Əbdüləziz Buteflika

Əbdüləziz Buteflika
Əbdüləziz Buteflika
	ərəb. عبد العزيز بوتفليقة‎
Əlzəcair Prezidenti
	27 aprel 1999 – 2 aprel 2019
Əlcəzairin xarici işlər naziri
	4 sentyabr 1963 – 8 mart 1979
Şəxsi məlumatlar
Doğum tarixi	2 mart 1937[…]
Doğum yeri	Ucda, Mərakeşdəki Fransa protektoratı[d];
Vəfat tarixi	17 sentyabr 2021 (84 yaşında)
Vəfat yeri	Zeralda[d], Əlcəzair vilayəti[d], Əlcəzair;
Vəfat səbəbi	ürək dayanması[d]
Dəfn yeri	Əl-Aliyə qəbiristanlığı[d];
Partiya	Milli Qurtuluş Cəbhəsi;
Təhsili	Əlcəzair Universiteti;
Fəaliyyəti	siyasətçi, diplomat, inqilabçı
Dini	İslam, sufilik
Elmi fəaliyyəti
Elm sahəsi	siyasət
Təltifləri
	Vikianbarda əlaqəli mediafayllar

Əbdüləziz Buteflika (2 mart 1937^[1]^[2]^[…], Ucda – 17 sentyabr 2021, Zeralda^[d], Əlcəzair vilayəti^[d]) – Əlcəzair siyasi və dövlət xadimi, Əlcəzair prezidenti (28 aprel 1999 – 2 aprel 2019).

Həyatı

1956-cı ildən Əlcəzair Milli Azadlıq Cəbhəsinin (1964–1981 və 1989-cu il-dən onun Mərkəzi komitəsinin üzvü) fəal iştirakçısı idi. Müstəqil Əlcəzairin ilk hökumətində turizm və idman naziri, (1962–1963), xarici işlər naziri (1963–79), Əlcəzair prezidenti H. Bumedyenin ardıcıl tərəfdarı, BMT Baş Assambleyası sessiyasının sədri (1974–1975) olmuşdur.Qoşulmamaq hərəkatında Asiya və Afrikanın ən radikal əhvali-ruhiyyəli xadimlərindən biri kimi nüfuza malik olan Buteflika sənaye cəhətdən inkişaf etmiş dövlətlər və "üçüncü dünya" ölkələri arasında iqtisadi əlaqələrin yenidən qurulmasının tərəfdarı idi. 1980-ci ildə siyasi fəaliyyətdən uzaqlaşmış və ona qarşı irəli sürülən korrupsiya ittihamları ilə əlaqədar olaraq mühacirət etmişdir (BƏƏ, Fransa və İsveçrədə yaşamışdır). Əlcəzairə qayıtdıqdan (1989) sonra bəraət almışdır.

Fəaliyyəti

1994-cü ildə vətəndaş müharibəsinin qızğın vaxtında hərbi dairələrin seçkilərə getmədən dövlətə başçılıq etmək təklifini rədd etmişdir. 1999-cu ilin aprel ayında Əlcəzair prezidenti seçilmişdir. Əlcəzairdə vətəndaş müharibəsinin faktiki dayandırılmasına nail olmuşdur. 2004-cü ilin aprelində yenidən prezident seçilmişdir.2009-cu ilin sentyabrında keçirilən prezident seçkilərində seçicilərin 90,2%-inin səsini toplayaraq növbəti 5 il müddətinə Əlcəzairin prezidenti olmuşdur. 2014-cü ilin fevralında yenidən namizədliyini irəli sürmüş və aprel ayında keçirilən seçkilər də ilk turda 81,5% səs toplayaraq dördüncü dəfə prezident seçilmişdir.

İstinadlar

1 2 Abdelaziz Bouteflika (ing.). // Encyclopædia Britannica. (İstifadə tarixi: 9 oktyabr 2017).
1 2 Abd al-Asis Bouteflika (alm.). // Brockhaus Enzyklopädie. F.A. Brockhaus. (İstifadə tarixi: 9 oktyabr 2017).
↑ Algeria's former President Bouteflika dies at 84 (ing.). Reuters.

Mənbə

Buteflika // Azərbaycan Milli Ensiklopediyası (25 cilddə). 5-ci cild: Brüssel – Çimli-podzol torpaqlar (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2014. səh. 130–131. ISBN 978-9952-441-10-9.

[_83cf9081da40a525-1] 1 2 Abdelaziz Bouteflika (ing.). // Encyclopædia Britannica. (İstifadə tarixi: 9 oktyabr 2017).

[_b32a4e6d3cf0c69a-2] 1 2 Abd al-Asis Bouteflika (alm.). // Brockhaus Enzyklopädie. F.A. Brockhaus. (İstifadə tarixi: 9 oktyabr 2017).

[_1c84985c9abe5841-3] Algeria's former President Bouteflika dies at 84 (ing.). Reuters.

[1]

[2]

[3]