Abbas Misgərli

Vikipediya, açıq ensiklopediya
Jump to navigation Jump to search
Abbas Misgərli
Misgərli Abbas Qulam oğlu
Abbas Misgərli3.jpg
Doğum tarixi:15 may 1915(1915-05-15)
Doğum yeri: Salyan
Flag of the Azerbaijan Soviet Socialist Republic.svg Azərbaycan SSR
Vəfatı: 17 may 1987 (72 yaşında)
Vəfat yeri: Bakı
Flag of Azerbaijan.svg Azərbaycan
Elm sahəsi: kimya
Elmi dərəcəsi: texnika elmləri doktoru
Elmi vəzifəsi: professor
Təhsili: Ali
Atası:Qulam Misgərli
Anası:Əsmət Misgərli

Abbas Misgərli (tam adı: Abbas Qulam oğlu Misgərli; 15 may 1915, Salyan, Azərbaycan SSR) – azərbaycanlı alim; texnika elmləri doktoru (1956) - professor (1957) ; Azərbaycan SSR-in Əmək veteranı(1977)

Həyatı[redaktə | əsas redaktə]

Misgərli Abbas Qulam oğlu 15 may 1915-ci ildə Salyan şəhərində anadan olmuşdur. O 1931-ci ildə Salyan şəhər 4 saylı orta məktəbi bitirib Lenin adına Azərbaycan Pedaqoji İnstitutunun Kimya-biologiya fakültəsinin Kimya şöbəsinə daxil olmuş, 1935-ci ildə həmin fakültəni bitirmişdir. 1938-ci ilin oktyabr ayından 1941-ci ilin iyun ayına kimi SSRİ Elmlər Akademiyasıın Azərbaycan filialında aspiranturada oxumuş, 1944-cü ilin may ayında dissertasiya müdafiə edərək kimya elmləri namizədi elmi dərəcəsi almışdır.

1953-1956-cı illərdə SSRİ Elmlər Akademiyasında doktorantura təhsili almış, 1956-cı ilin fevral ayında Moskva şəhərində - SSRİ EA-nın Neft İnstitutunda doktorluq dissertasiyası müdafiə edərək texnika elmləri doktoru elmi dərəcəsi almışdır.Ali Attestasiya Komissiyasının (AAK) 3 yanvar 1957-ci il tarixli qərarı iə "kolloid kimyası" ixtisası üzrə professor elmi adına layiq görülmüşdür.

Abbas Misgərli 17 may 1987-ci il tarixdə Bakı şəhərində vəfat edib.

Ailəli idi. 2-si qız, 3-ü oğlan olmaqla 5 övladı var.

Fəaliyyəti[redaktə | əsas redaktə]

Abbas Misgərli laboratoriyada

Ali təhsilini başa vurduqdan sonra Salyan şəhər Kənd Təsərrüfatı Texnikumuna göndərilmiş, 1935-ci ildən 1938-ci ilədək həmin orta ixtisas təhsili müəssisəsində kimya müəllimi vəzifəsində işləmişdir. 1938-ci ilin sentyabr ayından etibarən Azərbaycan SSR Elmlər Akademiyasının Qeyri-Üzvi və Fiziki Kimya İnstitutunda işləmişdir. Böyük Vətən müharibəsi dövründə (1941-ci ilin iyun ayından 1945-ci ilin noyabr ayınadək)sovet ordusu sıralarında kimya qoşun növündə aviasiya hissəsində leytenant rütbəsində kimya xidməti rəisi vəzifəsində xidmət etmişdir.Hərbi xidmətdən tərxis olunduqdan sonra Azərbaycan SSR EA-nın Kimya İnstitutuna qayıtmış, əvvəlcə kiçik, sonra isə böyük elmi işçi vəzivəsində çalışmışdır. 1948-ci ildə laboratoriya rəhbəri seçilmişdir.

Elmi-tədqiqat fəaliyyəti ilə yanaşıAzərbaycan Neft - Kimya İnstitutunda (indiki Neft Akademiyası), Azərbaycan Dövlət Universitetində və Politexnik İnstitutunda (indiki Texniki Universitet)asissent, dosent, fizika kafedrasında kolloid kimyası üzrə professor vəzifələrində əvəzçilik üzrə işləmişdir.

O 1967-ci ildə SSRİ Elmlər Akademiyasının xətti ilə Rumıniyada bir aylıq elmi ezamiyyətdə olmuşdur.

Mətbuatda 4 monoqrafiyası, 200-dən çox elmi məqaləsi dərc olunmuşdur. Ali təhsil müəssisələrində tədris üçün "Kolloid kimyası kursu" (Azərbaycan dilində)dərsliyinin müəllifidir. Neft hasilatında, kimya sənayesində tətbiqini tapmış və tətbiq üçün təklif edilmiş 12 elmin işin müəllifidir. 13 müəlliflik və həmmüəlliflik şəhadətnaməsi almış, həmçinin SSRİ Xalq Təsərrüfatı Nailiyyətləri Sərgisində (XTNS) və respublika sənayesində fərqləndiyinə görə "böyük gümüş" və "bürünc" medallara, pul mükafatlarına layiq görülmüşdür. Rəhbərliyi altında kimya və texnika elmləri üzrə 25-dən çox əməkdaş dissertasiya müdafiə etmişdir.

Qaradağ rayonunda yerləşən Bakı Ağırlaşdırıcılar zavodu Abbas Misgərlinin ixtirası əsasında tikilib və zavodun məhsulu bütün SSRİ-yə göndərilib. Zavodun nəzdində yaradılan elmi laboratoriya alimin rəhbərliyi altında fəaliyyət göstərib.

Azərbaycan SSR Elmlər Akademiyasının Fizika İnstitutunun Fiziki Kimya Şöbəsinin Elmi Şurasının sədri, habelə SSRİ Elmlər Akademiyası və Ukrayna SSR Elmlər Akademiyasının Problemlər Şurasının üzvü, Mendeleyev adına Kimya Cəmiyyətinin kolloid kimyası üzrə Elmi Şurasının üzvü, Respublika Zəhmətkeşləri arasında Kimyəvi Bilgilərin Təbliğatı Cəmiyyətinin üzvü kimi bir çox elmi, ictimai tədbirlərdə iştirak etmişdir.

1977-ci ildə uzun illər boyu vicdanlı xidmətinə görə Azərbaycan SSR Ali Sovetinin göstərişi ilə "Əmək veteranı" fəxri adına layiq görülmüşdür.

İxtiraları[redaktə | əsas redaktə]

• İnşaat məmulatlarının hazırlanması üçün keramik kütlə.

• Gil və gil minerallarının dəyişmə komplekslərinin müəyyənləşdirilməsi vasitəsi.

• Şərab və şərab materiallarının təmizlənməsi vasitəsi.[1]

• Butadiennitril kauçuk əsasda vulkanlaşdırılmış rezin qatışığı.[2]

• Azot-qumus gübrəsinin alınması vasitəsi.

• Gil məhlulunun hazırlanması üçün qumat tozunun alınması vasitəsi.

• Qrunt sularının trixloretilendən təmizlənməsi vasitəsi.

• Xloroppren kauçuk əsaslı rezin qatışığı.

• Bentonun alınması vasitəsi.

Kitabları[redaktə | əsas redaktə]

• "Neft qazamasında işlədilən polidispers gil sistemlərinin kolloid kimyası".

• "Neft və qaz layının fiziki-kimyəvi mexanikası".

• "Kolloidnaya ximiya promıvoçnıx qlinistıx suspenziy".

• "Vliyanie sostava dispersionnoy sredı na abrazivnıe svoystva utyajelyonnıx promıvoçnıx sistem".

• "Novie poverxnostno-aktivnıe reaqentı dlya neftyanoqo bureniya"

Təltif və mükafatları[redaktə | əsas redaktə]

• 1971 - Azərbaycan SSR-nin "Bilik" Cəmiyyətinin Təşəkkürnaməsi(Respublika zəhmətkeşləri arasında kimyəvi bilgilərin təbliğatı Cəmiyyətinin işində fəal iştirakına görə).

• 1975 - Mendeleyev adına Ümumittifaq Kimya Cəmiyyətinin Fəxri Fərmanı(Anadan olmasının 60 illiyi, elmi-pedaqoji fəaliyyətinin 40 illiyi və Cəmiyyətin Azərbaycan Heyət İdarəsinin işində uzun müddət fəal iştirakına görə).

• 1985 - Azərbaycan SSR Ali və Orta İxtisas Təhsili Nazirliyinin Fəxri Fərmanı(M.Əzizbəyov adına Azərbaycan Neft və Kimya İnstitutunda yüksək ixtisaslı mütəxəssislərin hazırlanmasındakı müvəffəqiyyətlərinə, əmək fəaliyyətinin 50 illiyi və anadan olmasının 70 illiyi ilə əlaqədar).

İstinadlar[redaktə | əsas redaktə]

  1. Способ очистки вин и виноматериалов
  2. Вулканизуемая резиновая смесь на основе бутадиеннитрильного каучука