Əbdüləziz Buteflika

Əbdüləziz Buteflika
ərəb. عبد العزيز بوتفليقة‎‎
Doğum tarixi	2 mart 1937(1937-03-02) (82 yaş)
Doğum yeri	Ucda[d], Mərakeş
Vətəndaşlıq	Əlcəzair
Peşəsi	siyasətçi, diplomat
Təhsili	Əlcəzair Universiteti[d]
abdelaziz-bouteflika.com​ (fr.)
Əbdüləziz Buteflika Vikianbarda

Əbdüləziz Buteflika (d. 2 mart 1937(1937-03-02), Ucda^[d], Mərakeş) – Əlcəzair siyasi və dövlət xadimi, 28 aprel 1999-cu ildən Əlcəzair prezidenti.

Həyatı

1956-cı ildən Əlcəzair Milli Azadlıq Cəbhəsinin (1964–81 və 1989-cu il-dən onun Mərkəzi komitəsinin üzvü) fəal iştirakçısı idi. Müstəqil Əlcəzairin ilk hökumətində turizm və idman naziri, (1962–63), xarici işlər naziri (1963–79), Əlcəzair prezidenti H. Bumedyenin ardıcıl tərəfdarı, BMT Baş Assambleyası sessiyasının sədri (1974–75) olmuşdur.

Qoşulmamaq hərəkatında Asiya və Afrikanın ən radikal əhvali-ruhiyyəli xadimlərindən biri kimi nüfuza malik olan Buteflika sənaye cəhətdən inkişaf etmiş dövlətlər və “üçüncü dünya” ölkələri arasında iqtisadi əlaqələrin yenidən qurulmasının tərəfdarı idi. 1980-ci ildə siyasi fəaliyyətdən uzaqlaşmış və ona qarşı irəli sürülən korrupsiya ittihamları ilə əlaqədar olaraq mühacirət etmişdir (BƏƏ, Fransa və İsveçrədə yaşamışdır). Əlcəzairə qayıtdıqdan (1989) sonra bəraət almışdır.

Fəaliyyəti

1994-cü ildə vətəndaş müharibəsinin qızğın vaxtında hərbi dairələrin seçkilərə getmədən dövlətə başçılıq etmək təklifini rədd etmişdir. 1999-cu ilin aprel ayında Əlcəzair prezidenti seçilmişdir. Əlcəzairdə vətəndaş müharibəsinin faktiki dayandırılmasına nail olmuşdur. 2004-cü ilin aprelində yenidən prezident seçilmişdir.

2009-cu ilin sentyabrında keçirilən prezident seçkilərində seçicilərin 90,2%-inin səsini toplayaraq növbəti 5 il müddətinə Əlcəzairin prezidenti olmuşdur. 2014-cü ilin fevralında yenidən namizədliyini irəli sürmüş və aprel ayında keçirilən seçkilər də ilk turda 81,5% səs toplayaraq dördüncü dəfə prezident seçilmişdir.  

Mənbə

• Buteflika // Azərbaycan Milli Ensiklopediyası (25 cilddə). — V cild. Bakı, 2009. — Səh.: 130-131.