Pərviz Müşərrəf

Pərviz Müşərrəf
Pərviz Müşərrəf
	urdu پرویز مشرف
Pakistan Prezidenti
	20 iyun 2001 – 18 avqust 2008
Əvvəlki	Məhəmməd Rafiq Tarar
Sonrakı	Məhəmməd Mian Samro
Pakistanın Baş naziri
	12 oktyabr 1999 – 21 noyabr 2002
Əvvəlki	Nəvaz Şərif
Sonrakı	Zəfərulla Xan Camali[d]
Pakistanın müdafiə naziri
	12 oktyabr 1999 – 23 oktyabr 2002
Əvvəlki	Nəvaz Şərif
Şəxsi məlumatlar
Doğum tarixi	11 avqust 1943
Doğum yeri	Dehli, Britaniya Hindistanı, Britaniya imperiyası;
Vəfat tarixi	5 fevral 2023 (79 yaşında)
Partiya	Pakistan Müsəlman Liqası (Q) (–2010);
Fəaliyyəti	siyasətçi, maliyyəçi, hərbi qulluqçu
Dini	İslam
Hərbi xidmət
Qoşun növü	Pakistan Quru Qoşunları
Döyüşlər	İkinci Hindistan-Pakistan müharibəsi,; Üçüncü Hindistan-Pakistan müharibəsi,; Pakistandakı dövlət çevrilişi (1999),; Əfqanıstan vətəndaş müharibəsi (1996-2001),; Kargil müharibəsi;
Rütbəsi	general;
Təltifləri
	generalpervezmusharraf.com
	Vikianbarda əlaqəli mediafayllar

Pərviz Müşərrəf (11 avqust 1943^[1]^[2], Dehli, Britaniya Hindistanı, Britaniya imperiyası – 5 fevral 2023^[3]) — Pakistanın 10-cu prezidenti (20 iyun 2001 – 18 avqust 2008). O, həmçinin 1998-2001-ci illərdə Birləşmiş Qərargah Rəisləri Komitəsinin 10-cu sədri və 1998-2007-ci illərdə Ordunun 7-ci Qərargah rəisi vəzifələrində çalışıb.

Həyatı

Pərviz Müşərrəf 1943-cü il avqust ayının 11-də Britaniya Hindistanının Dehli şəhərində dünyaya gəlib. Müşərrəfin ailəsi Pakistanın yaradılmasından sonra Hindistanı tərk etmişdi. Ancaq uşaqlığının əhəmiyyətli bir hissəsi atasının dövlət qulluğu ilə əlaqədar Ankarada keçmişdir. 1961-ci ildə Pakistan Hərbi Akademiyasına daxil olub. Daha sonra təhsilini Pakistan Milli Müdafiə Kollecində davam etdirib. Bunun ardınca İngiltərə Kral Müdafiə Elmi Kollecini bitirib.

Müşərrəfin hərbi karyerasının başlanğıcı 1964-cü ilə təsadüf edir. Bu müddət ərzində o, Böyük Britaniyada hərbi təhsilə yiyələndi. Benazir Bhutto baş nazir olarkən Müşərrəf hərbi əməliyyatlardan məsul komandir, 1998-ci ildə ordu komandiri oldu. Kəşmir problemi Pakistanın Hindistan ilə 3 dəfə müharibə etməsinə səbəb oldu.

Müşərrəf 1999-cu ildə Kəşmir məsələsinə dair Hindistan ilə yaşanan böhran zamanı keçirilən mətbuat konfransları ilə tanınan sima oldu. Ancaq Kəşmirdəki müqavimətçilərin geri çəkilməsinə dair təlimatından sonra o dövrün baş naziri Nəvaz Şərif ilə fikir ayrılığına düşdülər.

1999-cu ildə Müşərrəf ölkədə çevriliş edərək hakimiyyəti ələ keçirdi. 2001-ci ilin iyun ayının 20-dən etibarən Pakistan prezidenti kreslosuna yiyələnən Pərviz Müşərrəf bir müddət Pakistanın Türkiyədəki səfirliyində də çalışmışdı. General P. Müşərrəfin bu çevriliş beynəlxalq ictimaiyyətin etirazına səbəb olmaqla yanaşı, Pakistanın BMT-nin üzvlüyü məsələsinin təxirə salınması ilə nəticələnmişdi.

Beynəlxalq ictimaiyyət tərəfindən Müşərrəfə göstərilən təzyiqlər ABŞ-də baş verən 2001-ci il 11 sentyabr hadisələri, daha sonra Əfqanıstanda həyata keçirilən əməliyyatlara dəstək verməsiylə yumşaldı və Müşərrəf hakimiyyəti beynəlxalq ictimaiyyət tərəfindən qəbul edilməyə başlandı.

2002-ci ilin aprelində ölkədə keçirilən referendumun nəticələri Müşərrəfə daha 5 il müddətinə iqtidarda qalma hüququ verdi.

Seçilmiş bir məclisi buraxma səlahiyyəti əldə edən Müşərrəf 2002-ci ilin oktyabr ayında ümumi seçkilər keçirməklə hərbi rəhbərliyi sivil idarəçiliklə əvəzləyəcəyini elan etdi. Seçkilərdə Müşərrəfə yaxın olan Mir Zəfərullah Cəmali qələbə qazandı və ölkənin baş naziri oldu.

P. Müşərrəf 2008-ci ildə prezident vəzifəsindən istefa verib.

İstinadlar

1 2 Pervez Musharraf // Brockhaus Enzyklopädie (alm.). F.A. Brockhaus, 1796.
1 2 Pervez Musharraf // Munzinger Personen (alm.).
1 2 وفاة رئيس باكستان السابق برويز مشرف بعد معاناة طويلة مع المرض.

Xarici keçidlər

Həyatının olduğu vebsayt Arxivləşdirilib 2008-06-02 at the Wayback Machine
Siyasi həyatı

[_f8657893c88f4b09-1] 1 2 Pervez Musharraf // Brockhaus Enzyklopädie (alm.). F.A. Brockhaus, 1796.

[_7cb97a272be72768-2] 1 2 Pervez Musharraf // Munzinger Personen (alm.).

[_d3eae6bbaa7c6d1d-3] 1 2 وفاة رئيس باكستان السابق برويز مشرف بعد معاناة طويلة مع المرض.

[1]

[2]

[3]