Arzu Ələsgərov
| Arzu Ələsgərov | |
|---|---|
| Arzu Süleyman oğlu Ələsgərov | |
| Ümumi məlumatlar | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Atası | Süleyman Ələsgərov |
| Musiqiçi məlumatları | |
| Fəaliyyəti | Pianoçu, Musiqiçi, Pedaqoq, Professor, Dosent |
| Fəaliyyət illəri | 1968 – h.h. |
| Janr | Klassik musiqi |
| Musiqi aləti | Fortepiano |
| Təhsili | Bakı Musiqi Akademiyası, Moskva Dövlət Konservatoriyası |
| Mükafatları |
 |
Arzu Süleyman oğlu Ələsgərov (17 dekabr 1945, Bakı, Azərbaycan SSR, SSRİ) — pianoçu, Bakı Musiqi Akademiyasının Dosenti və Professoru, Azərbaycan Respublikasının Əməkdar artisti . Bəstəkar Süleyman Ələsgərovun oğlu.[1]
Həyatı[redaktə | mənbəni redaktə et]
Arzu Ələsgərov 17 mart 1945-ci ildə Bakı şəhərində Azərbaycan Respublikasının xalq artisti Süleyman Ələsgərovun ailəsində anadan olub. 1951-ci ildə Bülbül adına Orta İxtisas Musiqi Məktəbinə (A. A. Kələntərin sinfi) daxil olub. 1963-cü ildə Azərbaycan Dövlət Konservatoriyasına (M. R. Brennerin sinfi). 1968-ci ildə Azərbaycan Dövlət Konservatoriyasını bitirib. 1969-cu ilin yanvar ayından 1970-ci ilin sentyabr ayına kimi Pyotr Çaykovski adına Moskva Dövlət Konservatoriyasının stajoru olmuşdur (rəhbər professor Y. İ. Milşteyn). 1970–1972-ci illərdə Ü. Hacıbəyli adına Azərbaycan Dövlət Konservatoriyasının aspirantı olub. Dəfələrlə xarici ölkələrdə konsert proqramları ilə çıxış etmişdir (Almaniya, Polşa (1972), Seneqal, Nigeriya (1973), Ukrayna (1978), Özbəkistan (1980)).
Pedaqoji fəaliyyət[redaktə | mənbəni redaktə et]
1968-ci ildən Ü. Hacıbəyli adına Azərbaycan Dövlət Konservatoriyasında assistent vəzifəsində çalışmağa başlayıb (M. R. Brennerin assistenti).
1970-ci ildən Bakı Musiqi Akademiyasının fortepiano kafedrasında müəllim vəzifəsində çalışmağa başlayıb. 1976-cı ildən Bakı Musiqi Akademiyasının "İxtisas fortepiano" kafedrasında baş müəllim vəzifəsində çalışmağa başlayıb. 1981–1984-cü illərdə SSRİ Mədəniyyət Nazirliyinin xətti ilə Suriyanın Aleppo şəhərində işləmişdir. 1988-ci ildə Dosent, 1994-cü ildə Professor elmi adına layiq görülüb.1996-cı ildə Qahirə Konservatoriyasına dəvət olunmuşdur. Orada dəfələrlə konsertlərdə tanınmış ifaçılarla çıxış edib. 2014-cü ildən bu günə kimi Üzeyir Hacıbəyli adına Bakı Musiqi Akademiyasında çalışır.
Yaradıcılığı[redaktə | mənbəni redaktə et]
1962-ci ildə "Parla bizim Azərbaycan" adlı müsabiqədə II-ci yerin sahibi olub. 1970-ci ildə Moskvada Üzeyir Hacıbəyli adına Azərbaycan Dövlət Simfonik Orlestrı ilə P. İ. Çaykovskinin I ci konsertini ifa edib. 1970-ci ilin sentyabr ayında Buxarest şəhərində Ç. Enesku adına beynəlxalq müsabiqədə iştirak edib.
Mükafatları[redaktə | mənbəni redaktə et]
• 1989-cu ildə Azərbaycan Respublikasının Əməkdar artisti fəxri adına layiq görülüb.
Azərbaycan Respublikasının Prezidenti İlham Əliyevin 2014-cü il tarixli sərəncamına Əsasən Arzu Süleyman oğlu Ələsgərova Prezidentin fərdi təqaüdü verilib.
• Azərbaycan Respublikasının Prezidenti İlham Əliyevin 2021-ci il tarixli sərəncamına əsasən Bakı Musiqi Akademiyasının 100 illik yubeleyi ilə əlaqədar musiqi sənətində uzunmüddətli səmərəli fəaliyyətinə görə, "Tərəqqi" medalı ilə təltif edilmişdir.
İstinadlar[redaktə | mənbəni redaktə et]
- ↑ "Bakı Musiqi Akademiyası - Ələsgərov Arzu Süleyman oğlu". musicacademy.edu.az (az.). 2023-11-12 tarixində arxivləşdirilib. İstifadə tarixi: 2023-11-13.