152mm Sph DANA

Vikipediya, açıq ensiklopediya
Jump to navigation Jump to search
152mm Sph DANA
131121-A-KH850-004 (11045794563).jpg
152 mm Sph DANA
Növü Haubitsa
Mənşəyi Çexoslovakiya
İstismar tarixi
İstismar 1981-ci ildən hal-hazırki dövrə qədər
İstifadə edən ölkə(lər) Çexiya, Slovakiya, Gürcüstan, Azərbaycan, Polşa, Liviya
İstifadə edildiyi müharibə(lər) 2008-ci ildə baş vermiş olan Rusiya-Gürcüstan müharibəsi, 2001-2014-cü illərdə baş vermiş olan Əfqanıstan müharibəsi
İstehsal tarixi
Konstruktor Konštrukta Trenčín
İstehsalçı ZTS Dubnica nad Váhom
İstehsal tarixi 1977
Variantları Versiyaları
Texniki məlumatlar
Ağırlığı 29.250 t (32.243 qısa ton)
Uzunluğu 11.156 m (36 ft 7,2 inç)
Eni 3 m (9 ft 10 inç)
Hündürlüyü 3.63 m (11 ft 11 inç)
Ekipaj 5 və ya 4 nəfər


DANA – (çexcə "dělo automobilní nabíjené automaticky" – avtomatik yükləyicili silahlı yük maşını) 1970-ci illərdə Çexoslovakiya Sosialist Respublikasında 8х8 təkər formullu “Tatra 813” yük maşınının üzərində istehsal edilmiş 152 mm-lik “SpGH Dana” haubitsası bu günədək dünya bazarında sifariş sayı ilə diqqət çəkir. İndiyədək 800-ə yaxın “Dana” istehsal edilərək Çexiya, Slovakiya, Gürcüstan, Azərbaycan, Polşa, Liviya silahlı qüvvələrində xidmətə göndərilmişdir.

“Dana” 8×8 konfiqurasiyalı “Tatra 813” şassisi üzərində yerləşir.

Artilleriya kompleksinin maksimum sürəti 80 km/saat, gediş ehtiyatı 600 km, atış uzaqlığı 28 km, heyəti 4, yaxud 5 nəfərdir. Maşının əsas silahı 5580 mm uzunluğunda 152 mm 37 kalibr top, yardımçı silahı 12.7 mm çaplı pulemyotdur. Top -4°-dən +70°-dək bucaq altında hündürlüyə, ± 220° çarpaz atəş açmaq qabiliyyətinə sahibdir. Topun atış tempi dəqiqədə yarıavtomat rejimdə 4, əllə doldurulduqda 2 mərmidir.

Əfqanıstanda NATO qoşunlarının tərkibində ABŞ, PolşaƏfqanıstan qüvvələrini dəstəkləyən Polşa Silahlı Qüvvələrinə məxsus olan DANA haubitsası

Versiyaları[redaktə | əsas redaktə]

“SpGH Dana” əsasında son 10 ildə Çexiya və Slovakiya şirkətləri tərəfindən bir neçə modernləşdirilmiş haubitsa hazırlanıb.

  • Slovak şirkəti tərəfindən yaradılmış 152 mm “ShKH Modan” artırılmış dəqiqliyi və atəş gücü ilə fərqlənir. Haubitsanın heyəti 5 nəfərdən 4 nəfərə endirilib. Maşında yeni nəzarət-idarəetmə sistemi qurulub.
  • Çexiyanın “Excalibur Army” şirkəti tərəfindən 2011-ci ildə ilk nümunəsi təqdim edilmiş 152 mm “ShKH DANA-M1 CZ” haubitsası yeni atəş-nəzarət və naviqasiya sistemləri ilə təchiz olunub. Maşının manevr imkanları T3-930 mühərriki ilə daha da gücləndirilib.
  • “Konstrukta Defence” şirkəti tərəfindən “Dana”nın bazasında hazırlanmış 155 mm/45 kalibir “ShKH M2000 Zuzana” 1998-ci ildə Slovakiya Ordusunun silahlanmasına (16 ədəd) daxil olub. “Tatra 815” şassisi üzərində yerləşən “Zuzana”nın 12 maşından ibarət partiyası Kiprə ixrac olunub.
152 mm ShKH Ondava layihəsi Zuzana layihəsinin “atası” olub
  • Şirkət 2009-cu ildə 8x8 “Tatra” şassisində “Zuzana”nın təkmilləşdirilmiş modifikasiyası olan 155 mm/52 kalibr “ShKH Zuzana 2” özüyeriyən haubitsasını bazara təqdim edib. Heyəti 4 nəfərdən ibarət olan haubitsanın atış mənzili reaktiv mərmilərlə 41 km, atış tempi avtomat rejimdə dəqiqədə 6 mərmidir. Döyüş çəkisi 32 ton təşkil edən haubitsanın sürəti 80 km/saat təşkil edir. Kompleks inersial naviqasiya avadanlığı, lülənin ağızında sürət hesablayıcı, termal nişangah, rəqəmsal xəritə ilə təchiz olunub.
  • “ShKH Zuzana”nın yeni modifikasiyası olan 155 mm “ShKH A40 Himalaya” özüyeriyən haubitsası isə T-72 şassisi üzərində təklif olunur.