Çingiz Sadıqov

Vikipediya, açıq ensiklopediya
Jump to navigation Jump to search
Picto infobox music.png
Çingiz Sadıqov
Çingiz Hacı oğlu Sadıqov
Çingiz Hacı oğlu Sadıqov
Sənətçi məlumatları
Doğum tarixi5 aprel 1929(1929-04-05)
Doğum yeri Bakı, Azərbaycan SSR
Vəfat tarixi 30 dekabr 2017 (88 yaşında)
Vəfat yeri San-Fransisko, ABŞ

Mükafatları Xalq Artisti
"Şöhrət" ordeni

Çingiz Hacı oğlu Sadıqov (5 aprel 1929, Bakı, Azərbaycan SSR - 30 dekabr, 2017, San-Fransisko, ABŞ) — pianoçu, Azərbaycan SSR-in xalq artisti (1987),Bakı Musiqi Akademiyasının professoru(1991-1994)

Həyatı[redaktə | əsas redaktə]

Cingiz Sadıxov 1929-cu il aprelin 5-də Bakıda anadan olmuşdur.[1]

İlk təhsilini 1939-1946-cı illərdə Bakının Onillik musiqi məktəbinin istedadlı uşaqlar qrupunda almışdır. 1939-1946-cı illərdə Azərbaycan Dövlət Konservatoriyasının piano fakultəsində (X), 1951-1953-cu illərdə Moskva Dövlət Konservatoriyasının aspiranturasında təhsil almışdır.

1953-1971-ci illərdə Azərbaycan Dövlət Filarmoniyasının solisti və konsertmeysteri, 1971-1981-ci illərdə 16 saylı Bakı musiqi məktəbinin direktoru, 1981-1990-cı illərdə “Azkonsert” yaradıcılıq birliyinin bədii rəhbəri, 1973-1976-cı illərdə Yəmən Demokratik Respublikasında İncəsənət İnstitutunun təşkilatçısı və muəllimi, 1983-1986-cı illərdə mədəniyyət və turizm nazirinin məsləhətçisi, 1991-1994-cü illərdə Bakı Musiqi Akademiyasının professoru kimi fəaliyyət göstərmişdir.

Məşhur Azərbaycan muğənniləri Rəşid Behbudov, Bülbül, Müslüm Maqomayev, Lütfiyar İmanov, Fidan və Xuraman Qasımovalarla işləmiş, onları royalda müşayiət etmişdir.

1994-cu ildən ABŞ-da San-Fransisko şəhərində yaşayırdı. Amerikanın 40-a yaxın şəhərində konsertləri təşkil olunmuşdur.

Azərbaycanın tanınmış musiqicisini 80 illik yubileyi münasibətilə ABŞ Konqresinin keçmiş spikeri Nensi Pelozi Çingiz Sadıxova təbrik məktubu göndərmişdir.

Azərbaycanın görkəmli musiqiçisi, istedadlı pianoçu Çingiz Sadıxov 30 dekabr 2017-ci ildə Amerikada vəfat etmişdir.[2]

Təltifləri[redaktə | əsas redaktə]

1959-cu ildə Azərbaycanın “Əməkdar artisti”, 1987-ci ildə “Xalq artisti” fəxri adlarına layiq görülmüşdür.

2009-cu ildə oktyabrın 28-də Azərbaycan Respublikası Prezidentinin Sərəncamı ilə Azərbaycan musiqi sənətinin inkişafında xidmətlərinə görə “Şöhrət” ordeni ilə təltif edilmişdir.

Filmoqrafiya[redaktə | əsas redaktə]

  1. Onu bağışlamaq olarmı? (film, 1959)
  2. Gülağa Məmmədov (film, 2002)
  3. Çingiz Sadıqov (film, 2006)
  4. Memar (film, 2006)

İstinadlar[redaktə | əsas redaktə]

Xarici keçidlər[redaktə | əsas redaktə]