Kapitan Amerika heykəli

Vikipediya, açıq ensiklopediya
Jump to navigation Jump to search
Kapitan Amerika heykəli
Kapitan Amerika Bruklin heykəli.jpg
Heykəl haqqında məlumat
Orijinal adı ing. Captain Amerika Statue
Heykəltəraş MarvelComicave Studios sənətkarları
Ölkə Flag of the United States.svg ABŞ
Şəhər Bruklin, Nyu-York
Tarixi 10 avqust 2016
Digər məlumatlar
Material bürünc

Kapitan Amerika heykəli (ing. Captain Amerika Statue) – Marvel Comics nəşriyyatının eyniadlı personajının 75 illiyinə həsr olunmuş heykəl.

Haqqında[redaktə | əsas redaktə]

Heykəl 2016-cı ilin iyulunda MarvelDisney tərəfindən anons edilmişdir. MarvelComicave Studios sənətkarları tərəfindən dizayn edilmişdir. Əsər 2016 San Diego Comic-Con tədbiri zamanı tanıdılmışdır. Daha sonra ABŞ turuna çıxarılmış, sonda 10 avqust 2016-cı ildə Bruklində yerləşən Prospekt-parkda – Uşaqlar küncündə, karuselin yanında qoyulmuşdur.[1] Bruklin personajın evi hesab olunur.[2]

İki həftə boyunca Prospekt-parkda qaldıqdan sonra heykəl bütün sentyabr boyunca Barclays Center-də, oktyabrdan ilin sonuna qədər isə Sanset parkında nümayiş etdirilmişdir.[1]

Təsviri[redaktə | əsas redaktə]

Bürüncdən hazırlanmış heykəl 13 fut hündürlüyündə, 1 ton ağırlığındadır[2]Kapitan Amerika əlində qalxanını tutmuş vəziyyətdə dayanmaqdadır. Aşağıdakı dayaq hissə üzərində isə "Birinci qisasçı" filmində Kapitan Amerikanın səsləndirdiyi "I'm just a kid from Brooklyn" (azərb. "Mən sadəcə Bruklinli bir uşağam"‎) sözləri həkk olunub.[3]

Mübahisələr[redaktə | əsas redaktə]

Bəzi Bruklin sakinləri heykəllə bağlı narazıçılıqlarını bildirmiş, "parkın dincliyinə, gözəlliyinə və sakitliyinə" zərər vurduğunu iddia etmişdirlər.[3]

İstinadlar[redaktə | əsas redaktə]