Abutalıb Qasımov

Vikipediya, azad ensiklopediya
Jump to navigation Jump to search
Abutalıb Qasımov
Şəxsi məlumatlar
Doğum tarixi 25 may 1956(1956-05-25) (63 yaş)
Doğum yeri

Qasımov Abutalıb Ağa oğlu (25 may 1956(1956-05-25), Culfa rayonu, Naxçıvan MSSR) — Naxçıvan Muxtar Respublikasının Təhsil Naziri (1994-1995), Naxçıvan Muxtar Respublikası Ali Məclisi Sədrinin birinci müavini (1995-2000)

Həyatı[redaktə | əsas redaktə]

Abutalıb Qasımov 1956-cı il may ayının 25-də Culfa rayonunun Saltaq kəndində kolxozçu, kəndli ailəsində anadan olub, 1973-cü ildə orta məktəbi fərqlənmə attestatı ilə bitirib. 1973-cü ilin sentyabr ayından 1974-cü ilin dekabr ayına qədər Culfa rayonu C. Cabbarlı adına kolxozda fəhlə işləyib. 1974-cü ilin dekabr ayından 1975-ci ilin iyul ayına qədər Naxçıvan Dövlət Pedoqoji İnstitutunun hazırlıq şöbəsində oxumuşdur. 1975-ci ilin avqust ayından 1979-cu ilin dekabr ayınadək Naxçıvan Dövlət Pedoqoji İnstitunun Tarix fakültəsində təhsil almış və buranı fərqlənmə diplomu ilə bitirmişdir. 1979-cu ilin avqust ayından 1984-cü ilin avqust ayınadək Culfa rayonunun Saltaq kənd orta məktəbinin tarix müəllimi, 1984-cü ilin sentyabr ayından 1990-cı ilin iyul ayınadək həmin məktəbin direktoru işləmişdir. 1988-ci ildə Azərbaycan EA Tarix İnstitutunun aspiranturasında qiyabi yolla təhsilini başa vurmuş, namizədlik dissertasiyası müdafiə edərək tarix elmləri namizədi alimlik dərəcəsi almışdır. 1990-cı ilin iyun ayından 1991-ci ilin iyun ayınadək Culfa rayon Partiya Komitəsində şöbə müdiri, 1991-ci ilin iyun-avqust aylarında isə Naxçıvan Dövlət Universitetində ilk partiya təşkilatı katibi, 1991-ci ilin avqust yından 1994-cü ilin oktyabr ayınadək Naxçıvan Dövlət Unversitetində elmi katib, Azərbaycan tarixi kafedrasında baş müəllim, 1995-ci ilin dekabr ayından isə həmin kafedranın dosenti vəzifəsində işləmişdir. 1994-cü ilin oktyabr ayından 1995-ci ilin dekabr ayınadək Naxçıvan Muxtar Respublikasının Təhsil Naziri, 1995-ci ilin dekabr ayının 23-dən səlahiyyət müddəti qurtarana qədər - 2000-ci il dekabr ayının 7-dək Naxçıvan Muxtar Respublikasın Ali Məclisi Sədrinin birinci müavini vəzifəsində işləmişdir. 1995-2005-ci illərdə Naxçıvan MR Ali Məclisinin deputatı olmuşdur.

2003-cü ildə həm Həcc, həm də Kərbəla ziyarətlərində, 2018-ci il noyabr ayında yenidən Kərbəla ziyarətində olmuşdur. Dosent Abutalıb Qasımov 11 dekabr 2018-ci ildə qəflətən dünyasını dəyişmişdir. ALLAH rəhmət etsin.

Ailəsi[redaktə | əsas redaktə]

A. Qasımov ailəlidir, iki oğul, iki qız atasıdır. 9 nəvəsi vardır.

Hacı Abutalıb Ağa Kəngərli-Azərbaycan tarixində çox böyük rol oynayan Kəngərli tayfasındandır. Ata-babaları XX əsrin 30-cu illərində repressiya dövrünün təzyiqləri nəticəsində Kəngərli soyadından zorla uzaqlaşdırılmış, babası Qasım xanın adı ilə Qasımovlar soyadını qəbul etmişlər. Hazırda müstəqil Azərbaycan şəritində Kəngərli soyadının bərpasına başlanılmışdır. Naxçıvan Muxtar Respublikasının Ali Məclisi tərəfindən 2005-ci ildə buraxılan "Naxçıvan Ensiklopediyası"nın təkmilləşmiş və yenidən işlənmiş ikinci nəşrində, ikinci cilddə səhifə 87-də Hacı Abutalıb Ağa Kəngərli də daxil olmaqla, Kəngərlilərin-onların Vəkil-Sultan qolunun 500 illik cədvəli verilmişdir. Şair, "Qızıl qələm" mükafatı laureatı mərhum Vaqif Əsrar, Hacı Abutalıb haqda "Haqqın özü" adlı poema yazmışdır. Bu poema 2007-ci ildə Bakıda "İstedad" nəşriyyatında çap edilmişdir.

Elmi fəaliyyəti[redaktə | əsas redaktə]

Tarix elmləri namizədi, dosent A. A. Qasımov elmi yaradıcılıqla da ciddi məşğul olur, tədqiqatlarında Azərbaycana bağlı Naxçıvan tarixinin müxtəlif problemləri geniş şərh olunur. A.Qasımov bunlardan əlavə, müxtəlif beynəlxalq elmi konfrans və simposiumlarda-Vaşinqton (1998-ci il iyun, ABŞ), Moskvada (1998-ci il may, Rusiya), Tehranda (1996-cı il iyun. İran), İqdirdə (1997-ci il oktyabr, Türkiyə), Vanda (1998-ci il aprel, Türkiyə), Tbilisidə ( 1999-cu il iyun, Gürcüstan), Qarsda (1999-cu il dekabr, Türkiyə), İstanbulda (2000-ci il iyun, Türkiyə) məruzələrlə çıxış edir, Azərbaycan həqiqətlərinin bütün dünyaya çatdırılmasında fəallıq göstərir.


İstinadlar[redaktə | əsas redaktə]


Xarici keçidlər[redaktə | əsas redaktə]