İmam Əli məscidi (Şəki)

Vikipediya, azad ensiklopediya
Jump to navigation Jump to search
Disambig.svg Bu məqalə Şəkidə yerləşən məscid haqqındadır. Digər məscidlər üçün İmam Əli məscidi (dəqiqləşdirmə) səhifəsinə baxın.
Emojione1 1F3DB.svg
İmam Əli məscidi
Imam Ali masjidi, Sheki, 3.JPG
41°12′05″ şm. e. 47°11′38″ ş. u.
Ölkə Azərbaycan Azərbaycan
Şəhər Şəki
Yerləşir F.x.Xoyski küçəsi
Aidiyyatı Qafqaz Müsəlmanları İdarəsi
Hündürlük 22 m
Uzunluğu 26 m
Eni 13 m
Sahəsi 660 m2
Minarələri 1 ədəd: 22 m
Vəziyyəti Yaxşı
Rəsmi adı: Historic Centre of Sheki with the Khan’s Palace
TipiMədəni
Kriteriyaii, v
Təyin edilib2019
İstinad nöm.1549
DövlətAzərbaycan
RegionAvropa
Commons-logo.svg Vikianbarda əlaqəli mediafayllar

İmam Əli məscidiŞəki şəhərində yerləşən və orta əsrlərə aid memarlıq abidəsi olan məscid.

Haqqında[redaktə | əsas redaktə]

İmam Əli məscidi (Şəki)

Məscid Şəki şəhərinin Gəncəli məhəliəsində tikilib. Tarixi dəqiq məlum deyil. Lakin yerli sakinlərin dediklerinə görə, məscid Nadir şahın hücumundan əvvəl də mövcud olmuşdur. Məscidin ibadət zalının sahəsi 26x13 metrdir. İbadət zalı ikinci mərtəbədə yerləşir. Birinci mərtəbədə isə yardımçı otaqlar var. Həyətyanı sahəsi isə 660 kv.metrdir.[1]

Formaca dördbucaqlı olan bu məscid bişmiş kərpic və mədən daşı ilə hörülmüşdür. Divarların qalınlığı 75 sm-dir. Damın örtüyü ağ dəmir təbəqə ilə işlənmişdir.[1]

Həzrət Əli məscidi ilkin vəziyyətini qoruyub saxlamışdır. Lakin minarəsi repressiya illərində dağıdılmışdır. 1997-ci ildə məscidin minarəsi və mehrabı yenidən tikilmişdir. Hazırkı minarənin hündürlüyü 22 metrdir. Minarə dəyirmi formada olub, bişmiş kərpiclə işlənmişdir.[1]

Sovetlər dövründə məsciddən məktəb, idman zalı kimi islifadə edilmişdir. 1994-cü ildə fəaliyyəti bərpa olunmuşdur.[1]

Həzrət Əli məscidi 1994-cü ildən etibarən İran İslam Respublikasının Bakıdakı Mədəniyyət Mərkəzi tərəfindən bərpa edilib. Bərpa zamanı məscidin ibadət zalı, eləcə də minarəsi yenidən tikilmişdir.[1]

Həzrət Əli məscidi məşhur mollaları ilə tanınmışdır. Onlardan biri Axund Əbdülcabbar Zeynalabdin oğlu Pişnamazzadə olmuşdur. O, təhsilini Nəcəfül-əşrəldə almış və "Misbahul-Hərəmeyn" kitabını yazmışdır. Onun qəbri məscidin ön tərəfindədir.[1]

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 "İmam Əli məscidi"(azərb.)). gomap.az. Arxivləşdirilib: [1] saytından 2015-06-18 tarixində. http://web.archive.org/web/20150618065233/http://gomap.az/info/getInfoAds.aspx?id=34. İstifadə tarixi: 2015-06-18.

Xarici keçidlər[redaktə | əsas redaktə]

Vikianbarda İmam Əli məscidi (Şəki) ilə əlaqəli mediafayllar var.

Həmçinin bax[redaktə | əsas redaktə]