Nikolay Petruxin

Vikipediya, açıq ensiklopediya
Jump to navigation Jump to search
Nikolay Petruxin
rus. Никола́й Дми́триевич Петру́хин
Doğum tarixi 31 mart 1908(1908-03-31)
Doğum yeri Bakı
Vəfat tarixi 27 mart 1944 (35 yaşında)
Vəfat yeri Flag of the Ukrainian Soviet Socialist Republic.svg Ukrayna SSR
Mənsubiyyəti Rus
Rütbə Matros
Döyüşlər
Təltifləri Sovet İttifaqı Qəhrəmanı
"Lenin" ordeni

Nikolay Dmitriyeviç Petruxin (d. 1908, Bakı – ö. 1944, Ukrayna) — Sovet İttifaqı Qəhrəmanı (20 aprel 1945).

Həyatı[redaktə | əsas redaktə]

Nikolay Petruxin 1908-ci ildə Bakıda anadan olub. Milliyətcə rusdur. 1941-ci ildə Bakı Şəhər Hərbi Komissarlığından orduya çağırılmışdır. Matros idi. Müharibə başlayana qədər Bakıda neft mədənlərində işləmişdir. Bir çox döyüş əməliyyatlarında iştirak etmişdir[1].

26 mart 1944-cü ildə Ukraynanın Nikolayev vilayətində həlak olmuşdur[1].

20 aprel 1945-ci ildə Sovet İttifaqı Qəhrəmanı adına layiq görülmüşdür. Lenin ordeniQırmızı Ulduz medalı ilə təltif edilmişdir[1].

Kitablardan[redaktə | əsas redaktə]

Bakıda dünyaya göz açmış Nikolay Petruxin Suraxanıda yaşamış və 30-cu illərin əvvəlində hərbi xidməti qurtarıb, yenə də Bakıya qayıtmış, neft sənayesi ndə işləmişdir. Böyük Vətən Müharibəsi başlandıqda N.Petruxin Qara dəniz donanmasında xidmətə göndərilmiş və snayper peşəsinə yiyələnmişdir. 1944-cü ilin martında Nikolayev şəhərinin azad edilməsi üzrə desant əməliyyatında iştirak edən N.Petruxin şəxsi qəhrəmanlıq göstərmişdir: iki gün ərzində düşmənin 18 hücumu dəf edilmişdi. Çox ağır keçən bu döyüşlərin birində N.Petruxin həlak olmuşdur. Sovet İttifaqı Qəhrəmanı adı ona 1945-ci ilin 20 aprelində verilmişdir

İstinadlar[redaktə | əsas redaktə]

  1. 1,0 1,1 1,2 (2012) Azərbaycan Respublikası Xatirə Kitabı, XII cild. Bakı: Respublika Xatirə Kitabı redaksiyası, səh.181-182. ISBN A-49.