Ağ Partiyası

Vikipediya, azad ensiklopediya
Jump to navigation Jump to search
Ağ Partiyası
Loqonun şəkli
Sədri Tural Abbaslı
Sədr müavinləri Əhəd Məmmədli
Quruluş tarixi 26 iyun 2016
Qeydiyyat tarixi 7 may 2020
Sələf Vahid Azərbaycan Partiyası
Baş qərargah Baki şəhəri, Şəfayət Mehdiyev 177
İdeologiya Mühafizəkarlıq
Şüar İman, İnam, Cəsarət hərşeyə yetər!
Kabinetdə
0 / 35
Parlamentdə
0 / 125
Bələdiyyədə
0 / 15.156
Mətbuat orqanı Ağ Media
Saytı agpartiya.com

Ağ Partiyası, Ağ Partiya və ya qısaca AğP — Azərbaycanda fəaliyyət göstərən mühafizəkar siyasi partiya.

Rəsmi olaraq 2020-ci ilin may ayının 5-də Ağ Partiyası adı ilə qeydiyyata alınan partiya 1993-cü ildə əsası qoyulan Vahid Azərbaycan Partiyasının 2016-ci ildə adının dəyişdirilməsi ilə yaradılmışdır. Partiyanın sədri 2016-ci ildən Tural Abbaslıdır.[1]

Partiyanın sədri Tural Abbaslı müxtəlif vaxtlarda verdiyi açıqlamalarda Ağ Partiyasının Türkiyədə fəaliyyət göstərən sağçı və mühafizəkar Ədalət və İnkişaf Partiyası ilə eyni ideoloji xətti tutduğunu bildirmişdir.[2][3][4][5]

Tarixi[redaktə | mənbəni redaktə et]

Sələfi[redaktə | mənbəni redaktə et]

Vahid Azərbaycan Partiyası 1993-cü ildə Kərrar Əbilov tərəfindən yaradılmış və dövlət qeydiyyatına alınmışdır. Partiyanın ilk sədri Kərrar Əbilov olmuşdur. O, 1993-cü il prezident seçkilərində iştirak edib. Kərrar Əbilov 2016-cı ilin yanvarında vəfat etmişdir.

Quruluşu[redaktə | mənbəni redaktə et]

27 sentyabr 2014-cü ildə Müsavat Partiyasının VIII Qurultayı keçirilmişdir. Qurultayda başqanlığa 3 namizəd — Arif Hacılı, Qubad İbadoğluTural Abbaslı olmuşdur. Müsavat Gənclər Təşkilatının sədri olan Tural Abbaslı bu seçkidə 19 səs, partiya daxili müxalif qanaddan Qubad İbadoğlu 200 və partiya rəhbərliyinin namizədi Arif Hacılı isə 228 səs almışdır.[6]

Qurultaydan sonra Tural Abbaslı 2 il Müsavat Partiyasında faəliyyət göstərmişdir. 2015-ci il parlament seçkilərində 8 nəfər Tural Abbaslı liderliyində Ağ Blok adlı seçki bloku təsis edərək seçkilərə qatılmışdır. Onlardan 4-ü rəsmi olaraq namizəd kimi qeydiyyata alınmışdır. Daha sonra bu blokun partiyalaşması düşünülsə də, qeydiyyat prossesinin çətinliyi nəzərə alınaraq gerçəkləşdirilmədi. Bunun əvəzinə, Tural Abbaslı 2016-cı ildə isə Müsavat Partiyasından istefa verərək dövlət qeydiyyatında olan Vahid Azərbaycan Partiyasına üzv olmuşdur. 26 iyun 2016 tarixində partiya qurultayı keçirilmiş və qurultayda Vahid Azərbaycan Partiyasının adı Ağ Partiya olaraq dəyişdirilmiş, Tural Abbaslı isə partiyanın sədri seçilmişdir.[1]

7 may 2020-ci ildə Ağ Partiyanın ad dəyişikliyi Ədliyyə Nazirliyi tərəfindən təsdiqlənərək partiya "Ağ Partiyası" adı ilə yenidən dövlət qeydiyyatına alınmışdır.[7][8]

İdeologiyası[redaktə | mənbəni redaktə et]

Ağ Partiyasının doktorinası "Milli nizam" ideologiyasıdır. Ağ Partiyası "yeni osmançılıq" siyasətinin türk-islam coğrafiyasında təbliğinin, yayılmasının və inkişafının tərəfdarıdır. Osmanlı-Səfəvi reallığının birləşdirilməsi ilə "milli barışığa" nail olmaq Ağ Partiyanın məqsədlərindəndir.[9]

Ağ Partiyasının konsepsiyasınan sitat:[10]

" 1918-ci ildə Azərbaycan və Osmanlının vəhdətinin nəticəsində müstəqil Azərbaycan Xalq Cümhuriyyətinin qurulduğunu nəzərə alsaq bu ideologiyanın regionumuza yalnız uğur gətirəcəyinə şübhəmiz qalmır. Ağ Partiyası islam dünyasında radikal, reaksioner mühafizakarlığın qarşısını alan, özündə bütün sosial, mədəni, dini, etnik, siyasi, iqtisadi çevrələri birləşdirən mühafizakar–demokrat kimlikli sağ mərkəzin Azərbaycandakı nümayəndəsidir. Bu yanaşmanın da arxasında uzlaşma mədəniyyətinə söykənən siyasət durur. Ağ Partiyasının siyasi kursu mühafizəkar–demokrat millət iradəsi üstəgəl insanların ortaq dəyərlərinə söykənən fərqli, tolerant, dəyişimə meyilli, dinamik, azad, hüquqi vətəndaş cəmiyyətinin qurulmasını hədəfləyir. Ölkədə hər bir problemin həllinin toplum olaraq birlikdə axtarılması, demokratik sistem meyarları ilə ortadan qaldırılması lazım. Bütün bunları həyata keçirməyin də yolu kabinetlərdən, otaqlardan çıxıb, xalq adlanan məhfumun ayağına getmək, beləliklə də Azərbayacana gerçək siyasət, peşəkar siyasətçilər bəxş etməkdir. "

Loqosunun izahı :  [redaktə | mənbəni redaktə et]

Ağ Partiyanın  loqosu Türk kimliyinin və Ümmət bilincinin ifadəsidir. Loqodakı " tamqalar" Azərbaycan dövlətçiliyinin ehtişamı olan Avşar boyunun və milli mirasımızın ifadəsidir. Burada Azərbaycan dövlətçilik tarixi bir nümunədə ümumən ifadə edilir. Loqo mərkəzindəki Lalə Türk islam dünyasının cahanşümul ifadəsi olan Osmanlı dövlətini ifadə edir.                                             

Loqodakı tamqa arası nöqtələr birləşdirici amildir. Loqo tamamında milli kimliyimizi qoruyan bir qalxanın simvoludur.

Seçkilərdə[redaktə | mənbəni redaktə et]

Ağ Partiyası yeni adı ilə qeydiyyata alındıqdan sonra seçkilər keçirilmədiyi üçün rəsmi olaraq indiyədək seçkilərə Vahid Azərbaycan Partiyası adı ilə qatılmışdır.

Prezident seçkiləri[redaktə | mənbəni redaktə et]

Tural Abbaslı 2018-ci il prezident seçkilərində prezidentliyə namizədliyini irəli sürsə də, Mərkəzi Seçki Komissiyası tərəfindən namizədliyi qeydə alınmamışdır.[11]

Parlament seçkiləri[redaktə | mənbəni redaktə et]

Partiya 2020-ci il parlament seçkilərində 12 namizəd ilə iştirak etmiş lakin seçkilərdə baş vermiş qanunsuzluqlara görə heç biri parlamentə düşməmişdir. Partiyanın seçkilərdə iştirak etdiyi 2 seçki dairəsinin nəticələri ləğv edilmişdir.

Bələdiyyə seçkiləri[redaktə | mənbəni redaktə et]

Partiya 2019-cu il bələdiyyə seçkilərində 1 namizəd ilə iştirak etmişdir.

Təşkilat[redaktə | mənbəni redaktə et]

Rəhbərlik[redaktə | mənbəni redaktə et]

Başqan
Vəzifə Başlangıcı
Vəzifə Bitişi
1. Tural Abbasli (cropped).jpg
Tural Abbaslı
26 iyun 2016 Hal-hazırda

İdarə Heyəti[redaktə | mənbəni redaktə et]

Sıra
İdarə Heyəti
Vəzifəsi
1.
Tural Abbaslı Partiya sədri
2.
Əhəd Məmmədli Partiya sədrinin birinci müavini
3.
Mətləb Aslanov Partiya sədrinin köməkçisi
4.
Rüfət Hacıbəyli Partiya sədrinin müavini
5.
Cavid Hacıbəyli Partiya sədrinin müavini
6.
Cavanşir Abbaslı Partiya sədrinin müavini
7.
Azər Hüseynov Partiya sədrinin müşaviri
8.
Bəhram Sadıqov Partiya sədrinin müşaviri
9.
Rəhim Əhmədzadə Partiya sədrinin müşaviri
10.
Araz Teymurlu Partiya sədrinin müşaviri
11.
Kamran Məmmədli Təşkilat Komitəsinin sədri
12.
Vüsalə Əhmədova Partiyanın İqtisadiyyat Komissiyasının sədri
13.
Səddam Nəcəfov İdarə Heyəti üzvü
14.
Toğrul Abbasov İdarə Heyəti üzvü
15
Şamil Beydullayev İdarə Heyəti üzvü
16.
Vüsal Əliyev İdarə Heyəti üzvü
17.
Ariz Zeynalov İdarə Heyəti üzvü
18.
Vüsal Quliyev İdarə Heyəti üzvü
19.
Ruslan Əliyev İdarə Heyəti üzvü

İstinadlar[redaktə | mənbəni redaktə et]

  1. 1 2 "Arxivlənmiş surət". 2021-10-08 tarixində arxivləşdirilib. İstifadə tarixi: 2021-10-08.
  2. "'AK Parti' kardeş ülkelerin umudu". yeniakit.com.tr (türk). Yeni Akit qəzeti. 15 may 2017. 17 mart 2022 tarixində arxivləşdirilib. İstifadə tarixi: 17 mart 2022. Ayrılma kararını verince aynı zamanda savunduğumuz Türk İslam Birliği, Milli Görüş düşüncelerini ortaya koyacağımız, sağ merkeziyetçi bir parti kurmayı düşündük ve bu düşüncemizi uygulamaya koyulduk. Buna kadar da çok güzel bir örnek vardı dost ve kardeş Türkiye`de: Adalet ve Kalkınma Partisi. Biz de AK Parti isimli bir parti oluşturmak adına arkadaşlarla bir karar verdik.
  3. ""Müsavat partiyası artıq yoxdur" – Tural Abbaslı İDDİALI DANIŞDI". bizim.media (az.). "Bizim Media". 12 dekabr 2021. 17 mart 2022 tarixində arxivləşdirilib. İstifadə tarixi: 17 mart 2022. Amma təbii ki, bizə çox xoşdur ki, Türkiyənin “AK Partisi” ilə eyni ideoloji xətt üzrə hərəkət edirik.
  4. "Tural Abbaslı: "Əsas siyasi rəqibimiz hakim partiyadır"". musavat.com (az.). Yeni Müsavat (qəzet). 1 iyul 2016. 17 mart 2022 tarixində arxivləşdirilib. İstifadə tarixi: 17 mart 2022. Təki bizi AKP-yə oxşatsınlar, onun uğurlarını Azərbaycanda təkrar edə bilək. Bizim üçün bu, fəxr olar. Eyni ideoloji düşüncədə olduğumuz üçün də belə bənzətmə xoşdur.
  5. "Tural Abbaslı: "Müsavatın Arif Hacılıya aidiyyəti yoxdur"". teleqraf.com (az.). "Teleqraf.com xəbər portalı". 2 İyun 2017. 17 mart 2022 tarixində arxivləşdirilib. İstifadə tarixi: 17 mart 2022. Türkiyədəki AKP-nin ideologiyasına uyğun partiya qururuq.
  6. "Arxivlənmiş surət". 2021-10-22 tarixində arxivləşdirilib. İstifadə tarixi: 2021-10-22.
  7. "Arxivlənmiş surət". 2021-10-08 tarixində arxivləşdirilib. İstifadə tarixi: 2021-10-08.
  8. "Arxivlənmiş surət". 2020-08-22 tarixində arxivləşdirilib. İstifadə tarixi: 2021-10-22.
  9. "Arxivlənmiş surət". 2021-10-08 tarixində arxivləşdirilib. İstifadə tarixi: 2021-10-08.
  10. "Arxivlənmiş surət". 2021-10-08 tarixində arxivləşdirilib. İstifadə tarixi: 2021-10-08.
  11. "Arxivlənmiş surət". 2021-10-22 tarixində arxivləşdirilib. İstifadə tarixi: 2021-10-22.

Xarici keçidlər[redaktə | mənbəni redaktə et]