İordaniya–Pakistan münasibətləri
| Pakistan—İordaniya münasibətləri | |||||
|---|---|---|---|---|---|
 | |||||
|
|||||
 Vikianbarda əlaqəli mediafayllar | |||||
Pakistan—İordaniya münasibətləri — Pakistan və İordaniya arasında iki tərəfli diplomatik münasibətlər. Hər iki ölkə Birləşmiş Millətlər Təşkilatının, İslam Əməkdaşlıq Təşkilatı Parlamentləri Birliyi, İslam Əməkdaşlıq Təşkilatının, UNESCOnun üzvüdürlər.
Tarix[redaktə | mənbəni redaktə et]
1970–80-ci illərdə inkişafı başlayan İordaniya-Pakistan əlaqələri, 1990-cı illərin ortalarından etibarən güclənməyə başlayır. 2001-ci ildə pakistanlı siyasətçilər Əmmana baş çəkir və burada genişmiqyaslı əməkdaşlıq qurma imkanlarını müzakirə edir. İordaniya Kralı II Abdullah İbn Hüseyn ölkələr arasında dərin, güclü və tarixi əlaqələrin inkişaf etdiyini söyləir. Üstəlik İordaniyanın Pakistanla əlaqələri gücləndirmək istəyini vurğulayır[1].
2 noyabr 2007-ci ildə İordaniya Kralı II Abdullah İbn Hüseyn İslamabadı ziyarət edir və burada Pakistan Prezidenti Pərviz Müşərrəflə danışıqlar aparır. Görüşdə Pərviz Müşərrəf və II Abdullah İbn Hüseyn, xüsusilə Orta Şərqdəki regional və beynəlxalq siyasi vəziyyət barədə fikir mübadiləsi aparır. Tərəflər ortaya çıxan məzhəb və etnik ayrılıqları da əhatə edən İraqdakı təhlükəsizlik vəziyyətindən və bu ölkədəki dini məkanlara tez-tez hücumlardan narahatlıqlarını ifadə edir[2].
Pərviz Müşərrəf ayrıca Kral II Abdullah ilə Pakistanın Cənubi Asiyada barışıq və sabitliyi təşviq etmək səyləri və ekstremizm, terrorizmə qarşı necə mübarizə apardığını müzakirə edir. İki lider İordaniya–Pakistan münasibətlərinin müxtəlif sahələrdə inkişafından, xüsusilə iqtisadi və ticarət seqmentlərində uğurla qurulan əməkdaşlıq səviyyəsindən məmnunluqlarını ifadə edir. Pakistan 1949-cu ildəki Ərəb-İsrail müharibəsinin sonunda əlində qalan Yəhudaya və Samariya əraziləri üzərində İordaniyanın suverenliyini tanıyan yeganə ölkə olur. 1950-ci illərdə Səudiyyə Ərəbistanı, İordaniya və İraq kimi qərbyönümlü sayılan ərəb ölkələri pakistanlılara üstünlük verirdiyi halda, neytral sayılan ərəb ölkələri (Suriya və Misir kimi) isə tez-tez Hindistan tərəfdarı meyllər göstərirdilər.
Mədəni və coğrafi-siyasət[redaktə | mənbəni redaktə et]
Pakistan və İordaniya əksəriyyətinə görə müsəlman ölkələrdir və İslam Əməkdaşlıq Təşkilatının (İƏT) üzvüdürlər.
Ticarət və investisiya[redaktə | mənbəni redaktə et]
2004 və 2005-ci illərə görə ölkələr arasındakı ticarət həcmi 53.837 milyon dollar təşkil edir. Pakistanın ixracatı 21.013 milyon dollar, İordaniyadan idxal isə 32.806 milyon dollar səviyyəsində olur. Bir çox iordaniyalı siyasətçilər pakistanlı investorları İordaniyanın enerji sektorlarındakı imkanları araşdırmağa dəvət edir. 2006-cı ilin iyun ayında Pakistan-İordaniya Birgə Nazirlər Komissiyasının 8-ci iclasının Sərbəst Ticarət Sazişi, İnvestisiyaların Qorunması və Təşviqi üçün danışıqlar prosesinə başlaması planlaşdırılır. Sessiya zamanı kənd təsərrüfatı, elm və texnologiya sahələrində, habelə digər sahələrdə əməkdaşlığın ümumi həcmi ilə bağlı məsələlər müzakirə edilir[3].
Diplomatik nümayəndəliklər[redaktə | mənbəni redaktə et]
İordaniyanın İslamabadda bir səfirliyi var.
Pakistanın Əmmanda səfirliyi vardır.
İstinadlar[redaktə | mənbəni redaktə et]
- ↑ "EMBASSY OF JORDAN IN ISLAMABAD, PAKISTA". 2013-05-28 tarixində arxivləşdirilib. İstifadə tarixi: 2020-11-23.
- ↑ "Archived copy". 2011-06-07 tarixində orijinalından arxivləşdirilib. İstifadə tarixi: 2009-04-07.
- ↑ "Pakistan, Jordan set FTA talks guidelines | bilaterals.org". 2012-02-21 tarixində arxivləşdirilib. İstifadə tarixi: 2020-11-23.