Şulduz Tarverdiyev

Vikipediya, azad ensiklopediya
Jump to navigation Jump to search
Tarverdiyev Şulduz
Doğum tarixi 1938(1938-Şablondakı doğum və ya ölüm tarixində texniki yanlışlıq var!-{{{3}}})
Doğum yeri Güllütəpə, Masallı rayonu
Vəfat tarixi 27 oktyabr 1997 (59 yaşında)
Vəfat yeri Güllütəpə
Vətəndaşlığı Azərbaycan SSR və Azərbaycan Respublikası
Milliyyəti Azerbaycanlı
Həyat yoldaşı Şahsənəm
Uşaqları 3 oğlan, 5 qız
İxtisası Filoloq
Fəaliyyəti Müəllim, Şair,
Əsərlərinin dili Azərbaycan,
İstiqamət Romantizm
Janr Şeir, poema, qəzəl
Mükafatları “Qabaqcıl Maarif Xadimi”

Tarverdiyev Şulduz Ataş oğlu - Azərbaycanlı yazıçı, müəllim.

Həyatı[redaktə | əsas redaktə]

1938-ci ildə Azərbaycan SSR Masallı rayonunun Güllütəpə kəndində əkinçi ailəsində anadan olub. Atası, Baxşıyev Ataş Tarverdi oğlu, 1905-ci ildə Ərkivan qəzasının Güllütəpə kəndində doğulmuş, Böyük Oktyabr inqilabından sonra əkinçi olmuşdur. 1936-cı ildə kolxoza daxil olmuş, sıravi üzv işləmiş, müharibə başlayanda Qızıl Ordu sıralarına qatılmışdır. 1942-ci ildə tərxis olunmuş və həmin ildə də vəfat etmişdir. Anası Baxşıyeva Xədicə Kazım qızı, 1914-cü ildə doğulmuşdur. Həyat yoldaşı ilə birlikdə kolxoza daxil olmuş və sıravi üzv işləmişdir. Daha sonra S.Vurğun adına sovxozda fəhlə işləyib. 1982-ci ildə dünyasını dəyişmişdir.


Şulduz Tanrıverdiyev 1945-ci ilin sentyabrında Güllütəpə kəndində açılmış ibtidai məktəbə daxil olmuş və 1949-cu ilin mayında həmin məktəbin dördüncü sinfini bitirib. 1949-cu ilin sentyabrında Böyük Xocavar kənd yeddiillik məktəbinin beşinci sinfinə daxil olmuş, 1952-ci ilin mayında həmin məktəbin yeddinci sinfini bitirib. 1952-ci ilin sentyabrında Lənkəran şəhərindəki pedaqoji texnikuma daxil olmuş, həmin texnikumu 1956-cı ilin iyun ayında bitirərək, ibtidai məktəb müəllimi ixtisasına yiyələnmişdir. 1956-1957-ci illərdə Zuvand kənd yeddiillik məktəbində müəllim işləyib.

1957-ci ilin noyabrından, 1960-cı ilin noyabrınadək Sovet ordusu sıralarındakı 668-02 №-li hərbi hissədə əskər-şofer olub. 1960-cı ilin noyabrından, 1961-ci ilin yanvarınadək Seybətin kənd yeddiillik məktəbində müəllim işləmişdir. 1961-ci ilin yanvarından 1970-ci ilə kimi Güllütəpə kənd səkkizillik məktəbində müəllim işləmişdir. 1957-ci ilin iyun ayında S.M.Kirov adına ADU-nun qiyabi filologiya fakültəsinə daxil olub. 1951-ci ildən ÜİLKGİ (Ümumittifaq Lenin kommunist gənclər ittifaqı) üzvü olub.

1964-cü ilin mayından Sov.İKP üzv namizədi olmuşdur. 1970-1975-ci illərdə Güllütəpə kənd orta məktəbində Direktor müavini vəzifəsində çalışmışdır. 1975-1997-ci illərdə isə Güllütəpə kənd orta məktəbində Direktor vəzifəsində çalışmışdır. 1972-1982-ci illərdə Kənd Xalq deputatları sovetinə deputat seçilmişdir. 1964-cü ildə ailə həyatı qurub və 8 övladı var (5 qız, 3 oğlan).

Yaradıcılığı[redaktə | əsas redaktə]

Azərbaycan dili və Ədəbiyyat üzrə ixtisaslaşdığı üçün bir çox şeirlər miras qoymuşdur. Əsas şeirlərini 1955-1965-ci illərdə yazmışdır. Şeirlərinin üslubu asan, axıcı olması ilə seçilir. Şeirləri bir sıra rayon və region qəzetlərində dəfələrlə çap olunub.

• 07.01.1959-cu ildə “Yeni həyat” qəzetində “Keşikdə” şeiri çap edilmişdir.

• 25.10.1959-cu ildə “Yeni həyat” qəzetində “Olaydı” şeiri çap edilmişdir.

• 02.03.1960-cı ildə “Yeni həyat” qəzetində “Dilimdə mənim” şeiri çap edilmişdir.

• 20.11.1960-cı ildə “Yeni həyat” qəzetində “Doğma kəndim” şeiri çap edilmişdir.

• 20.07.1971-ci ildə “Çağırış” qəzetində “Yoxlama göstərdi ki” məqaləsi çap edilmişdir.

• 21.09.1971-ci ildə “Çağırış” qəzetində “C.Cabbarlı və qadın azadlığı” haqqında məqaləsi çap edilmişdir.

• 27.01.1972-ci ildə “Çağırış” qəzetində kolleqası Aydın Əliquluyevin Şulduz Tarverdiyev haqqında “Şulduz müəllim” məqaləsi çap edilmişdir.

• 16.01.1959-cu ildə “Kolxoz tribunası” qəzetində “Mən öpürəm bu torpağı” şeiri çap edilmişdir.

• 17.03.1959-cu ildə “Kolxoz tribunası” qəzetində “Talış gözəli” şeiri çap edilmişdir.

• 10.11.1959-cu ildə “Kolxoz tribunası” qəzetində “Talış” şeiri çap edilmişdir.

• 26.02.1960-cı ildə “Kolxoz tribunası” qəzetində “Bəlkə də yazacaq”, “Dilimdə mənim” şeirləri çap edilmişdir.

• 12.09.1962-ci ildə “Leninçi” qəzetində “Bütün qüvvələrin səfərbərliyi” məqaləsi çap edilmişdir.

• 24.09.1962-ci ildə “Leninçi” qəzetində “Şahsevən düzlərində” məqaləsi çap edilmişdir.

• 23.12.1956-cı ildə “Gəncliyin səsi” qəzetində “Bənövşə” şeiri çap edilmişdir.

• 11.12.1957-ci il “Gəncliyin səsi” qəzetində “Belələri də var” şeiri çap edilmişdir.

• 1971-ci ilin Aprel ayında Masallı rayon xalq maarif şöbəsinin bülletenində “Ədəbiyyat nəzəriyyəsi materiallarının tədrisi” ilə bağlı çıxışları olmuşdur.

• 12.05.1972-ci ildə “Azərbaycan müəllimi” qəzetində “Öyrənək, Öyrədək, Təbliğ edək” adlı məqaləsi çap edilmişdir.

• 2 Dekabr 1982-ci ildə “Qabaqcıl Maarif Xadimi” nişanı ilə təltif edilib.

Əsərləri[redaktə | əsas redaktə]

2011-ci ildə Masallıda çıxan “Masallının söz çələngi” kitabında Tarverdiyev Şulduzun “Ola”, “Sənə”, “Ola bilməz”, “Lalə” şeirləri çap edilmişdir.

21.10.2015-ci ildə qızı Sevda və nəvəsi Ülvinin səyi nəticəsində bütün əlyazmaları yığılaraq üzü köçürülümüş və kitab şəklində çap edilmişdir.

Ümumilikdə götürdükdə Şulduz müəllimin şeirlərini üç kateqoriyaya bölmək olar:

1. Məhəbbət şeirləri: “Olaydı”, “Ürəyim”, “Atəşinə yanıram”, “Nakam məhəbbət”, “Cavabsız sevgi”, “Gözəlim”, “Qurban olduğum”, “Sarıbəniz”, “Baxışlar”, “O gözlərdə”, “Gizli sevgi”, “Unuda bilmirəm” və.s.

2. Təbiətə aid şeirlər: “Ceyran”, “Bənövşə”, “Lalə”, “Dağlar”, “De yolun düşdümü bizim dağlara?”, “Bulağın həsrəti”, “Suyundan içəndə” və.s.

3. Vətən sevgisinə aid şeirlər: “Doğma kəndimiz”, “Suyundan içəndə”, “Keşikdə”, “Mən öpürəm bu torpağı”, “Vətən”, “Torpağa baş əy”, “Sevin, ey insanlar, sevin torpağı”, “Torpağı sev” və.s.

Şulduz müəllimin şeirlərdən əlavə “Nailə”, “Ceyran”, “Şahsevən düzlərində” və.s müxtəlif mövzulu məqalələri də var.

Vəfatı[redaktə | əsas redaktə]

Tarverdiyev Şulduz 27 Oktyabr 1997-ci ildə doğma kəndi Güllütəpədə vəfat etmişdir.