Şahmərdan Cəfərov

Vikipediya, azad ensiklopediya
Jump to navigation Jump to search
Şahmərdan Cəfərov
Şahmərdan Cəfərov.png
Doğum tarixi 12 avqust 1958(1958-08-12)
Doğum yeri Azərbaycan Azərbaycan SSR, Şərur rayonu
Vəfat tarixi 29 iyun 1995 (36 yaşında)
Vəfat yeri Azərbaycan Azərbaycan, Bakı şəhəri
Vəfat səbəbi qətlə yetirilib
Dəfn yeri Naxçıvan
Milliyyəti azərbaycanlı
Fəaliyyəti Azərbaycan Respublikası Dövlət Sərhəd Xidməti, Naxçıvan Sərhəd Dəstəsinin komandanı (1992-1994)

Şahmərdan CəfərovAzərbaycan Respublikasının Milli Məclisin deputatı (1990-1995), Azərbaycan Respublikası Sərhəd Qoşunları İdarəsi 1 saylı Naxçıvan Sərhəd Dəstəsinin komandanı (1992-1994).

Şahmərdan Məhəmməd oğlu Cəfərov 1958-ci il avqustun 12-də Naxçıvan Muxtar Respublikasının Şərur rayonunun Məmmədsabir kəndində doğulub. 1975-1977-ci illərdə Rusiyanın Kaluqa şəhərində hərbi xidmətdə olub. Hərbi xidməti bitirəndən sonra Kaluqa şəhərində orta ixtisaslı hüquq məktəbini bitirib.

1988-ci ilə qədər Rusiyada milis sıralarında çalışıb. 1988-ci ildə Azərbaycana qayıdıb.

1988-ci ildə Şərur özünümüdafiə batalyonunun komandiri, 1992-ci ildə Qıvraq polkunun komandiri, 1992-ci ildən 1994-cü ilə qədər Azərbaycan Respublikası Sərhəd Qoşunları İdarəsi 1 saylı Naxçıvan Sərhəd Dəstəsinin komandanı vəzifəsində çalışıb.

O, 1990-cı ildə Şərur rayonundan parlamentə üzv seçilib.

17 oktyabr 1991-ci ildə Azərbaycanın müstəqillik aktına səs verən 43 deputatdan biridir.

1995-ci il mayın 30-da isə deputat səlahiyyətləri əlindən alınıb və həbsinə sanksiya verilib.

Bundan təqribən 3 həftə sonra, iyunun 17-si Kələkidən - eks-prezident Əbülfəz Elçibəyin yanından qayıdarkən yolda güllələnib.

İstintaq materiallarına görə beş güllə yarası alıb.

İyunun 26-da Bakıya - Şüvəlandakı istitaq təcridxanasına köçürülüb, iyunun 29-da isə dustsqlar üçün nəzərdə tutulan hospitalda vəfat edib.

İstinadlar[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]