Dəmir adam

Vikipediya, açıq ensiklopediya
(Dəmir adam (personaj) səhifəsindən istiqamətləndirilmişdir)
Jump to navigation Jump to search
Dəmir adam
Iron Man
Mark Brooks - Dəmir adam.jpg
Iron Man #2 (2018) komiksinin üz qabığında rəssam Mark Bruks (ing. Mark Brooks) tərəfindən çəkilmiş Dəmir adam təsviri.
NəşriyyatMarvel Comics
Yayım tarixi"Bəlirsizlik hekayələri" #39 (1963)
Yaradıcı(lar)Sten Li
Lari Liber
Don Hek
Cek Kyorbi
Xüsusiyyətlər
Əsl adıAntoni Edvard "Toni" Stark
Doğum yeriManhetten
Cinsiyyətikişi
Boyu185,1 sm
198,1 sm (zirehlə)
Çəkisi102 kq
193 kq (zirehlə)
Göz rəngigöy
Saç rəngiqara
Növüinsan
VətəndaşlıqFlag of the United States.svg ABŞ
Komiks bioqrafiyası
ÜzvlükləriQisasçılar
Müdafiə Departamenti
Güc İşləri
İlluminati
Yeni Qisasçılar
Qalaktika mühafizəçiləri
Stark Indrusties
Qüdrətli Qisasçılar
İldırımsaçanlar
Qərb Sahili Qisasçıları
PartnerləriMüharibə maşını
KöməkçiləriPepper Potts
DüşmənləriKrimson Dinamo
Qamçı
LəqəbləriQızıl Qisasçı, Tənəkə adam, Tetjusin, Mərmibaş[1]
Gücləri

  • Güclü intellekt və Alim
  • Mühəndis bacarığı
  • Zirehli Geyim
    • Üstün güc və dayanıqlıq
    • Supersonik uçuş
    • Enerji repulsor və raket proyeksiyası
    • Rejenerativ həyat dəstəyi
SilahlarıDəmir zireh: uçmaq, 3 Max sürət, güc, dayanıqlıq, enerji partladıcıları

Dəmir adam (ing. Iron Man) — Marvel Comics nəşriyyatı tərəfindən 1963-cü ildə yaradılmış komiks personajı. Marvel Comicsin ən sevilən super qəhrəmanlarından biridir. Ən çox Qisasçılar komandası ilə tanınır. Özü kimliyini açıqlamaqdan çəkinmir.

Nəşr olunma tarixi[redaktə | əsas redaktə]

Dəmir adamın göründüyü ilk say: "Bəlirsizlik hekayələri" #39 (1963)

Dəmir adam komiksçi Sten Li, ssenariçi Lari Liber, rəssam Don Hek və dizayner Cek Kyorbi tərəfindən 1963-cü ildə yaradılmış və ilk dəfə "Bəlirsizlik hekayələri"nin 39-cu sayında çıxmışdır.[2] 1963-cü ildə Sten Li qərara gəlmişdi ki, ilk dəfə bir biznesmeni super qəhrəmana çevirsin.[3] Dövrün oxuyucularının zövqünə və zamanın ruhuna baxmayarq o, kapitalist bir personaj yaratmaq istəyirdi.[4] Li deyirdi:

" …Mən düşündüm ki, mən özümə cəsarət verdim. Soyuq müharibənin qızğın çağı idi. Oxuyucuların, gənc oxuyucuların ən nifrət etdiyi şey var idisə, bu da müharibə, hərb idi... Beləliklə mən bir super qəhrəman düzəltdim. Onun silah fabriki vardı, o ordunu silahla təchiz edirdi, o varlı idi, o kapitalist idi... Mən düşünürdüm ki, heç kimin sevmədiyi, heç kimin xoşlamadığı qəhrəmanı sevdirmək maraqlı olardı... Və o çox populyar oldu. "

O, personajını gözəl qadınların adamı, zəngin bir şəxs kimi yaratmışdır.[5] Yazıçı Qerri Konvay deyir: "O xaricdən sağlam, toxunulmaz, amma daxildən yaralı personaj idi". Sten Li personajı yaradarkən Hovard Haysdan[6] ilham almışdır: "Hovard Hays bizim dövrün canlı insanı idi. O, ixtiraçı, macərapərəst, varlı, qadınlara düşkün və ən nəhayət, dəli idi. Dəlilik olmadan o Hovard Hays idi"[7]

Başlanğıcda Toni Stark anti-kommunist personaj idi, vyetnamlı casusları məğlub edirdi.[8] Li buna görə peşman olmuşdur. Bütün komiks seriyalarında Dəmir adam üçün texnoloji inkişaf və milli müdafiə mövzusu dəyişməz qalmışdır, lakin növbəti seriiyalarda Toni Stark müdafiəsiz və kompleks personaj kimi təsvir olunmuş, alkoqol da daxil olmaqla müxtəlif çətinliklərlə üz-üzə gəldiyindən bəhs olunmuşdur.

Li və Cek Kyorbi "Qisasçılar" #1 komiksindən başlayaraq Dəmir adamı Qisasçılar komandasına qatmış və onu Qisasçıların qurucu üzvlərindən biri olaraq göstərmişdir.

Həyatı[redaktə | əsas redaktə]

İlk illəri[redaktə | əsas redaktə]

Antoni Toni Stark Mariya və Hovard Starkın oğlu kimi anadan olmuşdur. Bu dahi oğlan 15 yaşında ikən Massaçusets Texnologiya İnstitutuna daxil olmuş, burada mühəndislik oxumuş, master dərəcəsi almışdır. Valideynlərinin avtomobil qəzasında ölməsindən sonra şirkətin başına o keçmişdir. Onun şirkəti silah istehsal etməkdə idi.

Bir dəfə Toni Stark asiyalı lider Vonq Çu tərəfindən əsir alınmışdır. Vonq Çu ondan silah düzəltməsini istəmişdir. Lakin Toni Stark ağır yaralanmış və bədəninə daxil olan şrapnellər sürətlə ürəyinə tərəf hərəkət edirmiş. Bu zaman onunla birlikdə əsir olan Ho Yinsen adlı Nobel mükafatı qazanmış fizik şrapnellərin bədəninə daxil olmasının qarşısını almaq üçün maqnit mexanizm hazırlayaraq bədəninə daxil etmişdir. Bu Toni Starkı həyatda tutmuşdur. Əsirlikdən qaçmaq üçün Toni Stark və Ho Yinsen birlikdə gizlicə bir zireh üzərində çalışmağa başlamışdırlar. Amma qaçış zamanı Starkın kostyumu geyməsi üçün Yinsen teroristlərin fikirini yayındırmaqdan ötürü həyatını fəda etmişdir. O, onu qaçıranlarla hesablaşmış və ABŞ pilot komandiri Ceyms Rodsun köməyi ilə xilas olmuşdur.

Evə çatanda məlum olmuşdur ki, bu reaktor onun yaşaması üçün kifayət deyildir, buna görə də onu gücləndirmişdir. O, hər gün reaktoru dəyişməyə məcbur olmuşdur, əks halda şrapnellər onu öldürə bilərdi. Sonra Toni öz şirkəti üçün təhdit olacaq Qara dul, Krimson Dinamo, Mandarin, Titanium adam kimi anti-qəhrəmanlara qarşı vuruşmuşdur. Beləliklə, Toni Stark Dəmir adama çevrilmişdir. Bu zaman ona iki xidmətçisi — sürücüsü Harold "Happi" Hoqan və katibəsi Virciniya "Pepper" Potts kömək edirdilər və Toni Stark hər ikisinə gizli kimliyini açıqlamışdır. Bu arada, Ceyms Rods Toni Starkın şəxsi pilotu olmuşdur.

Yetmişinci, səksəninci illər[redaktə | əsas redaktə]

Daha sonra Toni Stark stilt texnologiyası və kosmik səyahətlər üçün öz zirehini gücləndirmiş, ixtisaslaşdırmış və silahlarını gücləndirmişdir. "Şeytan butulkada" adlı seriyada Toni Starkın alkaqoldan asılığı güclənmişdir. Stark daha sonra öyrənmişdir ki, milli təhlükəsizlik qurumu SHIELD Toninin onları silahla təmin etmələrini istəyir. Bunu da müəyyən etmişdir ki, bəzi anti-qəhrəmanlar Starkın texnologiyasından istifadə edərək silahlarını gücləndirməkdədir. Bu düşmənlərdən biri də rəqib şirkətdən olan Castin Hammer idi və onlar bir çox dəfə üz-üzə gəlmişdirlər.

Filmlər[redaktə | əsas redaktə]

Robert Dauni Dəmir adam rolunda.

Dəmir adam haqqında ilk film 2008-ci ildə Marvel Studios tərəfindən Con Fevreunun rejissorluğu ilə çəkilmişdir.[9] Burada Toni Stark rolunu Robert Dauni canlandırmışdır. O, 2008-ci ildə çəkilən "İnanılmaz Halk" filminin sonunda Toni Starkı oynamışdır. Daha sonra Dəmir adamın iştirakı ilə "Dəmir adam 2" (2010), "Qisasçılar" (2012), "Dəmir adam 3" (2013) və "Qisasçılar: Altron Dövrü" (2015) filmləri çəkilmiş və bütün filmlərdə Toni Stark rolunu Robert Dauni oynamışdır. Onun "Birinci qisasçı: Qarşıdurma" (2016) və "Qisasçılar: Sonsuzluq müharibəsi" (20182019) filmlərində də bu rolu ifa edəcəyi gözlənilir.[10]

İstinadlar[redaktə | əsas redaktə]

  1. http://www.superherodb.com/iron-man/10-85/
  2. DeFalco, Tom (2008). "1960s", Marvel Chronicle A Year by Year History. Dorling Kindersley, 91. ISBN 978-0756641238. “Set against the background of the Vietnam War, Iron Man signaled the end of Marvel's monster/suspense line when he debuted in Tales of Suspense #39...Stan Lee discussed the general outline for Iron Man with Larry Lieber, who later wrote a full script for the origin story. Don Heck...designed the new character."”
  3. Lee, Stan (1975). Son of Origins of Marvel Comics. New York: Simon & Schuster, 45. ISBN 978-0671221669.
  4. Lee, Stan (2002). Excelsior! : The Amazing Life of Stan Lee. New York: Simon & Schuster, 160. ISBN 978-0684873053.
  5. Lee, Son of Origins of Marvel Comics pp. 46-48
  6. (January 2008) "Mask of the Iron Man". Game Informer (177).
  7. Lee, Stan (December 1997). "Stan's Soapbox" from "Bullpen Bulletins" Marvel Comics.
  8. Wright, Bradford (2001). Comic Book Nation. Baltimore MD: Johns Hopkins University Press, 336. ISBN 0-8018-6514-X.
  9. Yamato, Jen (May 1, 2008). "Iron Man is the Best-Reviewed Movie of 2008!". Rotten Tomatoes. Arxivləşdirilib: November 30, 2014 tarixində. http://www.rottentomatoes.com/m/iron_man/news/1725305/. İstifadə tarixi: June 21, 2008.
  10. "Robert Downey Jr. to Return As Marvel’s Iron Man". Marvel.com. June 20, 2013. Arxivləşdirilib: June 20, 2013 tarixində. http://marvel.com/news/story/20786/robert_downey_jr_to_return_as_marvels_iron_man. İstifadə tarixi: June 20, 2013.

Xarici keçidlər[redaktə | əsas redaktə]