Anna Boleyn

Vikipediya, açıq ensiklopediya
Keçid et: naviqasiya, axtar
Anna Boleyn
Anna Boleyn
İngiltərəİrlandiya kralının xanımı
28 may 1533 — 17 may 1536
Sələfi: Araqonlu Ketrin
Xələfi: Ceyn Seymur
 
Dini: Anqlikan
Təvəllüdü: 1501 vəya 1507
Kent, Böyük Britaniya
Vəfatı: 19 may 1536
London qalası, Böyük Britaniya
Dəfn yeri: Müqəddəs Pyotr Şapeli, London, Böyük Britaniya
Atası: Thomas Boleyn
Anası: Elizabet Howard
Həyat yoldaşı: VIII Henri
Uşaqları: I Elizabet
 
İmzası: İmzası

Anna Boleynİngiltərə kraliçası, VIII Henrinin ikinci arvadı, I Yelizavetanın anası.

Həyatı[redaktə | əsas redaktə]

Anna Boleyn 1507-ci ildə Londonda anadan olub. Öz dövrünə görə mükəmməl təhsil alan Anna 1514-cü ildə ingilis şahzadəsi Mariya Tüdorun rəiyyəti tərkibində Fransaya köçərək Fransız kral sarayında təhsilini davam etdirir. 1520-ci ildə isə siyasi problemlərə görə ingilislər vətənlərinə dönməli olurlar. Onların sırasında 13 yaşlı Anna da olur. Vətənə qayıdan Anna kral sarayında özünə diqqəti gözəlliyi ilə deyil ağlı və davranışı ilə cəlb edir. 1522-ci ildə o ilk dəfə olaraq kral Henri VIII-nin gözünə dəyir. Cavan və ağıllı Anna kralı heyran edir. Lakin Anna kralın məşuqələrindən biri olmaq istəmir və ona görə də kralın diqqətinə laqeyd qalır. Kral isə ailə həyatından razı deyildi, həyat yoldaşı Araqonalı Yekaterina dünyaya oğlan gətirmirdi. Bircə sağ qalan övladları isə Mariya idi[1].

VIII Henri
I Yelizaveta, Anna Boleynin və VIII Henrinin qızı

Oğlan arzusunda olan və Annaya vurulan kral boşanmaq qərarına gəlir. O Katolik kilsəsinə boşanma haqda istəyini bildirir. Bunu bilən Anna Krala kiçik bir hədiyyə göndərir. Bu hədiyyə balaca qızıl gəmi və almazdan düzəldilmiş qadın idi. Gəmi - müdafiə, almaz isə sevgi rəmzidir. Krala məktubunda isə Anna ona öz sevgisini söz vermiş və onun qanuni həyat yoldaşı olmağa razılığını bildirmişdir. Katolik dininə görə isə boşanmaq haqda icazəni yalnız Papa verə bilər. Papa isə İspaniya ilə əlaqələri pozmaq istəmirdi, ona görə də kralın nigahını pozmadı. Qəzəblənən Kral Roma ilə bütün əlaqələri kəsir. Kraliçanı dəyişmək arzusunda olan kral ölkənin dinini dəyişir, Anqlikan kilsəsi yaradır və kilsənin başında özü durur. Yekaterina ilə boşanan kral 1533-ci ildə Anna ilə evlənir. 1533-ci ildə onların ilk övladı Yelizaveta dünyaya gəlir. Kral oğlan arzusunda idi və bu xəbər onu çox məyus edir. Kral Annadan soyuyur. Anna isə öz hakimiyyətindən istifadə edərək Kraliçaya yaraşmayan hərəkətlər edir və sonda düşmənlərinin köməyi ilə kralın gözündən salınır.

Anna Boleyn 1533-cü il 19 mayda dövlətə xəyanətdə günahlandırılaraq edam olunur. Edam olunan kraliçaya bir çox əsərlər ithaf olunub, filmlər çəkilib. Onlardan ən məşhuru Boleyn Bacıları əsəridir.

Mənbə[redaktə | əsas redaktə]

  1. Ağıllı bir qadın xəzinədir. Gözəl və ağıllı bir qadın gücdür  (azərb.)

Xarici keçidlər[redaktə | əsas redaktə]

Ədəbiyyat[redaktə | əsas redaktə]

  • Lindsey K. Divorced, beheaded, survived..., USA, 1995
  • Перфильев О. "Жёны Синей Бороды: в спальне Генриха VIII.", М., 1999
  • Которн Н. Интимная жизнь английских королей и королев. Откровенное и нелицеприятное изложение фактов из жизни монархов от Генриха VIII до наших дней. − М.: Аст, 1999. − 336 с.