Altay İsmayılov

Vikipediya, azad ensiklopediya
Jump to navigation Jump to search
Altay İsmayılov
Altay Hüseyn oğlu İsmayılov
Altay Ismayilov.jpg
Doğum tarixi 5 dekabr 1975 (1975-12-05) (44 yaş)
Doğum yeri Lənkəran, Azərbaycan Azərbaycan SSR
Vətəndaşlığı Azərbaycan Azərbaycan SSR
Azərbaycan Azərbaycan
Elmi dərəcəsi İqtisad elmləri doktoru
Elmi adı professor
İş yeri Azərbaycan Memarlıq və İnşaat Universiteti
Qafqaz Universiteti
Xəzər Universiteti
ADİU
Təhsili İstanbul Universiteti
Mərmərə Universiteti
Səlcuq Universiteti

Altay İsmayılovAzərbaycan Dövlət İqtisad Universitetinin “Beynəlxalq iqtisadiyyat (ingilis dilli)” kafedrasının müdiri (2017-ci ildən), iqtisad elmləri doktoru (2007-ci ildən).[1]

Həyatı[redaktə | əsas redaktə]

5 dekabr 1975-ci ildə Lənkəranda dünyaya gəlmişdir.

1992-cil ildə Bakı şəhərində BDU-nun nəzdindəki 1 nömrəli Fizika, riyaziyyat və informatika təmayüllü liseyi bitirmiş, həmin il İstanbul Universitetinə daxil olmuşdur. 1993-cü ildə dil hazırlığı üzrə Ankara Universiteti TÖMER, 1998-ci ildə İstanbul Universitetinin Siyasi Elmlər Fakultəsinin Menecment ixtisası üzrə bakalavr, 2001-ci ildə Mərmərə Universitetinin Sosial Elmlər İnstitutunun İqtisadi Siyasət ixtisası üzrə magistratura təhsili almışdır.

2007-ci ildə Səlcuq Universitetinin Sosial Elmlər İnstitutunun İqtisadiyyat ixtisası üzrə doktorantura pilləsini tamamlayaraq iqtisad elmləri üzrə fəlsəfə doktoru (PhD) alimlik dərəcəsini almışdır. Doktorantura sonrası (PostDoc) fəaliyyətini 2013-cü ildə Avropa Komissiyası Erasmus Mundus Alrakis II proqramı ilə Polşada Varşava Təbiət Elmləri Universitetində (SGGW), 2014-2015-ci tədris ilində isə ABŞ Dövlət Departamentinin Fulbrayt (Fulbright) programı ilə Amerikada, Arizona Dövlət Univseristetində (ASU) tədqiqatçı kimi davam etdirmişdir. 2016-2017-ci tədris ilinin payız semestrində Avropa Şurasının Erasmus+ KA 107 proqramı çərçivəsində Almaniyanın Koblenz Universitetində 1 semestr boyunca dərs demişdir.

Əmək fəaliyyətinə özəl sektorda icraçı direktor olaraq başlamış, 2004-cü ildən isə təhsil sektorunda fəaliyyətini davam etdirmişdir. Bu illər ərzində Azərbaycan Memarlıq və İnşaat Universitetində, Qafqaz Universitetində, Xəzər Universitetində və Azərbaycan Dövlət İqtisad Universitetində (UNEC) müxtəlif vəzifələrdə çalışmışdır.

2017-ci ilin mayından Azərbaycan Dövlət İqtisad Universitetinin “Beynəlxalq iqtisadiyyat (ingilisdilli)” kafedrasının müdiridir.

İstinadlar[redaktə | əsas redaktə]

  1. Altay İsmayılov