Alan Xuqayev
| Alan Xuqayev | |
|---|---|
 | |
| Şəxsi məlumatlar | |
| Vətəndaşlığı |
 Rusiya |
| Doğum tarixi | |
| Doğum yeri | Orjonikidze, Şimali Osetiya Muxtar Sovet Sosialist Respublikası, SSRİ |
| Boyu | 178 m |
| Çəkisi | 84 kg |
| İdman növü |
 Güləş |
Alan Xuqayev — Yunan-roma güləşçisi, Olimpiya çempionu, 2017–2019-cu illərdə altıncı çağırış Şimali Osetiya-Alaniya Respublikası Parlamentinin deputatı. 23 avqust 2019-cu ildən Şimali Osetiya-Alaniya Respublikası Bədən Tərbiyəsi və İdman Naziri.
Bioqrafiya[redaktə | mənbəni redaktə et]
27 aprel 1989-cu ildə Şimali Osetiya Muxtar Sovet Sosialist Respublikasının Ordjonikidze şəhərində Anatoli və Fatima Xuqayevlərin ailəsində anadan olmuşdur. Sərbəst güləş üzrə Rusiyanın əməkdar məşqçisi Anatoli Georgiyeviç Xuqayevin ailəsində böyüyür[1].. On yaşında məşqçilər Vaxtanq Qaqloyev və Vladimir Uruimaqovla yunan-roma güləşi ilə məşğul olmağa başlayır. Sonradan Moskvaya köçür, Torpedo klubunda çıxış edir.
Xuqaev K. Xertaqurov adına Şimali Osetiya Dövlət Universitetinin Bədən Tərbiyəsi və İdman Fakültəsini bitirir. Daha sonra Şimali Qafqaz Mədənçilik və Metalurqiya İnstitutunun hüquq fakültəsində əlavə təhsil al. Rusiya Federasiyası Silahlı Qüvvələri sıralarında xidmət etmişdir.
Beynəlxalq güləş karyerası 2007-ci ildə Belqradda keçirilən gənclər arasında Avropa Çempionatından başlayır. Alan orta çəkidə çempion olur. 2009-cu ildə yunan-roma güləşi üzrə Rusiya milli komandasının üzvü olur. Elə həmin il Ankarada keçirilən Dünya Gənclər Çempionatında gümüş medal qazanır.
2011-ci ildə Xuqayev Dünya Kubokunda gümüş medal qazanır və Dünya Çempionatında beşinci yeri tutur. Elə həmin il Rusiya və Avropa çempionatlarında gümüş medal qazanır. London Olimpiadasında, final görüşündə 2004-cü il Olimpiya çempionu misirli Kərəm İbrahim Qaber üçün heç bir şans qoymur. 2013-cü ildə Kazandakı Universiadada birinci yeri tutur və eyni ildə idman karyerasını başa vurur.
Alan Xugayev Rusiyanın əməkdar idman ustası adına sahibdir. 84 kiloqram çəki dərəcəsində çıxış etmişdir. Boyu 178 sm, çəkisi 84 kq-dır.
2017-ci ilin sentyabr ayında Alan Xuqayev, altıncı çağırış Şimali Osetiya-Alaniya Respublikası Parlamentinin deputatı seçilir. Parlamentin Milli siyasət və gənclərlə iş komitəsinin sədri olur[2]. Vahid Rusiya fraksiyasının üzvüdür. 2018-ci ildən Rusiya Milli Komandalarının İdman Hazırlığı Mərkəzində yunan-roma güləşi üzrə Rusiya milli komandasının baş məşqçisi vəzifəsini tutur.
Alan Xuqayev 23 avqust 2019-cu ildə Şimali Osetiya-Alaniya Respublikasının Bədən Tərbiyəsi və İdman Naziri təyin edilir[3].
İdman uğurları[redaktə | mənbəni redaktə et]
2007 — Yeniyetmələr arasında Avropa çempionatı — qızıl,
2009 — Yeniyetmələr arasında Dünya Çempionatı — gümüş,
2011 — Dünya Kuboku — gümüş,
2011 — Rusiya çempionu — gümüş,
2011- Avropa Çempionatı — gümüş,
2012 — Olimpiya Oyunları — qızıl,
2013 — Universiada — qızıl,
Ailəsi[redaktə | mənbəni redaktə et]
Atası — Anatoli Xuqayev, Rusiyanın əməkdar sərbəst güləş məşqçisi.
Anası — Fatimə Xuqayeva.
Həyat yoldaşı — Fatimə.
Qızı — Aida (2012-ci il təvəllüdlü).
İstinadlar[redaktə | mənbəni redaktə et]
- ↑ "Хугаев Анатолий". 2021-10-02 tarixində arxivləşdirilib. İstifadə tarixi: 2021-10-02.
- ↑ "Хугаев Алан Анатольевич Депутат Парламента РСО-Алания шестого созыва". 2022-03-25 tarixində arxivləşdirilib. İstifadə tarixi: 2021-10-02.
- ↑ "Олимпийский чемпион Алан Хугаев назначен главой Минспорта Северной Осетии". 2021-10-02 tarixində arxivləşdirilib. İstifadə tarixi: 2021-10-02.