Aleksandr Tumanov

Vikipediya, azad ensiklopediya
Jump to navigation Jump to search
Aleksandr Tumanov
rus. Александр Туманов
Aleksandr Tumanov.png
Doğum tarixi 11 yanvar 1912(1912-01-11)
Doğum yeri Göyçay, Bakı quberniyası, Rusiya İmperiyası
Vəfat tarixi 29 noyabr 1984 (72 yaşında)
Vəfat yeri Kiyev, Ukrayna SSR, SSRİ
Dəfn yeri
  • Baykovo qəbiristanlığı[d]
Vətəndaşlığı SSRİ SSRİ
Təhsili Azərbaycan Sənaye Universiteti
Mükafatları Sosialist Əməyi Qəhrəmanı
"Lenin" ordeni "Lenin" ordeni "Oktyabr İnqilabı" ordeni "Qırmızı Əmək Bayrağı" ordeni "Şərəf Nişanı" ordeni

Aleksandr Tumanov (rus. Александр Туманов; 11 yanvar 1912, Göyçay, Bakı quberniyası, Rusiya İmperiyası29 noyabr, 1984, Kiyev, Ukrayna SSR, SSRİ) — sovet sənaye xadimi, "Ukrqazprom" ümumittifaq sənaye birliyinin rəisi, Sosialist Əməyi Qəhrəmanı (1981).

Həyatı[redaktə | əsas redaktə]

Aleksandr Tumanov 1912-ci il yanvarın 11-də[1] Göyçayda anadan olub. 1941-ci ildə Azərbaycan Sənaye Universitetini bitirib. İkinci Dünya müharibəsi dövründə və ondan sonra "Saxalinneft" trestində çalışıb.

1950-ci ildə Neft sənayesi Akademiyasını bitirib, sonra isə bir müddət SSRİ Neft sənayesi nazirliyi aparatında çalışıb. 1951-1957-ci illərdə "Ukrqaz" Birliyinin (Lvov) baş mühəndisi olub.

1957-ci ildə isə Xarkov xalq təsərrüfatı şurasının Qaz və neft sənayesi idarəsinə rəhbərlik edib.

1960-1965-ci illərdə Ukrayna xalq təsərrüfatı şurasının Qaz və neft sənayesi idarəsinin rəisi vəzifəsində çalışıb.

1966-cı ildə Tumanovun təşəbbüsü ilə "Ukrqazprom" ixtisaslaşmış istehsalat idarəsi (sonralar birlik) yaradılıb və o, ömrünün sonunadək həmin quruma rəhbərlik edib.

Aleksandr Tumanov 1984-cü il noyabrın 29-da vəfat edib. O, Kiyevin Baykovo qəbiristanlığında dəfn olunub.[2]

İstinadlar[redaktə | əsas redaktə]

  1. "Столетний юбилей руководителя". 2014-05-29 tarixində orijinalından arxivləşdirilib. İstifadə tarixi: 2019-10-03.
  2. "Туманов Александр Георгиевич". Warheroes.ru (rus).