Şorabad (Xızı)

Vikipediya, azad ensiklopediya
Jump to navigation Jump to search
Şorabad
Şuraabad (Xızı).jpg
40°49′08″ şm. e. 49°28′19″ ş. u.
Ölkə Azərbaycan Azərbaycan
Rayon [[Xızı rayonu]]
Tarixi və coğrafiyası
Saat qurşağı
Xəritəni göstər/gizlə
Şorabad xəritədə
Şorabad
Şorabad

Şorabad (sovet dövründə qoyulmuş adları - Sovetabad, Şurakənd, Şuraabad) — tarixən Azərbaycanın Xızı rayonunun kəndlərindən biri olmuşdur. 1935-1950-ci illərdə kənddə 35-40 evin olduğu yaşlı sakinlər tərəfindən söylənilir. Lakin İkinci dünya müharibəsi illərindən sonra kəndin əhalisi azalmışdır.

Dağətəyi ərazidə yerləşir, ən yaxın kəndlərdən biri Qarabulaq kəndidir ki, hal-hazırda da orada məskunlaşma var. Şorabadda isə hal-hazırda yaşayış yoxdur.

12 iyun 2018-ci il Azərbaycan Respublikasının bəzi ərazi vahidlərinin adlarının dəyişdirilməsi haqqında qanuna əsasən kəndin keçmiş adı Şuraabad dəyişdirilərək Şorabad adı verilib[1]

Kəndin keçmiş adları olan Şurakənd və Şuraabad adları sovet dövründə qoyulmuşdular. Onların kökündəki "şura" sözü ruscadakı "sovet" sözünün azərbaycancadakı köhnə adıdır.

Tarixi[redaktə | əsas redaktə]

Bu qəsəbənin əsl adı Şorabad olmuşdur. XIX əsrə aid mənbələrdə yaşayış məntəqəsi Şorabad kimi qeydə alınmışdır. Sovet hakimiyyəti illərində adı Şuraabad (Sovet kəndi) kimi rəsmiləşdirilmişdir.[2]

Şurabad qəsəbəsi qədim tarixə malikdir. Tarixçilərin və yaşlı əhalinin dediyinə görə Şurabad qəsəbəsinin tarixi XII əsrlərə gedib çıxır. Qəsəbədə 5 yerdə qədim qəbirstanlıqlar mövcuddur. Bu məzarlıqlarda bir çox sərdabələr, daş kitabələr müasir dövrə qədər gəlib çatmışdır. Bundan başqa, qəsəbədə XVII əsrə aid qədim hamam, Şah Abbas dövrünə aid Ovdan və Karvansara, Şurabad Cümə məscidi var. Çox təəssüflər olsun ki, Karvansara sökülüb daşlarından köhnə məktəb binası tikilib və bu günkü dövrə gəlib çatmamışdır.

Qəsəbənin bir çox adları olmuşdur. XIV-XV əsrlərdə qəsəbə Qılızı, XIX əsrin axırıdan 1925-ci ilə qədər Mikayılabad, 1930-cu ilə qədər Sovetabad, 1930-cu ildən sonra isə Şurabad adını daşıyır.

Qəsəbə müəyyən illər ərzində müxtəlif şəhər və rayonların tabeliyində olub (Altıağac, Binəqədi, Sumqayıt, Abşeron). 1991-ci ildən Xızı rayonunun tabeliyindədir.

Coğrafiyası və iqlimi[redaktə | əsas redaktə]

Şuraabad qəsəbəsi Xəzər dənizinin sahilində yerləşir.

İqtisadiyyatı[redaktə | əsas redaktə]

Əhalisi əsasən balıqçılıqla məşğuldur.

Şəkilləri[redaktə | əsas redaktə]

İstinadlar[redaktə | əsas redaktə]

  1. "Azərbaycan Respublikasının Ağsu, Astara, Goranboy, Göygöl, Xaçmaz, Xızı, Qazax, Quba, Qusar, Masallı, Oğuz, Saatlı, Samux, Şəmkir və Yevlax rayonlarının bəzi ərazi vahidlərinin adlarının dəyişdirilməsi haqqında Azərbaycan Respublikasının 12 iyun 2018-ci il tarixli, 1190-VQ nömrəli Qanunu" (azərb.). e-qanun.az. 2018-06-12. 2020-04-16 tarixində orijinalından arxivləşdirilib. İstifadə tarixi: 2020-04-16.
  2. Azərbaycan toponimlərinin ensklopedik lüğəti. 2 cilddə. Bakı-2007. II cild, səh.224.