Çal, oyna! (xalq mahnısı)

Vikipediya, azad ensiklopediya
Naviqasiyaya keçin Axtarışa keçin
Xalq mahnısı
Çal, oyna!
Janr Lirik
Dil Azərbaycanca


Çal, oyna! — Azərbaycan xalq mahnısı. Ermənilər keşiş Komitasın əsəri kimi təqdim edirlər. 1969-cu ildə Rəşid Behbudovun ifası ilə məşhurlaşmışdır.

Haqqında[redaktə | mənbəni redaktə et]

Xalq mahnılarının, məişət mahnıları qrupuna daxildir və öz növbəsində məişət mahnılarının lirik mahnılar növünə aiddir. Sözlərinin və musiqisinin yaranma tarixi haqqında dəqiq məlumat yoxdur. Mahnı bəzən "Mehribanım, mehriban" kimi də adlandırılır. İlk dəfə 1965-ci ildə, Rafiq BabayevRəşid Behbudovun tərtibatı ilə "Qaya qrupu"nun ifasında efirdə səslənmişdir. 1969-cu ildə Rəşid Behbudovun ifası ilə məşhurlaşmışdır.[1][2]. Mahnı ümumiyyətlə, Rast muğamı təməlindədir.[3]

Sözləri[redaktə | mənbəni redaktə et]

Mahnının sözləri müxtəlif ifaçılar tərəfindən müxtəlif variantlarda ifa edilib:

Göy göllərdə üzər qazlar,
Laçın, ay, vurar, tükünü tozlar.
Dəstə-dəstə gəlir qızlar,
Gəlir, ey, sallana-sallana…
Nəqərat
Mehribanım, güloğlan,
Dur, oyna, çal, oyna!
Yaxşı oğlan, qəşəng qız, dur, oyna!
Gözəl oğlan, qəşəng qız, çal, oyna!
Dost bağında açılmış güllər,
Sarılıb gülə sarı bülbüllər, (Sarılmışdır gülə bülbül)
Qızlar düzmüş (sancmış) telinə güllər,
Gülürlər nazlana-nazlana. (Gəlir, ey, sallana-sallana.)
Dost bağında bitər alçalar,
Tez çiçəkləyər, yetər alçalar.
Toylarımızda belə qaydadır,
Oğlan oynar, qızlar əl çalar.
Qızlar oynar, oğlan əl çalar.

Rəşid Behbudovun ifasında:[redaktə | mənbəni redaktə et]

Dost bağında açılmış güllər,
Sarılıb gülə sarı bülbüllər,
Qızlar düzmüş telinə güllər,
Gülürlər nazlana-nazlana
Mehribanım, Mehriban,
Dur, oyna, çal, oyna!
Yaxşı oğlan, qəşəng qız, dur, oyna!
Gözəl oğlan, gözəl qız, çal, oyna!
Dost bağında bitər alçalar,
Ay çiçəkləyər, yetər alçalar.
Toylarımızda qayda belədir,
Oğlan oynar, qızlar əl çalar.
Qızlar oynar, oğlan əl çalar.
Mehribanım, Mehriban,
Dur, oyna, çal, oyna!
Yaxşı oğlan, qəşəng qız, dur, oyna!
Gözəl oğlan, gözəl qız, çal, oyna!

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. "Rəşid Behbudov Fenomeni". 2013-01-24 tarixində arxivləşdirilib. İstifadə tarixi: 2019-07-25.
  2. "Rəşid Behbudov Fenomeni (ardı)". 2013-01-24 tarixində arxivləşdirilib. İstifadə tarixi: 2019-07-25.
  3. "Muğam həyatımızın hissəsi deyil, o, bizim özümüzdür". 2019-07-25 tarixində arxivləşdirilib. İstifadə tarixi: 2019-07-25.