Arif Paşa

Vikipediya, azad ensiklopediya
Jump to navigation Jump to search
Arif Fəxrəddin oğlu Paşayev
Arif Paşayev (II).jpg
Şəxsi məlumatlar
Doğum tarixi (61 yaş)
Doğum yeri Laçın, Azərbaycan
Vətəndaşlığı Azərbaycan Azərbaycan
Milliyyəti azərbaycanlı
Təhsili
Hərbi fəaliyyəti
Qoşun növü Azərbaycan Quru Qoşunları
Hərbi hissə 811 saylı Laçın dağ-atıcı alayı
Xidmət illəri 1991-92
Rütbə
Azərbaycan Silahlı Qüvvələrinin Quru Qoşunlarının polkovniki.png Polkovnik
Vəzifəsi Alay komandiri

Arif Fəxrəddin oğlu Paşayev — Azərbaycan Silahlı Qüvvələrinin keçmiş Laçın dağ-atıcı alayının ilk komandiri, Qarabağ müharibəsi iştirakçısı, ehtiyatda olan polkovnik, siyasətçi.[1]

Həyatı[redaktə | əsas redaktə]

Arif Paşayev 15 may 1959-cu ildə Laçın şəhərində anadan olub. 1966-1976-cı illərdə Laçın şəhər orta məktəbində orta təhsil alib. 1977-ci ildə Azərbaycan İnşaat Mühəndisləri İnstitutuna daxil olub, 1982-ci ildə həmin institutu sənaye və mülki tikinti ixtisası üzrə bitirərək təyinatla Daxili İşlər Nazirliyinin sərəncamına göndərilib. 1982-1984-cü illərdə xaricdə Sovet qoşun kontingentinin tərkibində xidmət edib. 1984-1991-ci illərdə müxtəlif təsərrüfat müəssisələrinin rəhbəri vəzifələrində çalışıb, Laçın rayon Xalq Deputatları İcraiyyə Komitəsi sədrinin müavini olub. 1988-ci ilin fevralın 15-də Xankəndində erməni separatizminin fəaliyyətə başlamasından iki gün sonra erməni separatizminə qarşı gizli silahlı təşkilat-Müvəqqəti Fövqəladə Komitə yaradıb. 1988-ci ilin aprelində üzvlərinin sayi bir neçə min nəfər olan Laçın rayon Müdafiə Komitəsini yaradıb və ona başçılıq edib. 1988-ci ilin iyun ayında Laçın rayon Xalq Cəbhəsini yaradıb və ona başçılıq edib. Həmin vaxtlar hələ Azərbaycan Xalq Cəbhəsi yaranmamışdı. AXC-nin ilk İdarə Heyyətinin üzvü seçilib. 1991-ci ilin oktyabr ayında Azərbaycan Respublikası Müdafiə Nazirliyinin 1N-li əmri ilə Laçın rayon Ərazi Müdafiə Batalyonunun komandiri təyin edilib və Azərbaycanda ilk milli hərbi hissəni yaradıb. 1992-ci ilin martında Azərbaycanda ilk nizami hərbi alay - Laçın Alayını yaradıb və onun komandiri təyin edilib. 1992-ci ilin aprelin 30-da naməlum səbəblərdən alayın komandiri vəzifəsindən azad edilib. Bundan 18 gün sonra erməni silahlı birləşmələri Laçın rayonunu işğal ediblər. 1992-ci ilin iyulundan 2002-ci ilədək AXCP sədrinin müavini olub.

1993-cü ilin avqust ayında Cinayət Məcəlləsinin 4-cü maddəsində ölüm cəzası nəzərdə tutulan 13 maddə ilə ittiham olunaraq həbs edilib. 1994-cü ilin sentyabrın 21-də Milli Təhlükəsizlik Nazirliyinin istintaq təcridxanasından qaçırılıb. 1994-cü ilin noyabrında məhkəmə keçirilməsini tələb edərək, məhkəməyə qayıdıb və 1995-ci ilin may ayının 12-də bəraət alıb.

Azərbaycanın ilk milli marşı olan Əsgər Marşı, Arif Paşayevin komandir olduğu, Laçında ilk yaradılan könüllülərdən ibarət Ərazi Müdafiə Batalyonunda oxunub. Sonradan həmin batalyon 811 saylı alay oldu.

Ehtiyatda olan polkovnikdir. Müxtəlif illərdə Azərbaycan Xalq Cəbhəsi Partiyası, Bütöv Azərbaycan Xalq Cəbhəsi Partiyası sədrlərinin müavini olub.

İstinadlar[redaktə | əsas redaktə]

  1. Nihad Cebrayil (26 May 2015). ""Cebhe xetti" layihesinde: Arif Paşa". Axar.az (azərb.). İstifadə tarixi: 11 November 2020.