəkatı" adlı qurumun təsisçilərindən biri olub.[17]

Tural Abbaslı 2018-ci ildə keçirilən Prezident seçkilərində öz namizədliyini irəli sürmüş, lakin prosedur nöqsanlarına yol verdiyi üçün namizədliyi qeydə alınmamışdır.[13] Bununla yanaşı, 2020-ci ildə Milli Məclisə növbədənkənar seçkilərdə 21 saylı Nəsimi Birinci seçki dairəsindən deputatlığa namizəd olsa da, seçilə bilməyib.[18]

İstinadlar

  1. ↑ "Tural Abbaslı: "Kəramət Böyükçöl şantajla məşğuldur" – İşdən kənar". kulis.az (az.). 13 sentyabr 2021. 11 fev 2022 tarixində arxivləşdirilib. İstifadə tarixi: 11 fev 2022. Hə, deyirlər Tural populistdir, pafoslu danışır və s. Siyasətçi populist olmalıdır.
  2. ↑ "Ağ Partiyasının Nizamnaməsi". 2018-02-20 tarixində orijinalından arxivləşdirilib. İstifadə tarixi: 2018-02-13.
  3. ↑ 1 2 "Arxivlənmiş surət". 2020-07-06 tarixində arxivləşdirilib. İstifadə tarixi: 2020-07-06.
  4. ↑ "'AK Parti' kardeş ülkelerin umudu". yeniakit.com.tr (türk). Yeni Akit qəzeti. 15 may 2017. 17 mart 2022 tarixində arxivləşdirilib. İstifadə tarixi: 17 mart 2022. Ayrılma kararını verince aynı zamanda savunduğumuz Türk İslam Birliği, Milli Görüş düşüncelerini ortaya koyacağımız, sağ merkeziyetçi bir parti kurmayı düşündük ve bu düşüncemizi uygulamaya koyulduk. Buna kadar da çok güzel bir örnek vardı dost ve kardeş Türkiye`de: Adalet ve Kalkınma Partisi. Biz de AK Parti isimli bir parti oluşturmak adına arkadaşlarla bir karar verdik.
  5. ↑ ""Müsavat partiyası artıq yoxdur" – Tural Abbaslı İDDİALI DANIŞDI". bizim.media (az.). "Bizim Media". 12 dekabr 2021. 17 mart 2022 tarixində arxivləşdirilib. İstifadə tarixi: 17 mart 2022. Amma təbii ki, bizə çox xoşdur ki, Türkiyənin “AK Partisi” ilə eyni ideoloji xətt üzrə hərəkət edirik.
  6. ↑ "Tural Abbaslı: "Əsas siyasi rəqibimiz hakim partiyadır"". musavat.com (az.). Yeni Müsavat (qəzet). 1 iyul 2016. 17 mart 2022 tarixində arxivləşdirilib. İstifadə tarixi: 17 mart 2022. Təki bizi AKP-yə oxşatsınlar, onun uğurlarını Azərbaycanda təkrar edə bilək. Bizim üçün bu, fəxr olar. Eyni ideoloji düşüncədə olduğumuz üçün də belə bənzətmə xoşdur.
  7. ↑ "Tural Abbaslı: "Müsavatın Arif Hacılıya aidiyyəti yoxdur"". teleqraf.com (az.). "Teleqraf.com xəbər portalı". 2 İyun 2017. 17 mart 2022 tarixində arxivləşdirilib. İstifadə tarixi: 17 mart 2022. Türkiyədəki AKP-nin ideologiyasına uyğun partiya qururuq.
  8. ↑ "Tural Abbaslı:"Nelson Mandela kimi terrorist olmaqdansa..."-VİDEO". strateq.az (az.). 17 mart 2019. 17 mart 2022 tarixində arxivləşdirilib. İstifadə tarixi: 17 mart 2022. Terrorist olub, bəy. Terrorist olub.
  9. ↑ "Tural Abbaslı dediyindən dönmür: "Zelenski kloundur"". hurriyyet.az (az.). Hürriyət qəzeti. 3 mart 2022. 17 mart 2022 tarixində arxivləşdirilib. İstifadə tarixi: 17 mart 2022. Aktyorluq, klounluq Zelenskinin peşəsidir, sənətidir.
  10. ↑ "Tural Abbaslı bəs siz kimin layihəsisiniz? – ZELENSKİYƏ KLOUN DEYƏN PARTİYA SƏDRİNƏ…". analoq.az (az.). 17 mart 202 tarixində arxivləşdirilib. İstifadə tarixi: 17 mart 2022.
  11. ↑ 1 2 "Milli Şura üzvlərinin siyahısı". 2016-03-28 tarixində arxivləşdirilib. İstifadə tarixi: 2018-02-13.
  12. ↑ 1 2 "Arxivlənmiş surət". 2020-07-06 tarixində arxivləşdirilib. İstifadə tarixi: 2020-07-06.
  13. ↑ 1 2 "Arxivlənmiş surət". 2020-07-06 tarixində arxivləşdirilib. İstifadə tarixi: 2020-07-06.
  14. ↑ "DAİRƏLƏR ÜZRƏ SEÇİLMİŞ NAMİZƏDLƏR". infocenter.gov.az (az.). Mərkəzi Seçki Kommisiyası. İstifadə tarixi: 17 mart 2022.
  15. ↑ "Müsavatdan Tural Abbaslı ilə bağlı bəyanat". 2020-07-06 tarixində arxivləşdirilib. İstifadə tarixi: 2020-07-06.
  16. ↑ [1] Arxivləşdirilib 2020-07-07 at the Wayback MachineTural Abbaslı
  17. ↑ "Arxivlənmiş surət". 2020-06-30 tarixində arxivləşdirilib. İstifadə tarixi: 2020-07-06.
  18. ↑ "Arxivlənmiş surət". 2021-08-10 tarixində arxivləşdirilib. İstifadə tarixi: 2020-07-06.
Mənbə — "https://az.wikipedia.org/w/index.php?title=Tural_Abbaslı&oldid=6367840"