Pərviz Müşərrəf

Pərviz Müşərrəf
Pərviz Müşərrəf
	urdu پرویز مشرف
Doğum tarixi	11 avqust 1943 (78 yaş)
Doğum yeri	Hindistan Dehli
Vətəndaşlığı	Pakistan; Britaniya Hindistanı;
Fəaliyyəti	siyasətçi, maliyyəçi[d], hərbi qulluqçu
Saytı	generalpervezmusharraf.com
	Vikianbarda əlaqəli mediafayllar

Pərviz Müşərrəf (11 avqust 1943^[1]^[2], Dehli, Britaniya Hindistanı, Britaniya İmperiyası)— Pakistanın 12-ci prezidenti (20 iyun 2001 — 18 avqust 2008).

Həyatı[redaktə | mənbəni redaktə et]

1943-ci il avqust ayının 11-də Britaniya Hindistanının Dehli şəhərində dünyaya gəlib. Müşərrəfin ailəsi Pakistanın yaradılmasından sonra Hindistanı tərk etmişdi. Ancaq uşaqlığının əhəmiyyətli bir hissəsi atasının dövlət qulluğu ilə əlaqədar Ankarada keçmişdir. 1961-ci ildə Pakistan Hərbi Akademiyasına daxil olub. Daha sonra təhsilini Pakistan Milli Müdafiə Kollecində davam etdirib. Bunun ardınca İngiltərə Kral Müdafiə Elmi Kollecini bitirib.

Müşərrəfin hərbi karyerasının başlanğıcı 1964-cü ilə təsadüf edir. Bu müddət ərzində o, Böyük Britaniyada hərbi təhsilə yiyələndi. Benazir Bhutto baş nazir olarkən Müşərrəf hərbi əməliyyatlardan məsul komandir, 1998-ci ildə ordu komandiri oldu. Kəşmir problemi Pakistanın Hindistan ilə 3 dəfə müharibə etməsinə səbəb oldu.

Müşərrəf 1999-cu ildə Kəşmir məsələsinə dair Hindistan ilə yaşanan böhran zamanı keçirilən mətbuat konfransları ilə tanınan sima oldu. Ancaq Kəşmirdəki müqavimətçilərin geri çəkilməsinə dair təlimatından sonra o dövrün baş naziri Nəvaz Şərif ilə fikir ayrılığına düşdülər.

1999-cu ildə Müşərrəf ölkədə çevriliş edərək hakimiyyəti ələ keçirdi. 2001-ci ilin iyun ayının 20-dən etibarən Pakistan prezidenti kreslosuna yiyələnən Pərviz Müşərrəf bir müddət Pakistanın Türkiyədəki səfirliyində də çalışmışdı. General P.Müşərrəfin bu çevriliş beynəlxalq ictimaiyyətin etirazına səbəb olmaqla yanaşı, Pakistanın BMT-nin üzvlüyü məsələsinin təxirə salınması ilə nəticələnmişdi.

Beynəlxalq ictimaiyyət tərəfindən Müşərrəfə göstərilən təzyiqlər ABŞ-da baş verən 2001-ci il 11 sentyabr hadisələri, daha sonra Əfqanıstanda həyata keçirilən əməliyyatlara dəstək verməsiylə yumşaldı və Müşərrəf hakimiyyəti beynəlxalq ictimaiyyət tərəfindən qəbul edilməyə başlandı.

2002-ci ilin aprelində ölkədə keçirilən referendumun nəticələri Müşərrəfə daha 5 il müddətinə iqtidarda qalma hüququ verdi.

Seçilmiş bir məclisi buraxma səlahiyyəti əldə edən Müşərrəf 2002-ci ilin oktyabr ayında ümumi seçkilər keçirməklə hərbi rəhbərliyi sivil idarəçiliklə əvəzləyəcəyini elan etdi. Seçkilərdə Müşərrəfə yaxın olan Mir Zəfərullah Cəmali qələbə qazandı və ölkənin baş naziri oldu.

P.Müşərrəf 2008-ci ildə prezident vəzifəsindən istefa verib.