Anna Qolubkina

Vikipediya, açıq ensiklopediya
Jump to navigation Jump to search
Anna Qolubkina
rus. Анна Голубкина
Fotoqrafiya
İlk adı Anna Semyonovna Qolubkina
Doğum tarixi 28 yanvar 1864(1864-01-28)
Doğum yeri Zaraysk, Ryazan quberniyası
Vəfat tarixi 7 sentyabr 1927 (63 yaşında)
Vəfat yeri Zaraysk, Moskva vilayəti
Vətəndaşlığı Flag of the Soviet Union.svg SSRİ
Fəaliyyəti heykəltəraş
Təhsili Moskva rəssamlıq, heykəltəraşlıq və memarlıq məktəbi
İmperator Rəssamlıq Akademiyası
İstiqamət impressionizm
Üslub impressionizm
simvolizm
Commons-logo.svg Vikianbarda əlaqəli mediafayllar

Anna Semyonovna Qolubkina (rus. Анна Семёновна Голубкина; 28 yanvar 1864, Zaraysk, Ryazan quberniyası - 7 sentyabr 1927, Zaraysk, Moskva vilayəti) — rus heykəltəraş. Şərəfinə Venerada krater adlandırılıb.

Həyatı[redaktə | əsas redaktə]

Anna Qolubkina 1864-cü ildə Ryazan quberniyasının (hazırda Moskva vilayəti) Zaraysk şəhərində anadan olmuşdur. 25 yaşında ikən Moskvaya getmiş və Anatoli Qunst tərəfindən təşkil edilmiş Qunst İncəsənət Məktəbinə (18891890-cı illər) daxil olmuşdur. Həmin məktəbdə Qolubkinanın bacarığını məşhur heykəltəraş və pedaqoq Sergey Volnuxin kəşf edir. Bir neçə il Moskva rəssamlıq, heykəltəraşlıq və memarlıq məktəbində təhsil alır. Ardınca Peterburqa köçür və 1894-1895-ci tədris ilində həvəskar dinləyici kimi Rəssamlıq Akademiyasında Vladimir Beklemişevin sinfində iştirak edir. 1895-ci ilin yayında Parisə gedərək, özəl Kolarossi Akademiyasında olur. 1897-ci ildə Rusiyaya qısamüddətli qayıdışından sonra Kamilla Klodelin yerinə keçərək, Ogüst Rodenin assistenti olur və onun əsərlərinin əl və ayaqları üzərində çalışır. Bu dövrdə onun "Qarı", "Alov", "Duman" kimi əsərləri meydana gəlir. "Qarı" əsərində heykəltəraş "Düşünən adam" əsərindən bəhrələnmişdir.

1901-ci ildə Moskvaya qayıtmışdır. 1904-1906-cı illərdə Moskva ticarət məktəbində, 1913-1916-cı illərdə Preçisten işçi kurslarında və 1918-1922-ci illərdə isə Ali Bədii-Texniki Emalatxanalarda (rus. ВХУТЕМАС) dərs demişdir. "Heykəltəraşlıq sənəti haqqında bir neçə söz" kitabının müəllifidir.

Ən məşhur rus qadın heykəltəraşlardan biri olan Anna Qolubkinanın işlədiyi bir çox əsərlər dəzgah heykəltəraşlığının klassikasına çevrilmişdir. Onun işləri ən böyük muzey və nadir kolleksiyalarda (Tretyakov qalereyası, Rus Muzeyi və s.) saxlanılır. Qolubkina öz əsərlərində əməkçi insanların obrazını yaratmış ilk heykəltəraşlardan olub.

Rusiyada Karl Marksın ilk heykəltəraşlıq portretini də məhz Qolubkina hazırlamışdır.

Ömrünün son illərində tez-tez vətəninə qayıdırdı. Zarayskda vəfat etmiş və həmin şəhərin qəbiristanlığında dəfn olunmuşdur.

Xatirəsi[redaktə | əsas redaktə]

1985-ci ildə Hindistanda yerləşən Beynəlxalq Astronomiya İttifaqının qurultayında Venerada yerləşən böyük kraterlərin birinə Qolubkinanın adının verilməsi barədə qərar qəbul olunub.[1] Hazırda Zaraysk şəhərində Qolubkinanın ev muzeyi fəaliyyət göstərir. 1999-cu ildə muzeydə heykəltəraşın Yuri İvanov tərəfindən işlənilmiş abidəsi qoyulub.[2] 21 may 1934-cü ildə Moskva şəhərində açılmış[3] Qolubkinanın muzey-emalatxanası Tretyakov qalereyasının filialı kimi fəaliyyət göstərir.

Əsərləri[redaktə | əsas redaktə]

  • "Üzgüçü" (rus. Пловец; 1886)
  • "Dəmir" (rus. Железный; 1897)
  • "Qocalıq" (rus. Старость; 1897)
  • "Duman" dekorativ güldanı (rus. Декоративная ваза «Туман»; 1899)
  • "İşçi" (rus. Рабочий; 1900)
  • "M.Y. Lermontovun portreti" (rus. Портрет М. Ю. Лермонтова; 1900—1901)
  • "Alov" (rus. Огонь; bürünc, 1900—1901)
  • "Gələn insan" (rus. Идущий человек; 1903)
  • "K. Marksın portreti" (rus. Портрет К. Маркса; 1905)
  • "Nina" (rus. Нина; mərmər, 1907)
  • "Ana və uşaqları" (rus. Мать и дети; mərmər, 1908)
  • "Qarı" (rus. Старая; mərmər, 1908)
  • "Qul" (rus. Раб; 1909)
  • "Y.D. Nikiforovanın portreti" (rus. Портрет Е. Д. Никифоровой; mərmər, 1909)
  • "Hiyləgər" (rus. Лисичка; 1909)
  • "Arabaçı" (rus. Ломовик; ağac, 1909)
  • "İnsan" (rus. Человек; gips, 1909)
  • "Yazıçı A.M.Remizovun portreti" (rus. Портрет писателя А. М. Ремизова; 1910)
  • "İki" (rus. Две; mərmər, 1910)
  • "Gölməçə" (rus. Лужица; bürünc, 1910)
  • "Dalğınlıq" (rus. Задумчивость; gips, 1910)
  • "Uşaqlar" (rus. Дети; gips, 1910)
  • "Uçuş" ("Quşlar") (rus. Полет (Птицы); gips, 1910)
  • Kariatidalar (rus. Кариатиды; ağac, 1911)
  • "Oturan insan" (rus. Сидящий человек; gips, 1912)
  • "Tozağacı" (rus. Березка; 1927)
  • "L.N. Tolstoyun portreti" (rus. Портрет Л. Н. Толстого; 1927)

Şəkil qalereyası[redaktə | əsas redaktə]

Anna Qolubkinanın məzarı

İstinadlar[redaktə | əsas redaktə]

Ədəbiyyat[redaktə | əsas redaktə]

  • А. С. Голубкина. Письма. Несколько слов о ремесле скульптора. Воспоминания современников.- М. : Советский художник, 1983.
  • Каменский А. А. Анна Голубкина: Личность. Эпоха. Скульптура. — М.: Изобразительное искусство, 1990.
  • Каменский А. Рыцарский подвиг: Книга о скульпторе Анне Голубкиной. М., 1978
  • Добровольский О. М. Голубкина. — М.: Молодая гвардия, 1990. — 352, [32] с. — (Жизнь замечательных людей. Серия биографий. Вып. 707). — 150 000 экз. — ISBN 5-235-00787-5.
  • Русские художники. Энциклопедический словарь. Ю. Я. Герчук, И. А. Башинская, Т. Б. Вилинибахова и др. — М. : Азбука, 2000. ISBN 5-267-00064-7
  • Калугина О. В. Скульптор Анна Голубкина: Опыт комплексного исследования творческой судьбы: монография. — М.: Галарт, 2006. — 248 с. — ISBN 5-269-01043-7. — Библиогр.: с. 228—237. — Имен. указ.: с. 239—241. — Прил.: с. 245.
  • Рецензия М. Волошина на выставку Товарищества московских художников см.: Русская художественная летопись (прил. к «Аполлону»), 1911, февр., No 4, с. 62—63.
  • Волошин М. А. С. Голубкина. Впервые опубликовано в журнале «Аполлон» (1911, No 6, с. 5—12); на вкладках этого номера «Аполлона» помещены фотографии скульптур Голубкиной.
  • Чулков Георгий. Годы странствий: Из книги воспоминаний. М., 1930, с. 205.
  • Машковцев Н. О современном скульпторе (По поводу выставки А. С. Голубкиной). — Сев. записки, 1915, No 3, с. 98.
  • Булгаков С. Тихие думы. М., 1918, с. 57 (у С. Н. Булгакова в статье «Тоска», посвященной выставке Голубкиной 1914—1915 гг.: «…её творчество <…> исполнено той высшей, правой тоски, которая есть всегда преодолеваемая основа радости»)
  • Россций [А. М. Эфрос]. А. С. Голубкина (выставка скульптур). — Рус. ведомости, 1915, 10 янв.).
  • Врангель Н. История скульптуры. М., [1909], с. 402.
  • Ефимов Иван. Об искусстве и художниках. М., 1977, с. 188

Xarici keçidlər[redaktə | əsas redaktə]