Vətəndaş müharibəsi (komiks)

Vikipediya, açıq ensiklopediya
Keçid et: naviqasiya, axtar
Comment alt font awesome.svg Vətəndaş müharibəsi
ing. Civil War
Civil War Vol 1 1 Variant.jpg
Nəşriyyat Flag of the United States.svg Marvel Comics
Yayın tarixi iyul 2006yanvar 2007
Yaradıcı heyət
Yazıçı(lar) Mark Miller
Rəssam(lar) Mori Hollovel
Mürəkkəbləyici(lər) Dekster Vins
Xəttat(lar) Stiv Makvin
Redaktor(lar) Tom Brivort

Vətəndaş müharibəsi (ing. Civil War) — Marvel Comics tərəfindən 2006-cı ilin iyulundan 2007-ci ilin yanvarına qədər yayınlanan hekayə. Hekayə Mark Miller tərəfindən yazılmışdır. Marvel dünyasında ən əhəmiyyətli hadisələrdən biridir. Hekayə "Sənin tərəfin hansıdır?" şüarı ilə nəşr olunmuşdur.[1]

Məzmun[redaktə | əsas redaktə]

Səbəb[redaktə | əsas redaktə]

Hadisələr "Yeni Döyüşçülər" adlı super komandanın bir TV şou çəkməsi ilə başlayır. Super cinayətkarlarla canlı yayında döyüşərkən Nitro adlı super cinayətkar yerli ibtidai məktəbi partladır. Yaşanan tragediyanın şokundan sonra ABŞ höküməti super qəhrəmanların qeydiyyata alınması haqqında qanun hazırlayır. Bu qanuna görə super qəhrəmanlar artıq gizli kimliklərlə fəaliyyət göstərməyəcək, dövlət üçün işləyəcəklər. ABŞ höküməti hər ştat üçün super qəhrəman təyin edəcəkdir. Bir yandan da cəmiyyət içində super qəhrəmalara olan münasibə mənfiyə doğru dəyişir. Böyük izdiham Məşəl-adama hücum edir. Kapitan Amerika bu qanuna qarşı çıxır və SHIELD-dən ayrılır, onunla eyni fikirdə olan super qəhrəmanlarla yeraltına enir.

Super qəhrəmanlar hadisələri dəyərləndirmək üçün toplaşırlar və bu zaman Uatu peyda olur. Bu tarixdə ilk ciddi qırılmanın göstəricisidir. Qanun ABŞ Konqresi tərəfindən qəbul olunur. Ölkədəki super qəhrəmanlar öz tərəflərini təyin edirlər: Qanun tərəfdarları Dəmir adamın və qanuna qarşı çıxanlar Kapitan Amerikanın tərəfinə keçir. Kapitan Amerika, Luk Keyc, Şahin, Deni Rend kimi qanuna qarşı çıxanlar Gizli Qisasçıları yaradıb yerin altına enirlər. Fantastik dördlük, Henk Pim, Şi-Halk qarşı tərəfi seçir. Doktor Strenc Dəmir adama və Rid Riçardsa qanuna qarşı olduğunu bildirir. Paytaxt Vaşinqtonda isə Hörümçək-adam bir media iclasında maskasını çıxarıb gizli kimliyini açıqlayır və Dəmir adamın tərəfinə keçir. İks-adamlar müharibədə tərəfsiz olacağını elan edir. Emma Frost ilə görüşən Dəmir adam müsbət cavab almır, amma Frost qanunun İks-adamlara tədbiq edilməcəyi şərti ilə Kapitan Amerikanın tərəfinə keçməyəcəklərini bildirir. İks-adamlara ancaq Bişop Dəmir adama qoşulur.

Müharibənin başlaması[redaktə | əsas redaktə]

"Vətəndaş müharibəsi: İks-adamlar"nin üz qabığı.

Hadisələr Torun Dəmir adamın tərəfinə keçib Kapitan Amerikaya hücum etməsi ilə müharibəyə çevrilir. Amma daha sonra bunun Tor olmadığı, Mister Fantastik tərəfindən hazırlanmış bir robot olduğu məlum olur. Bu robot Kapitan Amerikanın tərəfində olan Qoliaf tərəfindən məhv edilir. Bu hadisədən təəccüblənən Kapitan Amerikanın tərəfdaşları döyüş meydanını tərk edir. Mister Fantastikin bu hərəkətindən sonra Görünməz qadın və Məşəl-adam Kapitan Amerikanın tərəfini seçir. Dəmir adam Kapitan Amerika və onun tərəfdarlarını tutmaq üçün keçmiş super cinayətkarları işə almağa başlayır. Bu zaman Dəmir adam və Mister Fantastik qanuna qarşı olan super qəhrəmanları "42" adlı Neqativ zonaya göndərməkdədirlər. Hörümçək-adam bu həbsxananı görüncə Kapitan Amerikanın tərəfində keçmək istəyir, amma Dəmir adam bunu başa düşür. Hörümçək-adam Dəmir adam tərəfindən işə alınan keçmiş super cinayətkarlar Təlxək və Cek lampası tərəfindən yaxalanır və döyülür. Cəzalandıran onların ikisini öldürdükdən sonra Hörümçək-adamCəzalandırıcı da Gizli Qisasçılara qatılır.[2]

Cəzalandırıcı "42"-nin planlarını ələ keçirmək üçün Bakster binasına (Fantastik Dördlüyün qərargahı) gizlicə girir, Görünməz qadın isə Namoru çağırmaq üçün Atlantidaya gedir. Namor müharibəyə qatılmaqdan imtina edir, Goldbug və Plunderer Kapitan Amerikanın tərəfinə keçmək üçün Gizli Qisasçıların qərargahına keçir. Cəzalandırıcı onları səhv başa düşüb öldürür. Kapitan Amerika ona yumruq ataraq komandadan qovur.

Son[redaktə | əsas redaktə]

Son döyüş Nyu Yorkda baş tutur. Namorun başçılığı altında atlantidalılar Kapitan Amerikanın tərəfinə keçir, Kapitan Marvel, Çempionlar komandası və Tor robotu Dəmir adamın tərəfinə keçir. Dəmir adamKapitan Amerika təkbətək döyüşə girişirlər. Kapitan Amerika Dəmir adamdan ard-arda zərbələr alır, Dəmir adam bitirici zərbəni vurmaq istəyərkən EM zirehinin güc mənbəyi sönür. Kapitan Amerika ona hücum edib öldürmək istəyərkən polislər və ətrafdakı insanlar ona mane olmağa çalışır, Kapitan Amerika bilmədən onlara zərər verir. Kapitan Amerika öz şəxsi hüquqlarını qoruyarkən qorumağa and içdiyi insanlara zərər verdiyini görür və tərəfdaşlarına döyüşü buraxmalarını əmr edir. Luk Keyc və digərlərinin təkidlərinə baxmayaraq, Kapitan maskasını çıxarır və Stiv Rocers kimi təslim olur.

Hadisələr zamanı Hörümçək-adamın gizli kimliyi məlum olduğundan Kinqpin Peter Parkeri öldürmək üçün sui-qəsdçi göndərir, amma səhvən Peterin xalası Mey öldürülür. Parkerin işlədiyi "Daily Bugle" qəzeti Peteri məhkəməyə verir. Hadisələri düzəltmək üçün Hörümçək-adam Mefisto ilə razılaşır. Razılaşmaya görə Hörümçək-adamın kimliyi hər kəs tərəfindən unudulacaq və Mey xala həyata qayıdacaqdır. Amma əvəzində Peter Parker və Meri Ceyn artıq evli olmayacaqdır. Peter bunu qəbul edir. Hər şey düzəlir, amma o, artıq evli deyildir.

Nəticələr[redaktə | əsas redaktə]

  • Kapitan Amerika həbs olunub məhkəməyə aparılarkən Krossbouns tərəfindən öldürülür.[3]
  • Hökümət qanuna qarşı çıxan, amma təslim olan super qəhrəmanları əfv edir. Bəzi super qəhrəmanlar qanunu qəbul edir, bəziləri isə qəbul etməyib ölkəni tərk edir.
  • Görünməz qadın və Mister Fantastik Fantastik Dördlüyü tək edir, əvəzinə Fırtına və Qara panter gəlir.
  • Dəmir adam SHIELD-in yeni direktoru olur.[4]
  • Luk Keyc Gizli Qisasçıların yeni lideri olur, yeraltında bəziləri ilə mübarizəyə davam edir.[5]

Tərəflər[redaktə | əsas redaktə]

Kapitan Amerikanın ölümü

Qanuna qarşı olanlar[redaktə | əsas redaktə]

Qanunu dəstəkləyənlər[redaktə | əsas redaktə]

  • Dəmir adam
  • Canavar
  • Bişop
  • Bleyd
  • Kapitan Marvel
  • Hermes
  • Poseydon
  • Sarı Jaket
  • Dedpul
  • Sincab-qız
  • Qara pişik
  • Tarantula
  • Cona Ceymson
  • Ares
  • Qara dul
  • Miss Marvel (Kerol Denvers)
  • Keşikçi
  • Eşşək arısı
  • Möcüzə adam
  • Mister Fantastik
  • Beta Ray Bill
  • Atəş quşu
  • Doktor Samson
  • Mariya Hill
  • Qadın-Halk
  • Əqrəb
  • Tor klonu
  • Atlas
  • Baron Zemo
  • Radioaktiv adam
  • Svordsmen
  • Kərkəs

Seriya[redaktə | əsas redaktə]

Başlıq Yığılan material Səhifələr ISBN
Vətəndaş müharibəsi Vətəndaş müharibəsi #1–7 208 978-0785121794
Vətəndaş müharibəsi: Vətəndaş müharibəsinə doğru Heyranedici Hörümçək-adam #529–531; Fantastik dördlük #536–537; Yeni Qisasçılar: İlluminati 160 978-0785119746
Vətəndaş müharibəsi: Qara panter Qara panter #19–25 168 978-0785122357
Vətəndaş müharibəsi: Kapitan Amerika Kapitan Amerika #22–24; Qış əsgəri: Qış öldürür 112 978-0785127987
Vətəndaş müharibəsi yoldaşlığı Vətəndaş müharibəsi faylları; Vətəndaş müharibəsi: Döyüş zərəri raportu; Marvel Spotlight: Mark Miller/Stiv Maknivn; Marvel Spotlight: Vətəndaş müharibəsi sonrası; Daily Bugle: Vətəndaş müharibəsi xüsusi nəşr 216 978-0785125761
Vətəndaş müharibəsi: Fantastik dördlük Fantastik dördlük #538–543 176 978-0785122272
Vətəndaş müharibəsi: Cəbhə, C. 1 Vətəndaş müharibəsi: Cəbhə #1–6 208 978-0785123125
Vətəndaş müharibəsi: Cəbhə, C. 2 Vətəndaş müharibəsi: Cəbhə #7–11 160 978-0785124696
Vətəndaş müharibəsi: Muzdlu qəhrəmanlar Muzdlu qəhrəmanlar #1–5 120 978-0785141808
Vətəndaş müharibəsi: Dəmir adam Iron Man #13–14; Müharibənin itkiləri; Etiraf 112 978-0785123149
Vətəndaş müharibəsi: Marvel dünyası Tərəf seçmə; Qayıdış; Təşəbbüs; Şi-Halk #8 136 978-0785124702
Vətəndaş müharibəsi: Ms. Marvel Ms. Marvel #6–10; Ms. Marvel xüsusi 136 978-0785123057
Vətəndaş müharibəsi: Yeni Qisasçılar Yeni Qisasçılar #21–25 120 978-0785124467
Vətəndaş müharibəsi: Peter Parker, Hörümçək-adam Sensasiyalı Hörümçək-adam #28–34 168 978-0785121893
Vətəndaş müharibəsi: Cəzalandıran müharibə jurnalı Cəzalandıran müharibə jurnalı #1–4 144 978-0785123156
Vətəndaş müharibəsi: Heyranedici Hörümçək-adam Heyranedici Hörümçək-adam #532–538 168 978-0785122371
Vətəndaş müharibəsi: Thunderbolts Thunderbolts #101–105 120 978-0785119470
Vətəndaş müharibəsi: Müharibə kriminalları Vətəndaş müharibəsi: Müharibə kriminalları; Yeraltı #1–5 160 978-0785126522
Vətəndaş müharibəsi: Porsuq Porsuq #42–48 168 978-0785119807
Vətəndaş müharibəsi: İks-adamlar Vətəndaş müharibəsi: İks-adamlar #1–4 112 978-0785123132
Vətəndaş müharibəsi: İks-adamlar dünyası X-Faktor #8–9; Kabel & Dedpul #30–32 120 978-0785122432
Vətəndaş müharibəsi: Gənc Qisasçılar & Qaçanlar Vətəndaş müharibəsi: Gənc Qisasçılar & Qaçanlar #1–4 112 978-0785123170
Vətəndaş müharibəsi: Ssenari kitabı Vətəndaş müharibəsinə ssenarilər #1–7 240 978-0785127949
Vətəndaş müharibəsi: Birdən...? Birdən? Məhv, Vətəndaş müharibəsi, Planet Halk, İks-adamlar və Hörümçək-adam Şimal porsuğuna qarşı 168 978-0785130369

Digər mediada[redaktə | əsas redaktə]

"Birinci qisasçı: Qarşıdurma" filminin rəsmi loqosu

Filmlər[redaktə | əsas redaktə]

2014-cü ilin oktyabrında Marvel Studios 2016-cı ildə 3-cü Kapitan Amerika filminin çəkiləcəyini bildirmişdir. "Birinci qisasçı: Qarşıdurma" adlanan filmdə hadisələr Vətəndaş müharibəsindən ibarətdir.[6][7] Filmin əsas rollarında Kris Evans (Kapitan Amerika), Robert Dauni (Dəmir adam), Skarlet Yohansson (Qara dul), Elizabet Olsen (Qırmızı cadugər), Antoni Maki (Şahin), Paul Bettani (Vijn), Ceremi Renner (Şahingöz), Don Şedli (Müharibə maşını), Paul Radd (Qarışqa-adam), Çadvik Bosmen (Qara panter), Frank Qrillo (Krossbouns), Daniel Bryul (Baron Zemo) və Tom Holland (Hörümçək-adam) oynamışdır.[8][9] Film 2016-cı ilin 6 mayından kinoteatrlarda göstərilməyə başlamışdır.[10]

Televiziya[redaktə | əsas redaktə]

2010-cu ildə göstərilən "Qisasçılar: Yerin qüdrətli qəhrəmanları" animasiya teleserialında Qisasçılar komandasının tutduqları super cinayətkarları "42" adlı Neqativ zonaya həbs etdikləri göstərilmişdir.

Video oyunlar[redaktə | əsas redaktə]

  • "Spider-Man: Web of Shadows"[11]
  • "Marvel: Ultimate Alliance 2"
  • "Marvel vs. Capcom 3: The Fate of Two Worlds"

İstinadlar[redaktə | əsas redaktə]

  1. http://marvel.com/publishing/stories/showstory.htm?id=64
  2. http://blog.allposters.com/23-amazing-spiderman-pics/
  3. Captain America vol. 5, #25 (April 2007)
  4. Civil War #7 (Feb 2007)
  5. Fantastic Four #543; Black Panther vol. 4, #26 (2007)
  6. Strom, Marc (October 28, 2014). "Marvel Pits Captain America & Iron Man in a Cinematic Civil War". Marvel.com. Arxivləşdirilib: October 28, 2014 tarixində. http://marvel.com/news/movies/23545/marvel_pits_captain_america_iron_man_in_a_cinematic_civil_war. İstifadə tarixi: October 28, 2014.
  7. Siegel, Lucas (October 28, 2014). "Marvel Announces Black Panther, Captain Marvel, Inhumans, Avengers: Infinity War Films, Cap & Thor 3 Subtitles". Newsarama. Arxivləşdirilib: October 28, 2014 tarixində. http://www.newsarama.com/22573-marvel-announces-black-panther-captain-marvel-inhumans-avengers-infinity-war-films-cap-thor-3-subtitles.html. İstifadə tarixi: October 28, 2014.
  8. "Marvel Studios Begins Production on Marvel's 'Captain America: Civil War'". Marvel.com. May 7, 2015. Arxivləşdirilib: May 7, 2015 tarixində. http://marvel.com/news/movies/24586/marvel_studios_begins_production_on_marvels_captain_america_civil_war. İstifadə tarixi: May 7, 2015.
  9. Kit, Borys; Siegel, Tatiana (June 23, 2015). "'Spider-Man' Finds Tom Holland to Star as New Web-Slinger". The Hollywood Reporter. Arxivləşdirilib: June 24, 2015 tarixində. http://www.hollywoodreporter.com/heat-vision/spider-man-finds-tom-holland-794761. İstifadə tarixi: June 23, 2015.
  10. Hayes, Britt (October 28, 2014). "How Will ‘Captain America: Civil War’ Work Without Secret Identities? Marvel’s Kevin Feige Explains". ScreenCrush. http://screencrush.com/marvel-civil-war-secret-identities-kevin-feige/. İstifadə tarixi: October 28, 2014.
  11. http://www.gametrailers.com/

Xarici keçidlər[redaktə | əsas redaktə]