İlahə Qasımova

İlahə Qasımova
Şəxsi məlumatlar
Tam adı	İlahə İlqar qızı Qasımova
Vətəndaşlığı	Azərbaycan
Doğum tarixi	14 oktyabr 1992
Doğum yeri	Bakı, Azərbaycan
Təhsili	Azərbaycan Dövlət Bədən Tərbiyəsi və İdman Akademiyası
İdman növü	Karate (Kumite)
Medallar Avropa Oyunları Bürünc 2015 Bakı -55 kq. Avropa Çempionatı Qızıl 2016 Monpelye Komanda İslam Həmrəyliyi Oyunları Gümüş 2017 Bakı -55 kq. Dövlət təltifləri

İlahə Qasımova (d. 14 oktyabr 1992; Bakı, Azərbaycan) — Azərbaycanlı karateçi. İlahə Qasımova, 2015-ci ildə baş tutan I Avropa Oyunlarında bürünc medal, 2017-ci ildə baş tutan IV İslam Həmrəyliyi Oyunlarında isə gümüş medal qazanıb.

Həyatı

İlahə Qasımova 14 oktyabr 1992-ci ildə Bakı şəhərində anadan olub. O, ali təhsilini Azərbaycan Dövlət Bədən Tərbiyəsi və İdman Akademiyasında alıb.

Karyerası

İlahə Qasımovanın banneri (2017)

İlahə Qasımova, 2015-ci ildə Azərbaycan bayrağı altında I Avropa Oyunlarına qatıldı. -55 kiloqram çəki dərəcəsində çıxış edən İlahə Qasımova, bürünc medal uğrunda görüşdə, İspaniya nümayəndəsi Kristina Ferrer Qarsiyanı 5:2 hesabı ilə məğlub etdi və I Avropa Oyunlarının bürünc medalına sahib oldu.

Bu uğuruna görə İlahə Qasımova, Azərbaycan Prezidenti İlham Əliyevin Sərəncamına əsasən "Tərəqqi" medalı ilə təltif edildi.

İlahə Qasımova, 2017-ci ildə Azərbaycan bayrağı altında IV İslam Həmrəyliyi Oyunlarına qatıldı. -55 kiloqram çəki dərəcəsində çıxış edən İlahə Qasımova, finalda görüşündə, Misir nümayəndəsi Yassmin Attiaya 2:3 hesabı ilə məğlub oldu və IV İslam Həmrəyliyi Oyunlarının gümüş medalına sahib oldu.

Həmçinin bax

• Azərbaycan 2015 Avropa Oyunlarında
• Azərbaycan 2017 İslam Həmrəyliyi Oyunlarında