Əsgər Ələkbərov

Vikipediya, azad ensiklopediya
Jump to navigation Jump to search
Əsgər Ələkbərov
Əsgər Ələkbər oğlu Ələkbərov
Şəkil yoxdur.jpg
Doğum tarixi
Doğum yeri Masis rayonu, Ermənistan SSR, SSRİ
Milliyyəti Azərbaycanlı
Mükafatları "Azərbaycan Bayrağı" ordeni — 1998

Ələkbərov Əsgər Ələkbər oğlu — Azərbaycan Respublikası Daxili İşlər nazirinin müavini (1995-2014), polis general-leytenantı.

Həyatı[redaktə | əsas redaktə]

Əsgər Ələkbərov 1954-cü ildə Ermənistan SSR-in Masis rayonunda anadan olmuşdur.

1977-ci ildə Azərbaycan Kənd Təsərrüfatı İnstitutunu, 1988-ci ildə SSRİ DİN-in Milis Akademiyasını bitirmişdir. 1988-1992-ci illərdə Naxçıvan Muxtar Respublikasının Daxili İşlər Nazirinin müavini vəzifəsində işləmiş, nazir vəzifəsini icra etmişdir.

1993-1994-cü illərdə Bakı şəhəri Xətai rayon Polis İdarəsinin Qərargah rəisi, Qaradağ rayon Polis İdarəsinin rəisi vəzifələrində, 1994-2002-ci illərdə Daxili İşlər Nazirinin müavini - Kadrlar İdarəsinin rəisi vəzifəsində xidmət etmiş, Azərbaycan Respublikası Prezidentinin 18 iyul 2001-ci il tarixli 772 №li Sərəncamı ilə Daxili İşlər Nazirinin müavini vəzifəsinə təyin edilmişdir.

Prezidentin 31 dekabr 1995-ci il tarixli 3178 №li Fərmanı ilə polis general-mayoru, 17 yanvar 2002-ci il tarixli 646 №li Fərmanı ilə isə polis general-leytenantı xüsusi rütbəsi verilmişdir.

Xidmət etdiyi müddətdə cinayətkarlığa qarşı mübarizə işinin təşkilində, dövlətin konstitusiya və dövlət quruluşunun müdafiəsində, əmin-amanlığın təmin edilməsində, habelə kadr hazırlığı sahəsində, beynəlxalq əməkdaşlığın möhkəmləndirilməsində xidmətlərinə görə bir çox mükafatlara layiq görülmüşdür.

Azərbaycan Respublikası Prezidentinin 24 dekabr 1998-ci il tarixli 41 №li Fərmanı ilə "Azərbaycan Bayrağı" ordeni ilə təltif edilmişdir.

Azərbaycan Respublikası Prezidentinin 1 noyabr 2014-cü il tarixli №li Sərəncamı ilə Daxili İşlər Nazirinin müavini vəzifəsinə azad edilmişdir.

Ailəlidir. 5 övladı var.

İstinadlar[redaktə | əsas redaktə]