Abraham de Muavr

Vikipediya, açıq ensiklopediya
Keçid et: naviqasiya, axtar
Abraham de Muavr
fr. Abraham de Moivre
Abraham de moivre.jpg
Doğum tarixi: 26 may 1667(1667-05-26)
Doğum yeri: Vitri-le-Fransua, Fransa
Vəfatı: 27 noyabr 1754 (87 yaşında)
Vəfat yeri: London

Abraham de Muavr (fr. Abraham de Moivre, 26 may 1667-ci il – 27 noyabr 1754) - əslən fransız olan ingilis alimidir.

Həyatı[redaktə]

Abraham de Muavr 1667-ci ildə Fransanın Vitri-le-Fransua şəhərində anadan olmuşdur. 11 yaşında Sedan şəhərində Protestant Akademiyasına girmişdir. 1682-ci ildə bu akademiya bağlanır. 1688-ci ildə Muavr protestant olduğu üçün ölkəni tərk etməyə məcbur olur. İngiltərənin paytaxtı London şəhərinə köçdükdən sonra istedadlı bir riyaziyyatçı kimi tanınır. Lakin özgə ölkədən gəldiyi üçün məşhurlaşa bilmir.

1692-ci ildə İngiltərə astronomu Edmund Qalley ilə tanış olur. Bu alim ilə də İsaak Nyutonla tanış olur. 1697-ci ildə İngiltərə Kral Cəmiyyətinin üzvü seçilir. 1722-ci ildə Muavr düsturunu kəşf edir və məşhurlaşır. Muavr ilk dəfə olaraq Laplas teoreminin hallarını isbat etmişdir. 1725-ci ildə Berlin Akademiyasının üzvü seçilir. 1754-cü ildə ildə isə Paris Akademiyasının üzvü seçilir.

Abraham de Muavr 1754-cü ildə London şəhərində vəfat edir.

Maraqlı faktlar[redaktə]

  1. Rəvayətə görə, bir dəfə İsaak Nyutonun yanına xırda işlər üçün gəlirlər.Bu zaman Nyuton deyir : Muavrın yanına gedin, o bunu məndən yaxşı başa düşür
  2. Əfsanəyə görə Muavr öz ölüm gününü dəqiq söyləmişdir.O, yuxusunun arifmetik proqressiyasına uyğun olaraq artmasını başa düşür. Onun 24 saata çatacağını çox asan hesablamışdır və yanılmamışdır.