Qarğasoğanı, çöl sarımsağı, qalibsoğan (lat.Allium victorialis)
Gladiolus L. -cinsinin adı latınca "gladus" sözündən götürülmüşdür, tərcüməsi "qılınc" deməkdir. Yabanı halda Cənubi Afrikanın Kap vilayətində bitən 200 növü məlumdur. Gülçülükdə təxminən 40 növdən istifadə edilir. Yaşıllıqların qurulmasında aşağıdakı növlərdən daha gözəl kompozisiyalar qurmaq olar. İlkçiçəkli qarğasoğanı (G. primulinus) - üzərində 5-6 ədəd yumru gülləri olan bitkidir.
Kirəmit qarğasoğanı (G. imbricatus) hündürlüyü 80 sm-ə qədər, sünbülşəkilli çiçəyində 3-dən 14-ə qədər al-qırmızı gülləri olan bitkidir. Kirəmit qladioluslar inkişaf dövründən asılı olaraq 2 qrupa bölünür. Qarğasoğanın soğanaqlı yumrusunda bir neçə kök bici vardır. Onlardan ancaq mərkəzi tumurcuq inkişaf edir. Vegetasiya dövründə gövdənin bünövrəsində əvəzedici soğanaq əmələ gəlir ki, sentyabrda bu soğanaqları çıxarmaq lazımdır. Onları saxlamazdan əvvəl gövdələr 3-5 sm hündürlükdə kəsilməli və bala soğanaqları ayrılmalıdır. Əkməzdən əvvəl soğanaqlar 1-2 %-li formalin məhlulunda 30 dəqiqə saxlanmalıdır. Azərbaycanda yayılan qarğasoğanı növlərindən yaşıllaşdırmada geniş istifadə edilir.
