Məzmuna keç

Ənvər Həsənov

Vikipediya, azad ensiklopediya
Ənvər Həsənov
Doğum tarixi 17 avqust 1950(1950-08-17)
Doğum yeri
Vəfat tarixi 16 mart 2025(2025-03-16)[1] (74 yaşında)
Vəfat yeri
Dəfn yeri
Fəaliyyəti aktyor, kinorejissor, rejissor
Mükafatları "Azərbaycan Respublikasının xalq artisti" fəxri adı — 2018"Azərbaycan Respublikasının əməkdar artisti" fəxri adı — 2000
IMDb ID0309023

Həsənov Ənvər Cəfər oğlu (17 avqust 1950, Bakı – 16 mart 2025[1], Bakı) — Azərbaycan aktyoru,[2] rejissor,[2] Azərbaycanın xalq artisti (2018), Azərbaycan Respublikası Prezidentinin fərdi təqaüdçüsü (2023-cü ildən).

Həyatı

[redaktə | vikimətni redaktə et]

Ənvər Həsənov 17 avqust 1950-ci ildə Bakıda anadan olub.[3] 7-ci sinfə qədər 190 saylı məktəbdə oxuyan Ənvər sonra Fəhlə Gənclər Məktəbinə keçir. Buna səbəb isə 1965-ci ildə Cəfər Cabbarlı adına "Azərbaycanfilm" kinostudiyasında Adil İsgəndərovun açdığı kino aktyoru kursuna daxil olması idi.[4] 1969-cu ildə kinoaktyor kursunu bitirib. 1969–1973-cü illərdə M. A. Əliyev adına ADİİ-nun kino və dram aktyorluğu fakültəsində təhsil alıb. 1965-ci ildən "Azərbaycanfilm" kinostudiyasında çalışır.

Ənvər Həsəov gənc yaşlarından kinolara çəkilməyə başlamışdır. Xüsusilə o, "Yeddi oğul istərəm" filmində Cəlal, "Dərviş Parisi partladır" filmində Şahbaz, "Babək" filmində Tərxan, "Atları yəhərləyin" filmində Sirac, "Uşaqlığın son gecəsi" filmində Murad və başqa maraqlı obrazlar yaratmışdır. O, həyat yoldaşı aktrisa Mömünat Qurbanova ilə "Dərviş Parisi partladır" və "Atları yəhərləyin" filmində rol almışdır.[5] Rejissor kimi "Haray, Xocalım, haray", " Tələ" və Hacı Zeynalabdin Tağıyevdən bəhs edən "Sönməyən çıraq" sənədli filmini çəkmişdir.

Azərbaycan kino sənətinin inkişafındakı xidmətlərinə görə 18 dekabr 2000-ci ildə Azərbaycanın əməkdar artisti,[6][7] 1 avqust 2018-ci ildə isə xalq artisti fəxri adlarına layiq görülmüşdür.[8] 6 may 2023-cü ildə Azərbaycan mədəniyyətinin inkişafında xidmətlərinə görə Azərbaycan Respublikası Prezidentinin fərdi təqaüdünə layiq görülmüşdür.[9]

2025-ci ilin yanvarında səhhəti pisləşdiyi üçün xəstəxanaya yerləşdirilib və fevralın 3-ü evə buraxılıb.[10] Ənvər Həsənov 16 mart 2025-ci ildə uzun sürən xəstəlikdən sonra vəfat etmişdir. Bakının Buzovna qəsəbəsindəki ailə qəbiristanlığında həyat yoldaşının məzarı yanında dəfn edilib.[11]

Filmoqrafiya

[redaktə | vikimətni redaktə et]
  1. Ağ atlı oğlan (film, 1995) (tammetrajlı bədii film) - rejissor assistenti
  2. Arxadan vurulan zərbə (film, 1977)
  3. Babək (film, 1979)
  4. Atları yəhərləyin (film, 1985)
  5. Bəyaz həyat (film, 2003)
  6. Bəyin oğurlanması (film, 1985)
  7. Birisigün, gecəyarısı... (film, 1981)
  8. Bizim küçənin oğlanları (film, 1973)
  9. Cavad xan (film, 2009)
  10. Cavad xan. Filmin filmi (film, 2007)
  11. Çalış, nəfəs alma (film, 2006)
  12. Dədə Qorqud (film, 1975)
  13. Dəli Kür (film, 1969)
  14. Dərviş Parisi partladır (film, 1976)
  15. Doğma sahillər (film, 1989)
  16. Dolu (film, 2012)
  17. Dörd bazar günü (film, 1975)
  18. Ənvər Həsənov. Yeddi oğuldan biri (film, 2007)
  19. Ərazi (film, 2005)
  20. Gözbağlıcı (film, 1986)
  21. Gözlə məni (film, 1980)
  22. Haray (film, 1993)
  23. Hökm (film, 1994)
  24. Xoşbəxtlik qayğıları (film, 1976)
  25. İlahi məxluq (film, 2011)
  26. İnsan məskən salır (film, 1967)
  27. İstintaq davam edir (film, 1966)
  28. İşarəni dənizdən gözləyin (film, 1986)
  29. Kənar adamlar (film, 1992)
  30. Küləyapardı (film, 1986)
  31. Qanlı zəmi (film, 1985)
  32. Qatır Məmməd (film, 1974)
  33. Məhkumlar (film, 2007)
  34. Ovsunçu (film, 2002)
  35. Ölüm növbəsi (film, 2009)
  36. Pirverdinin xoruzu (film, 1987)
  37. Səhərə inan... (film, 2011)
  38. Səmt küləyi (film, 1973)
  39. Son döyüş (film, 1996)
  40. Sübhün səfiri (film, 2012)
  41. Şəbəkə (film, 2011)
  42. Şəhərli biçinçilər (film, 1986)
  43. Tələ (film, 1990)
  44. Torpaq. Dəniz. Od. Səma (film, 1967)
  45. Uşaqlığın son gecəsi (film, 1968)
  46. Vəkil hanı? (film, 2011)
  47. Yeddi oğul istərəm... (film, 1970)[12]
  48. Qanun naminə (serial, 2013)

İstinadlar

[redaktə | vikimətni redaktə et]
  1. ↑ 1 2 https://media.az/culture/skonchalsya-narodnyj-artist-azerbajdzhana-anvar-gasanov.
  2. ↑ 1 2 Məhərrəmova T. "Yenə əvvəlki günlərin qayıtmasını istəyirəm": Ənvər Həsənov, aktyor-rejissor: "Ümidsiz yaşamağın mənası yoxdur"//Kaspi.- 2008.- 23 may.- S. 12.
  3. ↑ Aktyorun yubileyi: "Azərbaycanfilm" Ənvər Həsənovun 65 illiyini qeyd etdi //Ekspress.- 2015.- 20 avqust.- S.13.
  4. ↑ "Kinoaktyor studiyasının fəaliyyəti (1966–1974)". Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 169.
  5. ↑ Lalə. Kinostudiyada Ənvər Həsənovun yubileyi qeyd edilib: [C. Cabbarlı adına "Azərbaycanfilm" kinostudiyasında] //Mədəniyyət.- 2015.- 19 avqust.- S.12.
  6. ↑ "Azərbaycan Respublikasının kino xadimlərinə fəxri adların verilməsi haqqında AZƏRBAYCAN RESPUBLİKASI PREZİDENTİNİN FƏRMANI". 2014-08-11 tarixində orijinalından arxivləşdirilib. İstifadə tarixi: 2014-03-29.
  7. ↑ Azəri, L. 65 yaş və 70 film: Ənvər Həsənov: "İstəyirəm ki, tamaşaçı məni bu yaşda formadan düşmüş deyil, elə Murad, Cəlal, Şahbaz görkəmində yadda saxlasın": [Əməkdar artistlə müsahibə] /müsahibəni apardı Lalə Azəri //Mədəniyyət.- 2015.- 19 avqust.- S.12.
  8. ↑ President.Az. "Azərbaycanın kino xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 01.08.2018. 2021-10-26 tarixində arxivləşdirilib. İstifadə tarixi: 2018-08-01.
  9. ↑ President.Az. "Azərbaycan mədəniyyət xadimlərinə Azərbaycan Respublikası Prezidentinin fərdi təqaüdünün verilməsi haqqında Azərbaycan Respublikası Prezidentinin Sərəncamı" (az.). President.az. 06.05.2023. 2023-06-29 tarixində arxivləşdirilib. İstifadə tarixi: 2023-05-07.
  10. ↑ "Xalq artisti Ənvər Həsənovun vəziyyəti kritikdir". Apa.az (az.). İstifadə tarixi: 2025-03-16.
  11. ↑ "Vəfat edən xalq artisti Ənvər Həsənov Buzovnada dəfn olunacaq". Apa.az (az.). İstifadə tarixi: 2025-03-16.
  12. ↑ Həsənov, Ə. “Yeddi oğul”dan biri...: [“Yeddi oğul istərəm” filmində Cəlal obrazını yaradan Əməkdar artist Ənvər Həsənovla müsahibə] /müsahibəni apardı Günay Camalqızı //Ekran-efir.- 2014.- 2 may.- S.10.

Mənbə

[redaktə | vikimətni redaktə et]
  • Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 90.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Ənvər_Həsənov&oldid=8072676"