Asəf Nadirov

Vikipediya, açıq ensiklopediya
Keçid et: naviqasiya, axtar
Asəf Nadirov
Asəf Nadirov Abbasqulu oğlu
AsəfNadirov.jpg
Doğum tarixi: 13 mart 1929(1929-03-13)
Doğum yeri: Cəlilkənd, Şərur rayonu, Naxçıvan MR
Vəfatı: 14 mart 2014 (85 yaşında)
Vəfat yeri: Bakı
Vətəndaşlıq: Flag of Azerbaijan.svg Azərbaycan
Elmi dərəcəsi: Akademik
Elmi vəzifəsi: AMEA-nın həqiqi üzvü
Mükafatları:
"Şöhrət" ordeni
"Əmək veteranı" medalı

Asəf Nadirov — AMEA-nın həqiqi üzvü.

Həyatı[redaktə | əsas redaktə]

Asəf Nadirov Abbasqulu oğlu 1929-cu il martın 13-də Naxçıvan MR Şərur rayonunun Cəlilkənd kəndində anadan olmuşdur.Azərbaycan Milli Elmlər Akademiyasının akedemiki,Əməkdar Elm Xadimi.

  • 1951-ci ildə Azərbaycan Dövlət Universitetinin iqtisadçı-coğrafiya ixtisasını bitirmişdir.
  • 1968-ci ildə iqtisadi elmlər doktoru, 1970-ci ildə isə professor elmi dərəcəsinə yüksəlmişdir.
  • 1980-ci ildə AMEA-nın müxbir üzvu, 1989-cu ildə həqiqi üzvü seçilmişdir

AMEA-nın İqtisadiyyat İnstutunda şöbə müdiri(1958-1964),elmi işlər üzrə direktor müavini(1964-1981),AMEA Rəyasət Heyətinin baş elmi katibi və akademik-katibi(1981-1997),AMEA-nın Rəyaset Heyətinin üzvu vəzifəsində çalışmışdır.

2003-cü ildən Azərbaycan Respublikası Prezidenti yanında Ali Attestasiya Komitəsinin Rəyasət Heyətinin üzvüdür. O cümlədən, 1987-ci ildə Umumittifaq "Bilik" cəmiyyətinin idarə heyətinin üzvü, 1988-ci ildə SSRİ Elmlər Akadamiyasının Regional İqtisadi Problem üzrə şuranın üzvu seçilmişdir.

14 mart 2014-cü ildə Bakı şəhərində vəfat etmişdir.

Elmi fəaliyyətləri[redaktə | əsas redaktə]

1956-cı ildə «Naxçıvan MSSR-in İqtisadi-coğrafi səciyyəsi» mövzusunda dissertasiya müdafiə etmiş və AMEA Coğrafiya institutuna kiçik elmi işçi vəzifəsinə qəbul edilmişdir. 1957-ci ildən AMEA İqtisadiyyat bölməsinin kiçik elmi işçisi, baş elmi işçisi, şöbə müdiri, 1964-cü ildən institutunun elmi hissə üzrə direktor müavini olmuşdur. 1968-ci ildə «Azərbaycanda sənayenin səmərəli yerləqdirilməsinin iqtisadi problemləri» mövzusunda doktorluq dissertasiya müdafiə etmişdir. 1970-ci ildə ona professor elmi adı verilmişdir. 1960-cı ildən indiyə qədər Bakı Dövlət Universitetin müəllimidir. 1966-1981-xi illərdə AMEA-nın İqtisadiyyat seriyası «Xəbərlər» jurnalının baş redaktorun müavini, sonra baş redaktoru təyin olunmuşdur. 1980-cı ildə AMEA-nın müxbir üzvü, 1989-cu ildə isə həqiqi üzvü seçilmişdir. 1981-ci ildə AMEA Rəyasət Heyətinin üzvü və baş elmi katibi, 1990-1997-ci illərdə baş akademik katibi və yenidən Rəyasət Heyətinin üzvü seçilmişdir. O, bütün şüurlu həyatını elmə və təhsilinin inkişafına sərf etmişdir.[1]

Nailiyyətləri[redaktə | əsas redaktə]

800-dən çox monoqrafiya, dərslik, iri həcmli elmi məqalələrin müəlliifidir. Əsərləri Türkiyədə, Rusiyada, MDB ölkələrində, Almaniyada, , Fransada, Hindistanda, Yunanıstanda və s. ölkələrdə nəşr olunmuşdur olmuşdur. Türkiyə,Almaniya, Fransa, ÇXR, Hindistan, Yuqaslaviya, Yunanıstan, Avstriya, İran və s. keçirilmiş beynəlxalq, həmçinin ittifaq əhəmiyyətli konqres və simpoziumlarda məruzə etmişdir.

Asəf Nadirovun rəhbərliyi ilə 6 nəfər doktor və 60 nəfərdən artıq namizədlik dissertasiyası müdafiə etmişdir.

Mükafatları[redaktə | əsas redaktə]

Asəf Nadirov Azərbaycan Respublikasının ali mükafatları "Şərəf"(2009) və "Şöhrət"(2004) orden, Sovet İttifaqının Xalqlar Dostluğu ordeni, Əmək igidliyinə görə medalı,Sovet Sülh Müdafiə Fondunun fəxri medalı, bir sıra nüfuzlu elmi mərkəzlərin fəxri diplomlari və fərmanları ilə təltif olunmuşdur.O cümlədən, 2012-ci ilin oktyabr ayının 16-da Bakıda keçirilən İqtisadi Əməkdaşlıq Təşkilatının(ECO) XII Sammitinində,İqtisadi Əməkdaşlıq Təşkilatının mükafatını alan ilk və tək Azərbaycanlı kimi tarixə düşmüşdür.


İstinadlar[redaktə | əsas redaktə]

  1. Bakı “Elm”- 2013