Arif Buzovnalı

Vikipediya, azad ensiklopediya
Naviqasiyaya keç Axtarışa keç
Arif Buzovnalı
Arif Rauf oğlu Əliyev
Doğum adı Arif Əliyev
Doğum tarixi 6 sentyabr 1972(1972-09-06) (52 yaş)
Doğum yeri
Vətəndaşlığı SSRİ SSRİ→
Azərbaycan Azərbaycan
Milliyyəti azərbaycanlı
Fəaliyyəti şair
Vikianbarın loqosu Vikianbarda əlaqəli mediafayllar

Əliyev Arif Rauf oğlu (Arif Buzovnalı; 6 sentyabr 1972, Buzovna) — şair, qəzəlxan, tədqiqatçı, şeirşünas, Azərbaycan Yazıçılar Birliyinin Xəzər (Bakı) bölməsinin sədri[1]

Həyat və fəaliyyəti

[redaktə | mənbəni redaktə et]

Arif Buzovnalı 1972-ci ildə 6 sentyabr tarixində Bakının Buzovna qəsəbəsində ziyalı ailəsində dünyaya gəlib. 1979–1989-cu illərdə Buzovna qəsəbəsindəki 26 saylı orta məktəbdə təhsil alıb. 1990-cı ildə hərbi xidmətə yollanıb, 1992-ci ildə Sovet ordusunda (sonradan MDB ordusu) xidmətini başa vurub. 1993-cü ildə Azərbaycan Pedaqoji İnstitutuna daxil olsa da, təhsilinə başlamadan könüllü olaraq Qarabağ cəbhəsinə gedib və atəşkəsə qədər (1994-cü il 1 may) Əzizbəyov adına Könüllülər Batalyonunda döyüşüb.

Arif Buzovnalının ədəbi fəaliyyəti erkən yaşlarına təsadüf edir. 1987-ci ildə "Pioner" jurnalına göndərdiyi "Vahidə bənzətmə" şeiri jurnalın konsepsiyasına uyğun gəlmədiyinə görə dərc edilməsə də, 1991-ci ildə həmin şeir "Azərbaycan Gəncləri" qəzetində çap olunub.

Bakıda və Abşeronda fəaliyyət göstərən müxtəlif ədəbi məclislərin, o cümlədən "Füzuli" və "Məcməüş-şüəra" məclislərinin üzvü olub. Mütəmadi olaraq dövrü mətbuatda "Azərbaycan Gəncləri", "Kaspi", "İki sahil", "Yol", "Olaylar", "Ədəbiyyat qəzeti", "Tək səbir", "Nəbz", "Şəhriyar" və başqa qəzetlərdə, həmçinin "Hikmət", "Kəlam", "Ulduz", "Karvan", "Azərbaycan" jurnallarında bədii əsərləri və müxtəlif mövzulu məqalələri ilə çıxış edib.

2003-cü ildə Təbrizdə keçirilən "Şeri-tənz" Beynəlxalq şeir müsabiqəsinin qalibi olub.

2010-cu ildə Urmiyyədə keçirilən "Rəzəvi" Beynəlxalq Şeir Festivalının qalibi olub, 2011-ci ildən 2016-cı ilə qədər həmin festivalın türkdilli şeir üzrə münsifi olmuşdur.

2014–2021-ci illərdə Azərbaycan Dövlət Televiziyasında (Aztv) "Məclisi-Üns" verilişinin daimi iştirakçısı olmuşdur.

2018–2019-cu illərdə keçirilmiş 1-ci və 2-ci "Nəsimi — Şeir, incəsənət, mənəviyyat" festivalı çərçivəsində "Nəsimi məclisi" və "Bir qəzəlin şərhi" proyektlərinin müəllifi və aparıcısı olmuşdur.

2022-ci ildə Türkiyə Cumhuriyyətində keçirilmiş Beynəlxalq Türkologiya Kongresi professor Dk. Vüsalə Musalının "Çağdaş Azərbaycan ədəbiyyatında klassik gələnəyin davamı: Arif Buzovnalı sənəti" adlı tədqiqat işinə həsr edilmişdir.[2]

Azərbaycan,Türkiyə, İran, Ukrayna, Rusiyada keçirilmiş bir çox elmi və ədəbi konfranslarda iştirak edib, müxtəlif diplom və mükafatlara layiq görülüb. Şeirləri xarici dillərə tərcümə edilib və müxtəlif ölkələrin mətbuatında çap olunub.

Yeddi kitabı işıq üzü görüb və müxtəlif almanaxlarda əsərləri yer alıb.

Ömər Xəyyam, Sergey Yesenin və Leyla Əliyevadan tərcümələri var.

2022-ci ildə 50 illik yubileyi münasibətilə haqqında təbriklər, ithaflar və məqalələrdən ibarət "Arif" kitabı çap olunub. Kitabda şairin həmkarlarının, müxtəlif elm və incəsənət xadimlərinin Arif Buzovnalı şəxsiyyəti və yaradıcılığı barədə yazıları toplanıb.[3]

  • 2011-ci ildən Azərbaycan Yazıçılar Birliyinin üzvüdür.
  • 2016-cı ildə təsis edilmiş Xəzər Yazıçılar Birliyinin sədridir.
  • 2017-ci ildən "Poeziya klubunun" sədridir.
  • 2022-ci ildən AYB "Füzuli" komissiyasının sədridir.

Ailəsi

[redaktə | mənbəni redaktə et]

Ailəlidir, iki övladı var.

Əsərləri

[redaktə | mənbəni redaktə et]
  • Ömrün ötən anları, 1999.
  • Mərifətdən həqiqətə, 2005.
  • Səhərimə nə qalıb ki, 2007.
  • Xəzərim, 2009.
  • Sarı güllər, 2010
  • Seçilmiş əsərlər, 2014[4]
  • Vadi, 2022[5]
  • Qəzəllər, 2023

Tədqiqat

[redaktə | mənbəni redaktə et]
  • Xətai və Füzuli… Düşüncələr
  • Nəsimi bir baxışda
  • Qırx qəzəl – Qırx şərh
  • Çün "əhsəni təqvim" idi

İstinadlar

[redaktə | mənbəni redaktə et]
  1. ↑ "ARİF BUZOVNALI ŞƏXSİYYƏTİ". 2023-05-10 tarixində arxivləşdirilib. İstifadə tarixi: 2023-12-20.
  2. ↑ "BAĞIMSIZLIK DÖNEMİ AZERBAYCAN EDEBİYATINDA KLASİK GELENEĞİN DEVAMI". 2023-10-21 tarixində arxivləşdirilib. İstifadə tarixi: 2023-12-20.
  3. ↑ "Arif" kitabının təqdimatı olub
  4. ↑ "Hacı Arif Buzovnalının yeni kitabı işıq üzü görüb". 2023-12-20 tarixində arxivləşdirilib. İstifadə tarixi: 2023-12-20.
  5. ↑ ""Vadi" ədəbiyyat vadisini xeyli gözəlləşdirmiş oldu". 2023-12-20 tarixində arxivləşdirilib. İstifadə tarixi: 2023-12-20.

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Arif_Buzovnalı&oldid=7840354"