Əmi Məmmədov

Vikipediya, azad ensiklopediya
Jump to navigation Jump to search
Əmi Məmmədov
Şəxsi məlumatlar
Doğum tarixi 1922
Doğum yeri
Vəfat tarixi 26 mart 1944(1944-03-26)
Vəfat yeri
Vətəndaşlığı
Hərbi fəaliyyəti
Rütbə matros
Döyüşlər
Təltifləri Sovet İttifaqı Qəhrəmanı
"Lenin" ordeni

Əmi Ağa oğlu Məmmədov (1922, Bakı26 mart 1944(1944-03-26), Mikolayev, Ukrayna Reyxkomissarlığı[d]) — Sovet İttifaqı Qəhrəmanı (1945).

Həyatı[redaktə | əsas redaktə]

Əmi Məmmədov 1922-ci ildə Bakı şəhərində anadan olub. Suraxanı RHK-dan 1941-ci ildə orduya çağırılmışdır[1].

Əmi Məmmədov Suxumi ətrafında ilk dəfə vuruşmaya girmiş və orada kəşfiyyatçı keyfiyyətlərinə malik olduğunu göstərmişdir. Nikolayev desantı əməliyyatı keçirilməzdən əvvəl o, artıq təcrübəli döyüşçü idi. NovorossiyskTaqanroq yaxınlığındakı desant əməliyyatları Kerç, Mariupol, Feodosiya uğrunda döyüşlərdə iştirak etmiş, dəfələrlə yaralanmış, döyüş ordenlərinə və medallarına layiq görülmüşdür.

1944-cü ilin martında Nikolayevdə desantçıların faşistlərlə qeyri-bərabər döyüşündə həlak olmuş 67 nəfərə 1944-cü ilin aprelində Sovet İttifaqı Qəhrəmanı adı verildi. 55 nəfər dəniz piyadasından, 10 nəfər istehkamçıdan və 2 nəfər radisdən ibarət olan Nikolayev desantının iştirakçılarının soyadları dəqiqləşdirərkən 4 nəfər bakılı olduğu müəyyənləşdirildi: Əzizbəyov rayonundakı (Xəzər rayonu) neft trestində nəqliyyat sexinin şoferi Əmi Ağa oğlu Məmmədov, Paris Kommunası adına zavodun dəmirçisi Pavel Osipov, Suraxanı neftçisi Nikolay Petruxin və Bakıdakı 4-cü dəyirmanın yükvuranı Mixail Xakimov. Həmyerlilər arasında Pavel başçı, Əmi ən cürətli, Mixail ən güclü, Petruxin ən müdrik adam sayılırdılar.[2]

26 mart 1944-cü ildə Ukrayna Respublikasının Nikolayev şəhərində həlak olub və orada dəfn edilmişdir.

Ölümündən sonra SSRİ Ali Soveti Rəyasət Heyətinin 1945-ci il 20 aprel tarixli fərmanı ilə Sovet İttifaqı Qəhrəmanı adına layiq görülmüşdür.

Yeni Suraxanı qəsəbəsindəki 101 saylı orta məktəb Əmi Məmmədovun adını daşıyır.

İstinadlar[redaktə | əsas redaktə]

  1. Azərbaycan Respublikası Xatirə Kitabı, IX cild. səh.463.
  2. Məzahir Abbasov. Sovet İttifaqı Qəhrəmanı Əmi Məmmədov. Bakı. Gənclik 1975.

Xarici keçidlər[redaktə | əsas redaktə]