Andradit

Vikipediya, azad ensiklopediya
Jump to navigation Jump to search
Andradit
Andradite-dem13a.jpg
Ümumi
KateqoriyaMineral
Formul
(təkrarlanan vahid)
Ca3Fe2(SiO4)3
Xarakteristika
RəngSarı, qonur, qonuru-qırmızı, qara və s
ParlaqlıqŞüşə parıltısı
ŞəffaflıqŞəffaf, yarımşəffaf
Sıxlıq3800–3900 kq/m3

Andradit (Portuqaliya mineraloqu J. B. di’Andra-i-Silvanın şərəfinə adlandırılmışdır) – qranatlar qrupuna aid geniş yayılmış mineral. Kimyəvi tərkibi Ca3Fe2(SiO4)3. Çox vaxt titan qarışıqlı olur. Kubik sinqoniyada kristallaşır. Süxurlarda möhtəvilər şəklində və dənəvər formasında rast gəlinir. Rəngi sarı, qonur, qonuru-qırmızı, qara və s. Yaşıl, yaxud qızılı-yaşıl növü (demantoid) qiymətli daşdır. Güclü şüşə parıltısına malikdir. Sərtliyi – 6,5–7, sıxlığı 3800–3900 kq/m³. Skarnlar üçün tipik mineraldır. Həmçinin qələvi intruziv süxurlarda və karbonatitlərdə rast gəlinir. Abraziv materialdır. Saf növləri bəzək daşı kimi işlədilir. İsveçdə, ABŞ-da, RF-də (Ural), Orta Asiyada, Azərbaycan Respublikasında (Daşkəsən) və s. yerlərdə yataqları var.[1]

Vikianbarda Andradit ilə əlaqəli mediafayllar var.

İstinadlar[redaktə | əsas redaktə]

  1. "Andradit". Azərbaycan Milli Ensiklopediyası[25 cilddə]. I cild (10 000 nüs.). Bakı: “Azərbaycan Milli Ensiklopediyası” Elmi Mərkəzi. baş red. M. K. Kərimov. 2009. səh. 491. ISBN 978-9952-441-02-4.