Ərşad Saleh

Vikipediya, azad ensiklopediya
Jump to navigation Jump to search
Ərşad Saleh
Ərşad Saleh.jpg
Doğum tarixi 1959(1959)
Doğum yeri Kərkük
İraq
Vətəndaşlıq İraq İraq
Peşəsi siyasətçi
Milliyyəti İraq türkmanı

Ərşad Saleh (türk. Erşat Salihi) — İraq siyasətçisi, 2011–ci ildən İraq Türkman Cəbhəsi Partiyasının başçısı.

Həyatı[redaktə | əsas redaktə]

Ərşad Saleh 1959-cu ildə İraqda, Kərkük şəhərinin Musalla məhəlləsində anadan olmuşdur.[1] İlk və orta təhsilini Kərkük şəhərində almışdır.1978-ci ildə Bağdad Universitetinin fizika-riyaziyyat fakültəsini bitimişdir. Orta məktəb illərindən başlayaraq Türkman Milli Hərəkatlarına qoşulan Ərşad Saleh, universitet illərində hərəkatın qabaqcıllarından olmuşdur. Bu fəaliyyətinə görə 1979-cu ildə Türkman Milli Hərəkatına qoşulma (türkçülük) bəhanəsi ilə Baas partiyası tərəfindən həbs edilmiş və 10 il həbs cəzasına məhkum edilmişdir. 9 il Əbu Qərib Həbsxanasında xüsusi siyasi dustaqların saxlanıldığı bölmədə məhkum olaraq saxlanılan Ərşad Salehin qardaşı Səddam Hüseyn rejimi tərəfindən edam edilmiş və ailəsi də Kərkükdən İraqın cənubundakı vilayətlərə sürgün edilmişdir.

İraqda rejimin devrilməsindən sonra 2003-cü ildə Kərkükdə İraq Türkman Cəbhəsinin Musalla Bürosu vəzifəsinə gətirilən Ərşad Saleh, 2004-cü ildə İraq Türkman Cəbhəsi Suriya Cəbhəsi nümayəndəsi kimi çıxış etmişdir. Suriyada da 4 il xidmət edən Ərşad Saleh, 2008 - ci ildə İraq Türkman Cəbhəsinin Qurultayı ilə birlikdə Kərkük Vilayət Sədri vəzifəsini aparmağa başlamışdır.

7 mart 2010 - cu ildə İraqda keçirilən seçkilərdə Kərkükdən millət vəkili seçilmişdir və may 2011 - ci ildən etibarən İraq Türkman Cəbhəsinin yeni sədri kimi vəzifəsini davam etdirmişdir.

İstinadlar[redaktə | əsas redaktə]

  1. "Erşat Salihi kimdir ?" (türk). Avrupa Türk Gazetesi. 1 yanvar 2015. İstifadə tarixi: 2015-10-20. Arxivləşdirilib.

Xarici Keçidlər[redaktə | əsas redaktə]

  1. "Irak Türkmen Cephesi Başkanı Erşat Salihi'ye Yapılan Saldırının Analizi — Caspian Weekly". İstifadə tarixi: 2 iyul 2015. Xəbərin onlayn yayınlanma tarixi: 20 may, 2011–ci il. Arxivləşdirilib.  (türk.)
  2. "Erşat Salihi — www.biyografi.net". İstifadə tarixi: 3 iyul 2015. Arxivləşdirilib.  (türk.)
  3. "Irak Türkmen Cephesi Başkanı Erşat Salihi'ye Yapılan Saldırının Analizi — Ortadoğu Stratejik Araştırmalar Merkezi (ORSAM)". İstifadə tarixi: 3 iyul 2015. Xəbərin onlayn yayınlanma tarixi: 16 may, 2011–ci il. Arxivləşdirilib.  (türk.)
  4. Irak Türkmen Cephesi Başkanı Erşat Salihi'nin açıklaması — Youtube