Sabit Rəhman

Vikipediya, azad ensiklopediya
Jump to navigation Jump to search
Sabit Rəhman
Sabit Kərim oğlu Mahmudov
Sabit Rehman.jpg
Doğum tarixi
Doğum yeri Nuxa, Bakı quberniyası, Rusiya imperiyası
Vəfat tarixi (60 yaşında)
Vəfat yeri Bakı, Azərbaycan SSR, SSRİ
Dəfn yeri
Vətəndaşlığı Rusiya İmperiyası Rusiya İmperiyası
SSRİ SSRİ
Uşağı
Təhsili
Fəaliyyəti yazıçı, nasir, dramaturq, ssenarist
Mükafatları "Azərbaycan SSR əməkdar incəsənət xadimi" fəxri adı
"Qırmızı Əmək Bayrağı" ordeni
Vikianbarın loqosu Vikianbarda əlaqəli mediafayllar

Mahmudov Sabit Kərim oğlu (Sabit Rəhman) (26 mart 1910, Nuxa, Bakı quberniyası, Rusiya imperiyası23 sentyabr 1970, Bakı, Azərbaycan SSR) — Azərbaycan yazıçısı, dramaturq, Azərbaycanın əməkdar incəsənət xadimi.

Həyatı[redaktə | mənbəni redaktə et]

Poçt markası (2000).

Sabit Rəhman 26 mart 1910-cu ildə Şəkidə (o vaxtkı Nuxada) anadan olmuşdur. Ədəbi fəaliyyətə 1926-1927-ci illərdə Molla Nəsrəddin jurnalında dərc etdiyi felyetonlarla başlamışdır. İlk hekayələr məcmuəsi - "Pozğun" 1931-ci ildə dərc olunmuşdur. Bir çox hekayə və pyes müəllifidir.

Sabit Rəhman Azərbaycan komediyasının banilərindəndir. O, dünyaca məşhur "Arşın mal alan" və "O olmasın, bu olsun", "Koroğlu", "Əhməd haradadır?" filmlərinin, Ulduz musiqili komediyasının ssenarilərinin, Yeddi gözəl baletinin librettosunun müəllifidir.

1943-cü ildə Azərbaycan SSR əməkdar incəsənət xadimi adına layiq görülmüş, iki dəfə Qırmızı Əmək Bayrağı ordeni və medalları ilə təltif olunmuşdur. Şəki dram teatrı S.Rəhmanın adını daşıyır. BakıŞəki şəhərlərində onun adına küçə vardır.

Sabit Rəhman 1970-ci ildə Bakıda vəfat etmişdir.

Əsərləri[redaktə | mənbəni redaktə et]

  • Hekayələri:

"Şirin bülbül", "Qudurğan", "Mir Qasımın macəraları", "Kölgələr", "Mirzəkələntər", "Xəyal plov", "Nikolay taxtdan düşdü", "Qohumlar".

  • Povestləri:

"Vəfasız", "Son faciə".

  • Pyesləri:

"Toy", "Xoşbəxtlər", "Aşnalar", "Aydınlıq", "Əliqulu evlənir", "Yalan" və s.

  • Romanı:

"Nina".

Kitabları[redaktə | mənbəni redaktə et]

Sabit Rəhmanın xatirə lövhəsi (Bakı)
  1. Pozğun (hekayələr). Bakı: 1931
  2. Şirin bülbül (hekayələr). Bakı: 1933
  3. Vəfasız (povest). Bakı: 1933
  4. Xəyalplov. Bakı: 1938
  5. Son faciə (povest). Bakı: 1939
  6. Hüseyn Ərəblinski (povest). Bakı: 1948
  7. Hədiyyə.Bakı: 1949

Filmoqrafiya[redaktə | mənbəni redaktə et]

  1. Arşın mal alan (film, 1945) - (ssenari müəllifi)
  2. O olmasın, bu olsun (film, 1956) - (ssenari müəllifi)
  3. Koroğlu (film, 1960) - (ssenari müəllifi)
  4. Əhməd haradadır? (film, 1963) - (ssenari müəllifi)
  5. Ulduz (film, 1964) - (libretto müəllifi)
  6. Hicran (teatr tamaşası, 1983) - (ssenari müəllifi)
  7. Şirin bülbül (film, 2000) - (əsərin müəllifi)
  8. Gülüş fenomeni. Sabit Rəhman (film, 2014)

Mənbə[redaktə | mənbəni redaktə et]

  • Şəmsəddin Abbasov. “Sovet Azərbaycanının kinosu” //Kommunist.- 1958.- 29 avqust.
  • Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 4.
  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 106.

Xarici keçidlər[redaktə | mənbəni redaktə et]