İbrahim Məmmədov (aktyor)

İbrahim Məmmədov
Doğum tarixi	22 dekabr 1934(1934-12-22)
Doğum yeri	Bənəniyar, Culfa rayonu, Naxçıvan MSSR, Azərbaycan SSR, ZSFSR, SSRİ
Vəfat tarixi	9 sentyabr 2014(2014-09-09) (79 yaşında)
Vəfat yeri	Bənəniyar, Culfa rayonu, Naxçıvan Muxtar Respublikası, Azərbaycan
Fəaliyyəti	teatr aktyoru
Mükafatları

İbrahim Əhməd oğlu Məmmədov (22 dekabr 1934, Bənəniyar, Naxçıvan MSSR – 9 sentyabr 2014, Bənəniyar, Naxçıvan Muxtar Respublikası) – Azərbaycan aktyoru, Azərbaycan Respublikasının xalq artisti (2000).

Həyatı

İbrahim Məmmədov 1955-ci ildən C. Məmmədquluzadə adına Naxçıvan Dövlət Musiqili Dram Teatrında işləmişdir.

Əsas rolları: Yaşar, Rəbi ("Ya şar", "Od gəlini", Cəfər Cabbarlı), Hacı Qara ("Hacı Qara", Mirzə Fətəli Axundov), Bəxtiyar ("Komsomol poeması", Səməd Vurğun), Vahan ("Nakam qız", А. Şirvanzadə), Nəroğlan ("Qız atası", Ə. Əsgərov), Məşədi İbad, Mərcan bəy ("О, olmasın, bu olsun", "Ər və arvad", Üzeyir Hacıbəyov), Kərəmov ("Toy", S. Rəhman), Dadaş bala ("Hicran", Sabit Rəhman, Emin Sabitoğlu), Əli Paşa ("Nadir şah", Nəriman Nərimanov) və s.

İbrahim Məmmədov Azərbaycan Teatr Xadimləri İttifaqının üzvü idi. Prezident təqaüdçüsü olmuşdur (2005).

2014-cü il sentyabr ayının 9-da Bənəniyar kəndində vəfat edib.

Ədəbiyyat

• Naxçıvan Ensiklopediyası. II cild (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V. Y. Talıbov. 2005. səh. Məmmədov İbrahim Əhməd oğlu. ISBN 5-8066-1468-9.