Əvəz Verdiyev

Vikipediya, azad ensiklopediya
Jump to navigation Jump to search
Əvəz Verdiyev
Əvəz Həşim oğlu Verdiyev
Əvəz Verdiyev.jpg
Şəxsi məlumatlar
Doğum tarixi 1916
Doğum yeri
Vəfat tarixi 1 may 1945(1945-05-01)
Vəfat yeri
Dəfn yeri
Hərbi fəaliyyəti
Mənsubiyyəti SSRİ
Qoşun növü Qızıl Ordu
Rütbə Baş çavuş
Döyüşlər
Təltifləri Sovet İttifaqı Qəhrəmanı
"Lenin" ordeni

Verdiyev Əvəz Həşim oğlu (1916, Bakı1 may 1945, Boleslaves[d]) — Sovet İttifaqı Qəhrəmanı. İkinci dünya müharibəsində döyüşlərdə göstərdiyi qəhrəmanlığa görə Sovet İttifaqı Qəhrəmanı adına layiq görülmüşdür.

Həyatı[redaktə | mənbəni redaktə et]

Əvəz Verdiyev 1916-cı ildə Laçının Quşçular kəndində anadan olmuşdur[1]. Üç yaşından yetim qalmış və Laçın rayonunun Quşcular kəndində böyüyüb boya-başa çatmışdır. 20 yaşı tamam olanda Bakıya getmiş, fəhlə gənclər məktəbində oxuya-oxuya Orconikidze adına maşınqayırma zavodunda işləmişdir.

1938-ci ildə Sovet Ordusuna çağırılmış, SSRİ-Finlandiya müharibəsində (19391940) iştirak etmişdir.

1940-cı ildə ordudan tərxis olunmuş və Bakıya qayıdıb əvvəllər işlədiyi zavodda çalışmışdır. İkinci dünya müharibəsinin başlaması ilə əlaqədar 1941-ci ilin iyun ayında yenidən orduya çağırılmış, döyüşlərdə ağır yaralanmış, tezliklə sağalaraq cəhbəyə qayıtmışdır. UkraynaPolşanın azad edilməsi uğrunda döyüşlərdə iştirak etmişdir.

1944-cü il 2 avqust tarixində Polşanın Staşuv şəhəri uğrunda gedən döyüşdə göstərdiyi qəhrəmanlığa görə 23 sentyabr 1944-cü ildə Sovet İttifaqı Qəhrəmanı adına layiq görülmüş və ona "Qızıl ulduz" medalı (medal №4647) və Lenin Ordeni təqdim olunmuşdur.

Sonrakı döyüşlərdən birində ağır yaralanmış və 1 may 1945-ci ildə vəfat etmişdir. Polşanın Boleslaves şəhərində dəfn olunmuşdur.

Laçında Əvəz Verdiyevə abidə qoyulmuş, şəhərin mərkəzi küçələrdən biri onun adını daşıyır.

İstinadlar[redaktə | mənbəni redaktə et]

  1. "Laçının qəhrəman oğlu". 2016-11-04 tarixində orijinalından arxivləşdirilib. İstifadə tarixi: 2017-01-16.

Xarici keçidlər[redaktə | mənbəni redaktə et]

İstifadə edilmiş ədəbiyyat[redaktə | mənbəni redaktə et]

  • Бабаева Ф. Герой Советского Союза Аваз Вердиев. Баку: 1975,
  • Герои Советского Союза - сыны Азербайджана. Баку: 1965,
  • Герои Советского Союза. Краткий биографический словарь. Том 1. М.: Воениз., 1987,