416-nın yolu ilə (film, 2012)

Vikipediya, azad ensiklopediya
Jump to navigation Jump to search
416-nın yolu ilə
416-nın yolu ilə
416-nın yolu ilə (film, 2012).jpg
Janr sənədli
qısametrajlı
müharibə
Rejissor Miri Rzayev
Ssenari müəllifi Amal Alışarlı
Operator Cavid Əliyev
İstehsalçı Azərbaycan televiziyası
İlk baxış tarixi 9 may 2012
Filmin növü qısametrajlı sənədli televiziya filmi
Rəng rəngli
Vaxt 37 dəq.
Ölkə Azərbaycan Azərbaycan
Dil azərbaycanca
İl 2012

416-nın yolu ilə[1] filmi rejissor Miri Rzayev tərəfindən 2012-ci ildə çəkilmişdir. Film Azərbaycan televiziyasında[1] istehsal edilmişdir. Film azərbaycanlı əsgərlərin təşkil etdiyi 416-cı Taqanroq diviziyasının yaradılmasının 70 illiyi münasibətilə çəkilmişdir. 416-cı Taqanroq diviziyası İkinci Dünya müharibəsində faşizmə qarşı qəhrəmanlıq salnaməsi yazan 8 milli diviziyamızdan biridir. Məhz bu diviziyanın qəhrəmanları 3 min kilometrdən çox məsafəni qət edərək Qafqazdan Berlinə qədər irəliləmişlər. Filmin çəkilişləri RusiyaUkraynada aparılmışdır.

Məzmun[redaktə | əsas redaktə]

Film azərbaycanlı əsgərlərin təşkil etdiyi 416-cı Taqanroq diviziyasının yaradılmasının 70 illiyi münasibətilə çəkilmişdir. 416-cı Taqanroq diviziyası İkinci Dünya müharibəsində faşizmə qarşı qəhrəmanlıq salnaməsi yazan 8 milli diviziyamızdan biridir. Məhz bu diviziyanın qəhrəmanları 3 min kilometrdən çox məsafəni qət edərək Qafqazdan Berlinə qədər irəliləmişlər.

416-cı milli diviziyanın döyüş yolu Qafqazdan başlanmışdır. Diviziya 1942-ci ilin sentyabrın əvvəllərində 44-cü ordunun tərkibinə daxil edilərək Şimali Qafqazda Xasavyurt rayonuna göndərilmişdi. Diviziyanın cəbhəyə getdiyi vaxt Qafqaz uğrunda döyüşlərin ən şiddətli dövrü idi. Almaniyanın "Cənub" ordu qrupu komandanlığına 1942-ci ilin 25 sentyabrında Bakını zəbt etmək əmri verilmişdi. 1942-ci ilin oktyabrında 416-cı diviziya 58-ci ordunun tərkibinə daxil edilərək, Sulak çayının şərq sahilində düşmənin Mahaçqala istiqamətindəki hücumlarına qarşı mövqedə yerləşdirildi. Həmin ilin noyabrında diviziya yenidən 44-cü ordunun tərkibinə daxil edildi və təcili olaraq Terek stansiyası zonasında yeni döyüş xəttinə göndərildi. 1942-ci ilin 30 noyabrında diviziya hücuma keçdi.

1943-cü ilin 17 avqustunda Taqanroq istiqamətində başlanmış hücumlarda iştirak edirdi və avqustun 30-da diviziya 28-ci ordunun tərkibində Taqanroq şəhərinin düşməndən azad edilməsində böyük qəhrəmanlıq göstərdi və bu qələbəyə görə ona "Taqanroq diviziyası" fəxri adı verildi.[2]

Filmin üzərində işləyənlər[redaktə | əsas redaktə]

Ssenarist: Amal Alışarlı
Rejissor : Miri Rzayev
Operator: Cavid Əliyev

İstinadlar[redaktə | əsas redaktə]

  1. 1 2 Hərb Tarixi Muzeyində veteranlarla görüş olmuşdur
  2. 416-cı milli atıcı diviziya

Həmçinin bax[redaktə | əsas redaktə]

Azərbaycan filmlərinin siyahısı
2012-ci ilin Azərbaycan filmləri
2010-cu illər Azərbaycan filmlərinin siyahısı